تجربتي مع السيجاره الالكترونيه وايضا حبوب شامبكس

**naser_56** · 21-01-2013 04:39 AM

اغلبنا بيعاني من التدخين وكل المدخنين عاوزين برضه يبطلوه ولكن بدون فائده انا حاولت وحاولت وكنت افشل وطبعا من ضمن المحاولات وهي تجربه حبوب شامبكس وليها في المنتدي اكثر من موضوع واغلب الي جربوها نفعت معاهم ولكن للاسف انا حدث معي عكس ذلك واصبحت ادخن اكثر تقريبا هي مفعولها ليه تاثير علي المخ انه بيديله ايحاء بهد وصول نيكوتين وده السبب عندي الحبوب تدي ايحاء للمخ بعدم وجود نيكوتين وطبعا انا اشرب اكثر وايضا من ضمن المحاولات وهي السيجاره الالكترونيه وده كان من حوالي ٣ سنين وطبعا ده شكل السيجاره

طبعا السيجاره دي ولا ليها اي لازمه ولم تأتي بأي مفعول وخلو بالكم منها علشان اعلاناتها ماليه التلفيزيون حاليا انا يمكن جربتها حوالي ساعه وبعدين رميتها طبعا تسحب منها النفس كأنك بتسحب هوا بالضبط ولا ليها اي طعم ولا اي نكهه والتجربه الثانيه من حوالي شهرين طبعا اخوي بيدخن برضه وقلي عليها وانه عاوز يشتريها وانا قلت له ابعد عنها خساره فلوس وخلاص وحكيتله اني جربتها من فتره ورميتها من اول ساعه ولكن هو ما اقتنعش وقلي في اصحابه في الشغل جايبينها وهو جربها منهم وجايبه معاه نتيجه وفعلا اشتراها طبعا انا وقتها كنت في اجازه وموجود في مصر وهو كان بالكويت المهم بعد ما سافرت شفتها معاه ولقيت شكلها يختلف عن الي جربتها من فتره وسألته ايه اخبارها قلي انا من حوالي شهرين ما بدخنش بس بدخنها هي قلت له طيب وريني كده اجربها وسحبت منها نفس والتاني وطبعا لقيتها تختلف اختلاف تام عن الي جربتها قبل كده وكأنك بتدخن سيجاره حقيقيه بصراحه انا عجبتني جدا ورحت مشتري واحده والحمد لله من حوالي اكثر من شهر تدخيني قل من علبتين في اليوم الي حوالي ٣ او ٤ سجاير بس يعني العلبه بتقعد معاي حوالي اربع ايام وطبعا ده سببه ان البطاريه بتخلص او يخلص مني النيكوتين السائل بتاعها طبعا السيجاره الجديده دي هي عباره عن تانك وليست فلاتر مثل القديمه وطبعا التانك ده بيتعبي خليط يتكون من بروبلين جليكول او جلسرين فواكه + نكهه تفاح او فراوله او اي نكهات تانيه + النيكوتين وطبعا بيكون بتركيزات معينه في منه خفيف وفيه متوسط وفيه ثقيل بيعادل نفس السيجاره العاديه

وده فيديو ليها
[youtube]http://www.youtube.com/watch?v=W7aJos52sqY&feature[/youtube]

**naser_56** · 21-01-2013 04:52 AM

طبعا من مساؤي السيجاره الي ذكرتها في السابق هي وجود ليك او تسريب للسائل وايضا البطاريه بتاعتها ما بتكملش اليوم يعني لازم يكون معاك بطاريتين ليها وممكن البطاريتين ما يكملوش اليوم ايضا وطبعا غير مشكله تسريب السائل منها وهتلاقيه مالي ايدك والسيجاره وهتلاقو ايضا فيديوهات ليها اذاي تمنع التسريب ولكن اغلبها ما جابتش نتيجه معاي وطبعا فضلت ادور علي انواع اخري تكون اكثر احترافيه ولقيت دي وعجباني جدا والمميز فيها كبر حجم البطاريه وامكانييه تغيير البطاريه وايضا امكانييه تغيير التانك بتاع السائل لاكثر من نوع وحتي التانك بتاعها فيه لغايه ٧ ملي من حيث سعه النيكوتيين او ممكن تجيبه ٥ ملي او ٣ ملي وطبعا بطاريتها قابله للتغيير وايضا السيجاره نفسها قابله لتغيير الفولت وده الفيديو بتاعها طبعا دي انا طلبتها من الانترنت وعند وصولها هاديكم الانطباع الكامل عنها

[youtube]http://www.youtube.com/watch?v=sDzFw-k8xzk&feature[/youtube]

**naser_56** · 21-01-2013 04:55 AM

وده فيديو تاني بيوضح اذاي بيتم اي نوع تانك ليها

[youtube]http://www.youtube.com/watch?v=xsO3AmD4SJI&feature[/youtube]

**naser_56** · 21-01-2013 05:02 AM

وايضا بعد البحث وقرائه تجارب وريفيوهات بخصوص افضل تانك من حيث سعه السائل وعدم التسريب هو lili mamma and big daddy ودول نفس بعض بالضبط ولكن واحد فيهم ٣ ملي والتاني ٥ ملي وده فيديو ليهم

[youtube]http://www.youtube.com/watch?v=GFPyZTTO8Lg&feature[/youtube]

**Egyzizo** · 21-01-2013 06:25 AM

ربنا يوفقك ، وعقبال ما تبطل دى ودى ..

**naser_56** · 21-01-2013 07:48 AM

المشاركة الأصلية كتبت بواسطة egyzizo

ربنا يوفقك ، وعقبال ما تبطل دى ودى ..

من بقك لباب السما ،،،، انته معندكش فكره سلبياته اذاي بالنسبه لي وحتي الاسره في البيت عندي متضررين منه اذاي من التدخين السلبي وده غير رائحته الكريهه بس فرق كبير حاليا عن الاول اولهم اغلب المواد الضاره الموجوده في التبغ غير موجوده في السيجاره الالكترونيه والرائحه طبعا اصبحت معدومه واصبحت رائحه افضل بكثير وهي روائح فواكه كتفاح او فراوله او موز وخلافه وحتي التدخين قل بالنسبه لي فعند اشعال السيجاره فبالتالي بتكون مضطر تشربها لاخرها اما الاليكترونيه فخلاف ذلك من الممكن ان تأخذ منها سحبه او اثنان وتتركها

**S O P H O S** · 21-01-2013 09:43 AM

ان شاء الله ربنا يقدرك وتبطل ..

**naser_56** · 21-01-2013 09:48 AM

المشاركة الأصلية كتبت بواسطة s o p h o s

ان شاء الله ربنا يقدرك وتبطل ..

والجميع يارب شكرا لمرورك

**SAMEH_FOUAD** · 21-01-2013 09:50 AM

والله ياباشا هو الموضوع مش محتاج اى ادوية او بدائل , الموضوع كلة عايز ارادة , اذا توافرت الارادة هتلاقى نفسك بتقدر تتحكم فى الحاجة مش هية اللى تتحكم فيك

اعرف اولا انها حرام شرعا

ثانيا : مدمرة للصحة

ثالثا : مدمرة للمال خصوصا بعد الزيادة اللى ممكن تعلى السجائر فيها وتوصل ل22 جنية العلبة

حاول يكون عندك ارادة واصرار انك مش هترجعلها تانى , وربنا يوفقك ويعينك ياباشا