الموضوع: مساااااساعده يا هونداويه عن مشكلة فى الفرامل

طيب من كلامك كده ممكن نقول مش مشكلة تيل

و ممكن تاخد هوا بنفسك عادي بس لازم حد يساعدك

لو بصيت ورا العجل في جهاز الفرامل حتلاقي مسمار 10 و ليه بوز كده مخروم (ممكن يكون عليه كاوتشه صغيرة شبه بلف العجله شيلها بايدك)

تهوي المسمار الاول و بعد كده تربطه تاني ربطة خفيفة مش زي مكان مربوط جامد و خلي المفتاح فيه لانك حتفتح و تقفل
و تبص على مستوي زيت الفرامل في القربة و اتاكد انه تمام و تحضر زيت باكم عشان تزود تحت اي ظرف متخليش الزيت يقل عن minimum ,
و العربية مبطلة
حد يركب جو العربية و يسيب و يدوس فرامل بقوة بتاع 7 8 مرات و في التاسعة يدوس بقوة عالفرامل عالاخر و مايسبش الا لما تقوله سيب تقوم انت فاتح المسمار حيخرج شوية زيت من البوز اللي فيه فتحة ده مع شوية هوا (لو فيه ) و تقفل تاني بربطة خفيفة و تقوله سيب
و لو حسيت ان الزيت اللي طالع ضعيف يبقى لسه فيه هوا تكرر ا العملية لحاد ما تحس ان الزيت طالع بضغط كويس ساعتها يبقي مفيش هوا
و طبعا في وسط تكرار العملية دي تتابع نقصان الزيت من القربة و تملاه
ولما تخلص تقفل المسمار جامد زي ما كان

و لازم كمان تعمل ريجلاش للعجل الخلفي او تشد رجلاش الهاند لو انت عندك ديسكات

المشاركة الأصلية كتبت بواسطة AHMED_HAMDY

اها انا عندي ديسكات وراء

ثاني حجه انا اصلا عايز اشيل علبه الزيت وانضفها اشيها عادي من الخرطوم واحط واخد الهواء ؟؟ ولا ايه

لو العلبة عايزة تتفك و تتنضف وديها لحد فاهم احسن

لو حتغير بس الزيت

جيب سرنجة كبيرة و اسحب بيها الزيت اللي في العلبة لحاد ال minimum و زود زيت جديد و خد هوا لحاد ماينزل شوية زيت من المواسير و حط غيره و هكذا في كل عجلة لحاد ما الزيت الجديد ينزل المواسير و القديم يكون خرج معظمه
و منها تبقى غيرت زيت و اخد هوا كويس