أغير الزيت بعد التليين ولا لاء ؟!!!!!!!!!

**MohammedAladel** · 26-01-2013 12:47 AM

بص يا عمرو باشا .... دا نظام رينو مصر

أدخل على الموقع وشوف جداول الصيانة ..... الزيت فى كل العربيات كل 10 آلاف كيلو وبعدين المفروض كل واحد يشترى عربية زيرو يبقى معاها كتالوجها وجدول صيانتها

**Amr Axel** · 26-01-2013 12:48 AM

المشاركة الأصلية كتبت بواسطة MohammedAladel

أنا مرة قعدت أقول حقن ألكترونى وتصميم موتور ومش عارف إيه ضحكوا عليا !!!!!!!

ههههه لا عادي انا اخدت من ده كتيير و محدش بيصدق فيه ناس لازم تبقي ميكانيكي معاهم بمعني كل حاجة يقوله ديه الفبريكة يا بيه متتغيرش زي مثلا زيت الفرامل الفبريكة عندهم مش بيتغير يتزود بس مع ان الميكانيكي الغبي اللي بيقول كده مهو لما بينقص يبقي فيه تسريب و مش بعيد الماستر العمومي يكون ضارب او التيل خلصان و لما ينقص انت بتزود من نوعية تانية و كل ما ينقص بتزود و بالتالي انت تعتبر شبه غيرت الزيت فعلا ههههههههه و نسيوا الشوائب و الرطوبة و ان الزيت بيفقد خواصه

اقرا اخر كام مشاركة لأني واجهت الكلام ده كتيير هنا :)

http://www.nilemotors.net/Nile/33211...post3874772858

انت بتنصح و اللي مش مصدق هو حر هو مين اللي عربيته هتتبهدل انت اخدت ثواب نصيحتك و هو يتحمل تبعات افعاله :)

ع سبيل المثال في موضوع الحقن احنا ليه بنضف الرشاشات و نغير البوجهيات و الفلاتر عشان يفضل الاداء زي مهو و لا تقولي عربية مفتحة و لا عربية مقفلة D:

**Amr Axel** · 26-01-2013 12:58 AM

المشاركة الأصلية كتبت بواسطة MohammedAladel

بص يا عمرو باشا .... دا نظام رينو مصر

أدخل على الموقع وشوف جداول الصيانة ..... الزيت فى كل العربيات كل 10 آلاف كيلو وبعدين المفروض كل واحد يشترى عربية زيرو يبقى معاها كتالوجها وجدول صيانتها

يا باشا ده نظام كل العربيات الصيانة كل 10 الاف و ده مذكور في كل جداول الصيانة
حتي عندي لكن هقولك حاجة تستغربلها في العربية عندي مثلا صيانة كل 10 الاف لكن الصانع بينصح ان زيت الموتور يكون 10w30 و يتم تغييره كل 5000 ك و ده ليه اعتقاد عندي بسبب تصميم الموتور هبقي اشرحلهولك لما اشوفك ان شاء الله ع الطبيعة :)
اما الفتيس يكون اول تغييرة في عمر العربية في خلال اول 15 الف و بعد كده كل 30 الف مع العلم اني بقعد الزيت لحد 40 -50 الف لكن اول تغييرة غيرتها ع 5 الاف و لقيت رايش بالفعل:)

**Amr Axel** · 26-01-2013 01:08 AM

المشاركة الأصلية كتبت بواسطة Land_Cruiser

تغيير الزيت بيكون على ال ١٠ الاف كيلومتر و دة اللى صانع العربيه بيقوله و هو أدرى بها لأن الزيت اللى بيبقى محطوط فيها تقيل و مش زيت خفيف زى بقيه العربيات اللى بتحتاج تحط زيت خفيف يمشيها الف كيلومتر و بعد كده يتغير و طبعا مليون فى الميه الكلام ده رينو عامله حسابه فى التصنيع يعنى مش علشان توفر لصاحب العربيه ثمن زيت هتبوظله الموتور يعنى و بالتالى لا داعى لتغيير الزيت.

بعد اذنك يا باشا بس فيه نقطة مفيش حاجة اسمها حاطين زيت تقيل الزيت بيكون تخليقي و غالبا بيكون 5w30 او 5w40 و ده في كل العربيات الجديدة مينفعش يحط زيت تقيل زي مثلا 20w50 لأنه مش هيوصل لاجزاء الموتور بسهولة في بداية التشغيل عكس الأول و تستني تسخن و بالتالي ده غلط ع الموتور لو اتحركت بالعربية عشان كده بيتم اضافة زيت تخليقي لزوجته في درجات الحرارة المنخفضة 5 عشان يوصل اسرع و بالتالي زي ما معروف لينا بتدور العربية 30 ثانية و تطلع بالاضافة ان زيت زي 20w50 معدني و ما ادراك المعدني و رواسبه الكربونية ع جدران الموتور :)
و ع فكرة مفيش حاجة اسمها زيت يقعد 1000 و 5000 و 10000 انا خلاص قربت امسك ميكروفون و امشي اقول الجملة ديه و اشرحها هههههههههه

**midon1** · 26-01-2013 11:52 AM

المشاركة الأصلية كتبت بواسطة m_saadeldin

يا باشا مش كل العربيات زى بعضها، انا عندى الفلوانس مافيش تغيير زيت ولا حاجة بعد اول الف، تغيير الزيت عادى بعد 10 الاف (اعتقد كل الرينو كده)

هما فعلا قالولي ان كل الرينو مش بيتغير زيت التليين بتاعها وان الزيت بتاعها بيفضل 10000 ويفضل تغيره عن 7 او 8000

بس ناس تانيه قالتلي الافضل تغيره

**midon1** · 26-01-2013 12:03 PM

طب في حد هنا من الساده الأعضاء مغيرش زيت التليين بتاعه بعد ألف كيلو ؟!!!!!

وأخبار العربيه معاه ايه ؟؟؟

وحد غير الزيت ؟؟؟ وأخبار العربيه ايه معاه برده ؟؟؟؟؟؟

ومحدش علق علي موضوع ضعف الفرامل ليه ؟؟؟؟

موضوع فتح العداد والموتور ده ( علي كلامهم يعني ) علشان نفتح ال 16 صمام فيكون أداء الموتور أفضل

**MohammedAladel** · 26-01-2013 03:27 PM

الصمامات دى شغالة بطريقة أوتوماتيكية يا باشا ومن غير الصمامات دى الموتور مش هينطق من الأساس سيبك من الكلام دا

على فكرة لو كنت قرأت الكتالوج كان هيوفر عليك كثير من الحيرة

أمشى بعربيتك عادى زى ما الكتالوج بيقول بالنسبة لأول 1000 كيلو مشى أو زى ما الكتالوج كاتب واتبع التعليمات

غير زيتك فى صيانتك الدورية ومتسمعش كلام حد من الناس بس كدا

-

-

الموضوع: أغير الزيت بعد التليين ولا لاء ؟!!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

تغيير الزيت في فترة التليين للوجان

سؤال في الزيت ومحتار ( عايز أغير من معدني لتخليقي )

أغير الزيت كل أد ايه حيروني ؟؟؟

عايز أغير الزيت أحط أية ؟؟؟

أغير فلتر الزيت فى الماروتى وللا المرة الجــاية؟

الكلمات الدلالية لهذا الموضوع

المفضلات

المفضلات

ضوابط المشاركة