زواج المصري من أجنبية.. ليه؟

**amr mokhtar** · 29-07-2008 10:44 PM

المشاركة الأصلية كتبت بواسطة hazem_khidr

يا استاذ عمر محدش عمم و لا حد قال كل البنات وحشين ما انا مامتي مصريه و قرايبي البنات مصريين
و محدش فيهم وحش و الحمد لله انا بتكلم عن نوعيه معينه
كون بقي ان حد يفهم غلط او يعمم دي مش مشكلتي لاني بتكلم عربي و كلامي واضح

يا عم ما تزعلش انا بتناقش و بعرض نماذج شفتها
و كلامك واضح و انا فهمك تمامآ

لكن هو كلامك بس بيبدو عام شوية
و عشان الموضوع ما يقلبش بزعل و كلام على الفاضى و يفقد أهميته
ليه كل واحد سواء أخت او أخ يكتب السلبيات او الإجابيات اللى بشوفها بكثرة او بشكل دائم فى الطرف الآخر؟؟

**aif** · 29-07-2008 11:27 PM

انا شامم ريحة شياط .....حد يوطي النار شوية .....النقاش حامي اوي

**amr mokhtar** · 30-07-2008 12:07 AM

المشاركة الأصلية كتبت بواسطة enashelmy

على فكرة يا جماعه هدوا اعصابكم شويه
الموضوع بسيط
اللى عايز يتجوز من مصر يتجوز:party:
واللى عايز من جواتيمالا
يتجوز
اهم حاجه بس النيه تكون موجوده

طيب مصر و انا عارف فين
إنما جوتيمالا دى اول مرة أسمع عنها
يا ترى فيها بنى آدمين!!!

**enashelmy** · 30-07-2008 12:56 AM

المشاركة الأصلية كتبت بواسطة amr mokhtar

طيب مصر و انا عارف فين
إنما جوتيمالا دى اول مرة أسمع عنها
يا ترى فيها بنى آدمين!!!

ايون فيها
عالم تالت زينا:laugh:
وهو الحال من بعضه

**mo7amed_omara** · 30-07-2008 01:43 AM

المشاركة الأصلية كتبت بواسطة aif

انا شامم ريحة شياط .....حد يوطي النار شوية .....النقاش حامي اوي

فعلا شياط جامد قوووووووى بس نحاوول نهدى الموقف شوية
و نقوووووول لكل الشباب انت حر تتجوز من اى مكان مصر الخليج اوروبا
بس احب اوضح حاجة بردو ان اكتر الشباب فى مصر بيتجوزو مصريات من بلدهم ودة شى محسوس للجميع
واللى عايز اجنبية مثلا يتجوزها حيلافيها فين دى فى مصر ؟؟؟؟؟؟ عايز اعرف اصل انتو محسسنى انهم مالين البلد يعنى ولا من عالنت ولا منين الضبط
الاحلام حاجة و الواقع حاجة تانية خالص مفيش شاب حتسالة يقولك تجووز اجنبية حيقولك لا بس فى الاخر شوف هو حيتجوز مين؟؟؟؟؟

**ehab08** · 30-07-2008 02:00 AM

أيه ده ياجماعه أيه الشياط ده كله على رأى الأستاذ أحمد إبراهيم
ممكن نهدى الكلام شويه
هو الواضح أن الأستاذ hazem_khidr تعرض لمواقف مستفزه زى بالظبط وعشان كده أنفجرنا أنا وهو فى الكلام بس الواضح برضه يا أستاذ hazem_khidr أن الأخوت برضه تعرضو لمواقف مستفزه زينا بالظبط
وبصراحه لو عريس متقدم لأختى وقالها "أنتى فى شركه أجنبيه وبتخدى مرتب كبير هو كام؟" حيكون موقفى منه هو الرفض التام حتى لو كان حسين فهمى اللى متقدم لها

ممكن نهدى شويه ياجماعه وفى النهايه أحنا فى مركب واحد

وأنا متأكد أن كل الآراء هنا كانت نتيجه تجارب سيئه
بس برضه أكيد فى تجارب ناجحه
عقببببببببببببببببببببببب ببببببببببببببببببببببببب بببببببببببالى "الله يرحمه فؤاد المهندس فى الشموع السوداء"

صحيح ياعلا أنتى بتخدى كام؟؟؟؟؟؟؟؟؟

تهريج والله

أيه رأيكم نحكى على المواقف الكوميديه اللى بتحصل فى المواقف دى
أنا حبتدى مره كان فى ميعاد مع اهل عروسه وكانت الأيام دى مشحونه جدا فى شغلى وكنت لسه جايب بدله جديده وقلت ألبسها بسرعه علشان الميعاد قرب وهوب جريت على الميعاد ووصلت فى الميعاد المناسب وبعد ما أستريحت من الطريق وخلافه شد أنتباهى حاجه على كم الجاكت ببص عليه بطرف عينى لقيتها أيه؟؟؟؟
تصدقو نسيت أشيل التكت بتاع الشركه المصنعه من على كم الجاكت والأحساس الجميل ساعتها أنى صعيدى فى الجامعه الأمريكيه - على فكره أنا صعيدى - وبقت المشكله أن كل شويه يجى حد يسلم على وطبعا أخوكم بدل ما يسلم بسيف اليد بالطريقه العاديه بقيت أمد أيدى أكنى بقول حسنه لله والناس طبعا مش فاهمين ليه الأفندى اللى هو أنا بيسلم كده المهم عدت على خير وماحدش خد باله
عندى موقف تانى بس بعد تحكو أنتو

**ehab08** · 30-07-2008 02:04 AM

المشاركة الأصلية كتبت بواسطة Hossam_Hassan

ههههههههههههههههههههههههه ههههههههههههههه

الله يحظك يا ايهاب

الحمد لله والشكر لله أنى أسعدت أنسان بردى
وخصوصا إذا كان أبو ليليا جميلة جميلات نايل موتورز

**PRO-DRIVE** · 30-07-2008 02:26 AM

الموضوع انا مش عاوز اشارك فيه من الاول لأني حاسس انكم مكبرينه قووووي
و زياده عن حجمه

مع ان نوعا ما الموضوع يخصني بما اني ناتج عن زواج جنسيات مختلفه :)

بس الموضوع اقل و ابسـط من كدا بكتير واحد بيختار شريكه حياته كـشخصيه و انسانه حيكمل معاها
قبل ما يبص علي جواز السفر بتاعها

شخصيا نفسي اروح البدو و اتجوز واحده من هناك

دماغهم بيبقي معمولها فورمات طبيعي

ابدأ انا اصطب الويندوز اللي علي مزاجي

غير كدا حتي لو عايش في غرفه واحده و لو عندي لادا حتبقي برضه مبهوره بالحضاره

**kareem_Ashmawy** · 30-07-2008 02:43 AM

تصدقو نسيت أشيل التكت بتاع الشركه المصنعه من على كم الجاكت والأحساس الجميل ساعتها أنى صعيدى فى الجامعه الأمريكيه - على فكره أنا صعيدى - وبقت المشكله أن كل شويه يجى حد يسلم على وطبعا أخوكم بدل ما يسلم بسيف اليد بالطريقه العاديه بقيت أمد أيدى أكنى بقول حسنه لله والناس طبعا مش فاهمين ليه الأفندى اللى هو أنا بيسلم كده المهم عدت على خير وماحدش خد باله
عندى موقف تانى بس بعد تحكو أنتو

ههههههههههههههههههههههههه هههههههههههه

الموضوع: زواج المصري من أجنبية.. ليه؟

LinkBack

أدوات الموضوع

عرض

-

-

-

-

-

-

المواضيع المتشابهه

فرصة ممتازة لطبيب للعمل بشركة أجنبية

أول أغنية أجنبية عن ثورة مصر: Tribute to Egypt

إستفسار من الخبراء الجواز من أجنبية

ترجمة مصطلحات أجنبية خاصة بالسيارات

الزواج من أجنبية هل أنت معه ام ضده ؟

الكلمات الدلالية لهذا الموضوع

المفضلات

المفضلات

ضوابط المشاركة