زواج المصري من أجنبية.. ليه؟

**Sameh** · 29-07-2008 04:47 PM

المشاركة الأصلية كتبت بواسطة NOOR

انا مصرى ومقيم فى مصر ومتجوز من اجنبية
مش عارف لية انا حاسس انكم واخدين صورة اننا مرضى نفسيين وعايزين العلاج فورا
انا متجوز من 10 سنين وعندى كريم والحمد للة
انا لما اتجوزت كان عندى شقة غرفة وصالة ومراتى قبلت العيش فيها ولم تكن مجهزة يعنى يادوب تلاجة وبوتجاز والحاجات الاساسية
ولم تطلب فرح كبير ولا شبكة مع العتم انها ليست كبيرة فى السن ولا وحشة
هى اصغر منى ب 7 سنين
ولم تضغط على يوم فى المصاريف او عايزة مش عارف اية
الحمد للة ربنا كرمنا واصبح عندنا فيلا كبيرة حديقة
ولكن الاهم هو كيف تربى الاطفال
هم معندهمش هزار فى التربية زى عندنا
ابسط حاجة مفيش طفل ينام بعد الساعة عشرة مساء
كريم 5 سنين ويتكلم 3 لغات بطلاقة
لم تنتظر حتى يذهب الى المدرسة وانما بدات تعليمة من سن صغيرة المهارات الاساسية
مش عايز اطول عليكم بس احنا مش مرضى وشكرا

اسمح لى أن أرفعلك القبعة

**eng/muhamad** · 29-07-2008 05:41 PM

المشاركة الأصلية كتبت بواسطة NOOR

انا مصرى ومقيم فى مصر ومتجوز من اجنبية
مش عارف لية انا حاسس انكم واخدين صورة اننا مرضى نفسيين وعايزين العلاج فورا
انا متجوز من 10 سنين وعندى كريم والحمد للة
انا لما اتجوزت كان عندى شقة غرفة وصالة ومراتى قبلت العيش فيها ولم تكن مجهزة يعنى يادوب تلاجة وبوتجاز والحاجات الاساسية
ولم تطلب فرح كبير ولا شبكة مع العتم انها ليست كبيرة فى السن ولا وحشة
هى اصغر منى ب 7 سنين
ولم تضغط على يوم فى المصاريف او عايزة مش عارف اية
الحمد للة ربنا كرمنا واصبح عندنا فيلا كبيرة حديقة
ولكن الاهم هو كيف تربى الاطفال
هم معندهمش هزار فى التربية زى عندنا
ابسط حاجة مفيش طفل ينام بعد الساعة عشرة مساء
كريم 5 سنين ويتكلم 3 لغات بطلاقة
لم تنتظر حتى يذهب الى المدرسة وانما بدات تعليمة من سن صغيرة المهارات الاساسية
مش عايز اطول عليكم بس احنا مش مرضى وشكرا

هو ده الكلام الصح
ربنا يهنيك ببيتك و اولادك

**OlaOsman** · 29-07-2008 05:57 PM

الأخ NOOR.. حضرتك ليه حاسس بالإهانة؟ انا في كلامي ماعممتش نهائي و مستعدة أجيب إقتباس من مشاركتي الأصلية في الموضوع وهتلاقيه كله عبارة عن "تبعيض" و ليس تعميم.. واللي باقوله ان فيه نسبة غير قليلة من النماذج اللي شفتها و عاصرتها لأجنبيات متزوجات من مصريين الزيجة فشلت و انتهوا بالانفصال.. همه حوالي 10 حالات.. النسبة فيهم 7 إلى 3 فيه منهم اللي رجعت بلدها بأولادها و فيه من غير أولادها و فيه اللي فضلت في مصر عشان بقالها سنين كتيرة في مصر و لو رجعت بلدها هاتبدأ من الزيرو.

وكون ان قصتك مع الزواج من أجنبية ناجحة - ربنا يبارك يارب و يزيد حياتكوا استقرار - ده لا ينفي ان فيه نماذج تانية كتيرة بتنتهي بالفشل.. و بالتالي حضرتك مش النموذج اللي بنناقشه في الموضوع ده.. لو رجعنا كلنا لرأس الموضوع هنلاقي انه بيطرح سؤال: لما نسبة كبيرة من زواج المصريين بأجنبيات.. ليه بيتزوجوهم ويظلموهم بالزواج ده و بيظلموا بنات بلدهم اللي بيسيبوهم و يتزوجوا أجنبيات و لو الحال فضل على كده.. من للمصرية إذا؟ تروح هي كمان تتجوز أجنبي و تبقى هي دي القاعدة و لا ايه؟

**OlaOsman** · 29-07-2008 06:03 PM

اما عن المبررات للزواج بأجنبية فأي مبرر تاني غير اختيار القلب فأنا شخصيا ضده، و لو قلنا أصل المصريات فيهم كذا وكذا فتاني ده تعميم غير مقبول عشان اللي بيقول كده بيضمن أخته و كل النساء اللي يعرفهم في اللي بيقوله و ده بالتأكيد غير صحيح.. مش من تجربة أو اتنين هانحكم على نوع بأكمله انه فيه العبر و بالتالي نشطب المصريات خالص و نبدأ ندور على غير المصرية.

قياسا على هذا فالبنات رأيهم في رجالة اليومين دول اللي بيدورو على عروسة انهم كذا و كذا و كذا.. فهل معنى ده ان البنات المصريات يشطبوا على الرجالة المصرية خالص ويبدأوا يدوروا على رجال غير مصريين يتجوزوهم؟ و ماحدش يقول لي و هي البنت هاتدور ازاي.. القنوات في البحث عن زوج مالية الدنيا من الانترنت للقنوات الفضائية.. يعني مش هايغلبوا.. بس تاني هارجع وأقول ماينفعش تبقى دي القاعدة و اللي ما يعجبوش طرف من الطرفين يقوم يدور في جنسية تانية.

**OlaOsman** · 29-07-2008 06:07 PM

طبعا انا شكلي كده باتدخل في حياة الناس الخاصة و اشكل لهم حياتهم على مزاجي:)

طبعا يا جماعة كل واحد حر في اختياره و يتزوج من يشاء، بس اللي يتجوز أجنبية او عايز يتجوز أجنبية بلاش الله يكرمه يعيب في البنات المصريات و يعمم عشان ما ينفعش و مايصحش و المفروض يكون صريح مع نفسه أكتر من كده.

**AhmedGen2** · 29-07-2008 07:14 PM

أنا عامة عمرى ما هفكر فى بنت مصرية مع احترامى الشديد ، ممكن مصرية لكن عايشة فى الخارج ، أو جنسية غير مصرية ، لأسباب نفسية الحقيقة مش برتاح للعقلية المصرية.

**eng/muhamad** · 29-07-2008 07:17 PM

المشاركة الأصلية كتبت بواسطة IslamGen2

أنا عامة عمرى ما هفكر فى بنت مصرية مع احترامى الشديد ، ممكن مصرية لكن عايشة فى الخارج ، أو جنسية غير مصرية ، لأسباب نفسية الحقيقة مش برتاح للعقلية المصرية.

بصراحه انت اللى عقليه ممتااااااااااااااااااازه
ارفعلك القبعه

**OlaOsman** · 29-07-2008 07:20 PM

المشاركة الأصلية كتبت بواسطة IslamGen2

أنا عامة عمرى ما هفكر فى بنت مصرية مع احترامى الشديد ، ممكن مصرية لكن عايشة فى الخارج ، أو جنسية غير مصرية ، لأسباب نفسية الحقيقة مش برتاح للعقلية المصرية.

كلام غير مفهوم يا إسلام.. يعني مش بترتاح للعقلية النسائية المصرية و لا للعقلية المصرية عموما و لا للعقلية المصرية اللي عاشت و اتربت في مصر؟

**NOOR** · 29-07-2008 07:42 PM

شكرا على الرد
بس انا لم اقصد حضرتك بالذات فى الرد يااخت علا
انما انا برد على مجمل اللى ذكر فى الموضوع دة ومنهم الاختاللى كتبت

بس هي بردة مش هاترضي تعيش في عشة فوق السطوح وتاكل من عربية الفول وتقوله عش العصفور يقضينا وكده يعني لإنها برده جاية من بلد ممكن تكون انضف من مصر ومستواها اكيد اعلي من الشخص اللي هاتتجوزه يعني علي الاقل عايزة تعيش علي نفس المستوي بتاعها إن مكانش اعلي حتى لو اظهرت العكس في بداية الزواج ده اصلا في حالة انها وافقت انها تسيب بلدها وتعيش في مصر اصلا ومخادتوش معاها بلدها هناك. (وهو المطلوب اثباته اساساً)
ويوم مايقصر معاها في طلباتها هاتسيبه وترجع بلدها ومش هاتقف جنبه وتساعده وتقول يالا عشان المركب تمشي والحوار ده زي المصريات اللي اغلبهم ممكن يعملوا كده وبقول اغلبهم مش كلهم لإن في ستات مصريات ممكن تستندل مع جوزها ومتساعدوش برده وتعمل زي الاجنبية واكتر.
__________________

**Chicco** · 29-07-2008 08:46 PM

موضوع مثير للاهتمام فعلا ....

أنا على فكرة رائي حيادي جدا في الموضوع ده ....و أنا ليا أخت لو جالها من نرتضيه دينا و خلقا عمري ما حاعترض على الجنسية ....بعد موافقتها طبعا

أسمحولي أعرض كذا قصة من تجاربي الحياتية و أذكر نقطة لاحظتها هنا في تورنتو ممكن تغير مسار النقاش شوية

القصة الأولي ...عالم مصري من اقربائي درس في موسكو و براج و طوكيو و اتجوز يابانية بقاله حوالي ٤٠ سنة و أنجب منها .....عايشين في القاهرة و مراته ست عاقلة جدا و مثال للزوجة النموذجية ....طبعا الأمر ما خلاش من المشاكل العادية لكن الزوجة اثبتت فعلا أصلها الطيب

القصة الثانية ....زميلة أكبر مني (طبيبة في هيئة تدريس جامعة القاهرة ) كان بيجري وراها العرسان ....اختارت شاب تركي رغم اعتراض الجميع و هاجرت تركيا و انجبت منه و عايشة في ازمير في سعادة و هناء بقالها ٨ سنين .....

القصة الثالثة لزميلة برضه بس أصغر مني ....ما جلهاش أي عرض جاد للزواج غير من مهندس فرنسي أعلن اسلامه و تزوجته وسط معارضة شديدة من أهلها لدرجة أنهم لم يشهدوا الزواج و قطعوا صلتهم بها تماما .....عايشة في سعادة و هناء في ليل بفرنسا بقالها ٥ سنين

القصة الرابعة صديقة لزوجتي تقدم لها عريس انجليزي من أصل باكستاني و رفض أهلها تماما رغم أنهم ما كانوش منتبهين قوي لتعاليم ألدين انما بنتهم و عريسها ما شاء الله عليهم ...إيمان و تقوى ....عايشين في ليدز من ١٠ سنين و ربنا رزقهم بالاطفال

القصة الخامسة صديق من دفعتي والده الله يرحمه كان طيار و والدته سيدة سويدية فاضلة ...الولد مثال للاخلاق و الأدب ...و والدته عايشة لسه في مصر حتى بعد وفاه زوجها و زواج ابنها

قصص الفشل ....هي قصة واحدة و مش فاشل بمعني الفشل بس حسيبكم تحكموا ...طبيب مصري من الرعيل الأول ...هاجر كندا بقاله فوق الأربعين سنة و اتجوز كندية من أصل انجليزي و خلف منها ....الأولاد عاديين يعني لا مثال في الأدب و برضه مش ضايعين....الزوج اصابته أمراض كتير و حالته الصحية في النازل ....الزوجة قايده صوابعها العشرة شمع ليه و بتراعيه بطريقة تثير الأعجاب و قمة في التفاني برغم عصبيته الزائدة بسبب المرض و هو اللي طالع عليه أنه ندمان إنه اتجوز أجنبية و لو رجع بيه الزمن مش حيعملها ...الست تسمع الكلمتين دول و تبتسم ليه و تطبطب عليه و تكمل اللي كانت بتعمله