الموضوع: زواج المصري من أجنبية.. ليه؟

المشاركة الأصلية كتبت بواسطة birdybirdy

صح والله ماهو ده اللي انا قلته في الاول ياجماعة
القانون هناك بيحميها وبيديها حقها تالت ومتلت

ده لو زوج زعق أو شخط في مراته الأجنبية أو ضربها بالقلم بترفع عليه قضية وتطالبه بالتعويض نتيجة للتعذيب اللي عرضها ليه وانه سببلها عقدة نفسية خلتها تتعالج عند دكتور نفسي لمدة 3 ايام عشان تخف من الاثر النفسي السئ الفظيع اللي تسبب فيه الزوج المزعوم ده
تخيلوا القلم عندهم بيعتبر عنف وارهاب وتعذيب
ياعيني علي ستات مصر اللي بيعتبروا ان القلم ده هزار ودلع من الزوج
لأ وايه تقولك ضرب الحبيب زي اكل الزبيب :Angel_anim:

ده غير ان من حقها انها تاخد الولاد وتسافر بلدها وهو كل اللي يقدر يطوله من القانون انه يشوف ولاده لمدة يوم واحد في السنة وتحت اشراف الام وضابط من عندهم هناك كمان ولو بلطج بيتعبروه عربي ارهابي وحش وكخة.

كلام مظبوط 100% و انا ضد الزواج من اجنبية من قلة المصريات يعنى و انا لية ادخل نفسى فى مشاكل و محاكم دولية

هو اصلا المفروض ميبقاش فى ضرب
هى خناقه ولا ايه
لكن المفروض الانسان يكون سوى يعامل زوجته سواء كانت مصريه او اجنبيه بالتقوى
لانه فى الاصل بيخاف من ربنا
الا اذا بقه كان بيخاف من سعادة السفير بتاع المدام
هههههههههههههههههه

المشاركة الأصلية كتبت بواسطة mo7amed_omara

ما بالك بهندسة جامعة اسكندرية دة يعمل اية
هو انا منكرش ان فية بنات استيل و جمال بس قليلين

ياجماعة الجمال جمال الروح
بس محدش يقول روح
ولا يقول هو احنا هانحضر ارواح هنا

المهم البنت تبقي حلوة في عيون زوجها حتى لو هي في الاصل مفيهاش اي لمحة جمال خالص

وده بقي بيحصل مع اللي مراعي ربنا كويس فربنا بينعم عليه بنعمة الرضا بما قسم له ويكرمه انه يحلي زوجته في عينه ويخليها احلي ست في العالم

فياشباب هندسة لا داعي للقلق انتوا بس مضايقين عشان الجو اللي انتوا فيه مفيهوش بنات حلوة كتير وكده مع ان ده رحمة من ربنا عليكوا عشان متنحرفوش يعني
بس بكرة تتخرجوا وتنفتحوا على العالم الخارجي وتعرفوا ان الشكل وحده لايكفي :laugh:

وبعدين خلونا نرجع للموضوع الأصلي بقي لحسن علا هي اللي هاتضربنا بالنار كلنا في ميدان عام وانا معاكوا

المشاركة الأصلية كتبت بواسطة birdybirdy

صح والله ماهو ده اللي انا قلته في الاول ياجماعة
تخيلوا القلم عندهم بيعتبر عنف وارهاب وتعذيب
ياعيني علي ستات مصر اللي بيعتبروا ان القلم ده هزار ودلع من الزوج
لأ وايه تقولك ضرب الحبيب زي اكل الزبيب :Angel_anim:
وحش وكخة.

+1 ده فى بنات فى مصر بتحب الرجل يضربها بالقلم لو غلطت وتتقول يسلام هو ده الراجل الحمش
وعجبى

المشاركة الأصلية كتبت بواسطة MoToRiZeR

الراجل ده بيقول كلام زي الفل و انا متفق معاه تماما
البنات المصريين فيهم تناقضات كتير

عايزة ترتبط بواحد مخربش بس محترم .. مش لازم يكون غني بس عايزة شقة في الحتة الفلانية و فرح في الفندق الفلاني .. ! و يكون حنين بس شديد .. و يكون مجنون بيها و هي براحتها يعني وقت ما تحن

و الولد برضه المصري فيه كلاكيع كتير مقولتش حاجة .. بس فيه ناس مش مكلكعة بتتخنق بسرعة فا بتقصر و لو لقت اللي هي عايزاه في شخص أجنبي خلاص بترتبط بيه و هي حاجة عادية في رأيي .. و أهو كلنا بني ادمين

عارفة يا علا الموضوع عامل زي التعصب للعربيات الياباني فقط أو الألماني فقط و اللي يقولك انا مجبش كوري انا مش مركبش إلا ألماني .. فيه ناس تقولك انا مش هتجوز مصرية و ناس مش هتتجوز إلا مصرية .. مكن يكونوا برة مصر علي طول و يرجعوا يتجوزوا و يسافروا .. يعني انا مثلا لي أصدقاء فلسطيينين كتير يمكن نص حياتهم قضوها في مصر بس ساعة الجواز بيروح طالع علي غزة خاطب و متجوز و جايبها و جي .. كل واحد دماغه ميرحاه

إلا صحيح انتي إزاي مواضيعك جامدة كدة !؟
lol تحياتي

والراجل المصري برده فيه تناقضات اكتر نذكر بعضها علي سيبل المثال لا الحصر :laugh::
عايز بنت شقية بس مؤدبة
ومنفتحة بس مالهاش علاقات
ودلوعة بس ناشفة مع الرجالة
وحنينة اوي بس شديدة وجامدة
وواثقة من نفسها ومعتزة بكرامتها بس متواضعة الي ابعد الحدود
ومثقفة بس جاهلة
وذكية بس غبية
وعبيطة وهبلة ومالهاش في حاجة بس في نفس الوقت تكون مفتحة ومحدش يضحك عليها
ومعتمدة علي نفسها وهي اللي تودي العيال المدارس وللدكاترة وتهندل كل امور البيت من غير ماتصدع دماغه بس متقدرش ابدا تستغني عنه وتحوس وتلوص من غيره

ومدبرة واقتصادية بس تهتم بجمالها ان شاء الله حتى تعمل عمليات تجميل مش جوزها ولازم يشوفها في احسن حال

وتكون فاهمة كل حاجة في الراجل بس متكونش شافت ولاعرفت ولا فكرت مجرد تفكير في مذكر او راجل قبله
وتكون شخصيتها قوية بس ضعيفة ومنكسرة ومترفعش عينها فيه ابدا

وتكون متعاونة معاه في مصروف البيت بس متخرجش تشتغل ماعنديش ستات تشتغل.
وعجبيييييييييي
كفاية كده لحد مافتكر الباقي :nerd: