أستلمت الكروس أتوماتيك 2013

**S.S.E** · 03-02-2013 03:56 PM

أستلمت العربيه من 6 أيام الحمد لله العربيه مافيهاش حاجه وقت الاستلام ولكن الحاجات اللى دايقتنى أكتشفت ان مافيش سنسور بارك مع أنها full option وبسمع صوت لما أفضل دايس فرامل وعند بدايه الحركه أسمع صوت تزييق مش عارف ده تيل الفرامل ولا طنابير ولا من الركنه فى الميناء فسبب بارومه ،فى ناس بتقولى هو الاتوماتيك كله كده وفتحة التهويه الخاصه بالتكييف بجرب أقفل وأفتح لقيتها علقت ومفتحتش.

الخلاصه العربيه سواقتها ممتعه والعفشه ناعمه مش بتدب زى اللينيا وطلع وزنها وأنا برخص لقيت بالصدفه مكتوب فى كبوت العربيه لقيت حديده منقوش عليها تاريخ ومكان الصنع ووزن العربيه زى ماقال بعض الزملاء 1602 كيلو مش عارف أزاى

**Optiplex** · 03-02-2013 04:14 PM

الف مبروك يا باشا و من هنا لاول صيانة ربنا يسهل و كل الى مضايقك يختفى او تبلغهم بية و يتزبط

**Hmatchy** · 03-02-2013 04:17 PM

اولا الف مبروك
ثانيا لو صوت اللى بتسمعو ده و انت دايس فرامل خفيف على منزل او مطلع فده عادى وفتحت التكيف قولهوم عليها فى صيانة ال 2000
ثالثا للاسف البريلليانس الجديد بينزل من غير سنسور بارك
رابعا وزن العربية 1260 fsv والكروس اقل منها حاجات بسيطة
ال1620 ده الوزن بالحمولة الكليه
مبروك ليك انضمامك لعشاق بريلليانس

**احمد نور الدين** · 03-02-2013 07:38 PM

الف مبروووووووووووووووووووك وربنا يديك خيرها ويبعد عنك شرها

**bondok20002002** · 03-02-2013 07:43 PM

ممكن اعرف سعرها كام وانت جبتها من المعرض. ولا من التوكيل
تحياتي

**smsm159753** · 03-02-2013 08:28 PM

المشاركة الأصلية كتبت بواسطة bondok20002002

ممكن اعرف سعرها كام وانت جبتها من المعرض. ولا من التوكيل
تحياتي

+11
هل جبتها بالزيادة الكبيرة الان؟

**S.S.E** · 03-02-2013 10:12 PM

الله يبارك فيكم جميعاً ...... بالنسبه للصوت لو دايس فرامل وبتحرك بسيط جدا أسمع تزييق جامد واللى واقف بره العربيه يسمعها كأن صوت التيل.
بالنسبه لسعرها لقيت (التوكيل) السيلز بيتصل بيا وبيقولى موجوده الكروس الفضى مع أنى حاجز اللون الابيض وعلى السعر 99 الف توكلت على الله وجبتها لان الأسعار هتزيد أكتر من كده وده على كل العربيات.
وترخيص كمان ال 1500 ب 810 ج 3 سنين زى شريحة ال 1400 لأن الضرائب زادت مع أنى مجدد الينيا 1400 3 سنين ب 650ج..... فامفيش حاجه ما زدتش

**S.S.E** · 03-02-2013 10:19 PM

الكاسيت عمل معي حاجه غريبه مشغله عادى ولقيته وقف ولا أى أستجابه وكان معى ناس وأحرجت جدا ركنت على جمب وبطلت العربيه ودورت وأشتغل ..... أرخم حاجه مافيش سماعتين بالخلف كنت بعلى الكاسيت عشان اللى ورا يسمعوا ما حدش يعرف أجيب سماعتين نضاف منين وسعرهم لو تكرمتم

**Mostafa Hessen** · 03-02-2013 11:01 PM

الف مبروووووووووووووووووووك وربنا يديك خيرها ويبعد عنك شرها
بخصوص السماعات فى عندى واحد فى والمقطم اسمه سعد بيشتغل فى الكاسيتات
ممكن تركب سامعتين سونى حيعملو 300 جنيه بالضمان
لو حابب راسلنى واوصلك بيه
ومبرووووووووووووووك

الموضوع: أستلمت الكروس أتوماتيك 2013

LinkBack

أدوات الموضوع

عرض

-

-

-

-

المواضيع المتشابهه

اشتريت نيسان صني (2013) أتوماتيك - العيوب - ياريت تساعدوني

أيهم أفضل : لوجان أتوماتيك - سانيرو أتوماتيك - بي واي داي أتوماتيك

الحمد لله أستلمت الفلوانس 2013

أستلمت الريو 2013 فضى أخيرااااا تقييم مبدأى وعندى شويه أسئله

أخيرااا ... أستلمت الصنى 2013 بعد 75 يوم من الأنتظار

الكلمات الدلالية لهذا الموضوع

المفضلات

المفضلات

ضوابط المشاركة