- أولا متشكر جداً لكل الناس اللي ردت عليا في الموضوع السابق..بارك الله فيكم

ثانياً بقه التقرير المبسط :-
----------------------------

- رحلة الذهاب بدأت من عند مطلع دائري المعادي في تمام الساعة 11 صباحاً.وصلت البوابات في تمام الساعة 2.45 عصراً

متوسط السرعة 120-170 نظراً لخطورة الطريق بكونه اتجاهين رايج جاي.

حبيت أعمل إختبار oversteering و understeering في المنحنيات..وكانت النتيجة أكتر من رائعة علي سرعة 140-160 ولمبة الـ ASR بتفضل تنور وتطفي أثناء الإختبار ده..

- مشيت مسافة حوالي 40 كم علي وضع التيبترونيك..وفعلاً تحس العربية كأنها منوال..مش زي أي فتيس ستيبترونيك لا فعلا كأنها بفتيس منوال في تسقيط الغيارات والحرق.

- مثبت السرعة قدرت أجربه لمدة لا تزيد عن 22 دقيقة تقريباً لظروف الطريق..وثبِت السرعة علي 100 كم وكان إستهلاك البنزين حوالي 6.9-7.1 لتر لكل 100 كيلو تقريباً

- وأنا راجع الحمد لله العجلة الأمامية شمال ضربت وكنت علي 120-140 مش أقل من كده..ربنا هو الستار..مع إني لسه مغير الكاوتش معملش 20000 كم..وكل اللي حصل العربية حدفت جامد شمال والحمد لله سيطرت عليها.ودي فرقت معايا حوالي نص ساعة لأني كنت لوحدي.

- الملحوظة الحلوة اللي في العربية ان صوت الموتور بقه منخفض جداًً وناعم نظراً لتغيير الزيت إلي كاسترول 10000 بدلاً من توتال.