الموضوع: تقرير السفر بالفانتازيا إلي شرم الشيخ صد رد

المشاركة الأصلية كتبت بواسطة Mohyeldin1974

ربنا يستر طريقك وطريقنا جميعا
معلش ليا سؤال وان كان خارج الموضوع شويه وبما ان حضرتك بتسخدم طرق سفر فى مصر.
هل الطرق امنه؟ واقصد هنا مش حالة الاسفلت اقصد من الناحيه الامنيه؟
وحمدلله على سلامتك

الله يسلمك يا فندم..والله الطرق أنا شايف إنها آمنة مقارنةً بأيام الثورة مثلاً.ده غير إن مشوار شرم ده مليان كماين جيش وشرطة

المشاركة الأصلية كتبت بواسطة blazer

حسبى الله ونعم الوكيل فى الى فاكر ان الشارع سله زباله كبيره

بضم صوتي لصوتك.

المشاركة الأصلية كتبت بواسطة yasserelsayad

حمد لله على سلامتك والحمد لله انها عدت على خير

بس خلى بالك الـ ASR مش بتاع كدا
يعنى هو بس بيقلل الـ Wheel Spin بتاع العجل الامامى عشان ميلفش على الفاضى وملوش اصلا تحكم فى العجل الخلفى
دا بيشتغل لما بيلاقى الـ Torque او الباور واصل لعجلة قبل التانية وفبيقوم بتهدئة الموتور من خلال تحكمه فى الـ Throttle body يعنى حتى مش بيستخدم الفرامل.
وفيه Stages فى الـ ASR يعنى ممكن لو قفل الـ Throttle body ولسه فيه مشكلة ممكن يأخر فى الـ Timing كمان

الـ ESP اللى هو نظام الثبات الالكتورنى دا قصة تانية خالص
دا بيكون داخله الـ Steering input وفيه Speed sensor على كل عجلة وكمان فيه Gyroscope بس مش كامل يعنى YAW بس او vertical axis يعنى بس .. عشان يبقى عارف اتجاه العربية
والـ ESP لو دخله اى input بتغير فى مسار العربية بيستخدم الفرامل زى الـ ABS والـ EBD والكلام دا كله عشان يتحكم فى كل عجلة لوحدها وكمان بستخدم الـ ASR عشان يتحكم فى الـ Throttle والـ Timing بتاع الموتور.

وفيه system تانى موجود فى فولكس تحت اسم EDL ودا اختصار لـ electronic differential lock ودا فكرته انه بيكون زى الـ ESP بيدخله input من speed sensor على كل عجلة ولو فيه عجلة زادت عن التانية بأكتر من 100 RPM بيتدخل وبفرملها
يعنى تقريبا عامل زى الـ limited slip differential كدا ..
بس الـ system دا بيشتغل لحد سرعة 40 كيلو بس.

الله يسلمك يا باشا..كل الكلام ده أنا عارفه كويس..ولمبة الـ ASR كانت بتنور وتطفي في المنحنيات لما بدوس بنزين لآخر الدواسة عشان العجل كان بيفرك..مش عشان ثبات إلكتروني.وأنا علي دراية كافية بالفرق بين ASR-ESP..ده غير SYSTEM الـ winter tire mode اللي موجود في العربية وبيشتغل لحد سرعة محددة وممكن تتحكم في تشغيله من عدمه من شاشة الكمبيوتر الموجودة في العدادات.

المشاركة الأصلية كتبت بواسطة zangry

الحمدلله طمنتنى :d ربنا يستر طريقنا

ربنا يستر طريق الجميع إن شاء الله

المشاركة الأصلية كتبت بواسطة yasserelsayad

اهم حاجة متستخدمش الفرامل بالذات على السرعات العالية وتغير الـ Steering Input بتاعك على حسب العربية بتعمل ايه بس يكون رد فعلك والـ input بتاعك smooth خالص عشان متفقدش التوازن بتاع العربية

بالنسبة للفرامل ده أمر مفروغ منه وإن كان في ناس بتضرب لخمة لحظة الإنفجار وبتدوس فرامل ويحدث ما لا يحمد عقباه.
بالنسبة لرد الفعل فده سهل و smooth لأن العربية بتحدف جامد بس مش بتخطفك.