الموضوع: يوم أجازة في حياة عضوه (للأزواج والزوجات فقط) !!!!

المشاركة الأصلية كتبت بواسطة m.hosni

طيب يعني هو مش من حقه يسهر يوم مع أصحابه أو يروح لوالدته

و ممكن يكون رايحلها علشان حاجة مينفعش يقولك عليها مثلا

يعني ليه الست بتعتبر ان الراجل لو قابل اصدقاؤه مرة في الشهر و لا حتى في الاسبوع إساءة في حقها

لأ طبعاً حقه
لكن الإعتراض في: ليه تضحك عليا بماسدج كاتب فيها بحبك ؟
ما أنت لو قولت لي إنك رايح تسهر مع أصحابك أو رايح عند والدتك ( مش هرفض ) ولا أقدر أعترض .
عموماً حلو أوي إننا نتناقش النقاش دا علشان نعرف الطرف التاني بيفكر إزاي
علماً بإني بطنش كتير - ودا سببه إني معاكم هنا في المنتدى اللي أغلبية رجال ، وبشوف إعتراضكم بيكون في أيه وعلى أيه وبحاول أتجنبه

المشاركة الأصلية كتبت بواسطة friendship7897

لأ طبعاً حقه
لكن الإعتراض في: ليه تضحك عليا بماسدج كاتب فيها بحبك ؟
ما أنت لو قولت لي إنك رايح تسهر مع أصحابك أو رايح عند والدتك ( مش هرفض ) ولا أقدر أعترض .
عموماً حلو أوي إننا نتناقش النقاش دا علشان نعرف الطرف التاني بيفكر إزاي
علماً بإني بطنش كتير - ودا سببه إني معاكم هنا في المنتدى اللي أغلبية رجال ، وبشوف إعتراضكم بيكون في أيه وعلى أيه وبحاول أتجنبه

هو مش موضوع بيضحك عليكي بكلمتين حلوين

هو ممكن تعتبريه نوع من أنواع تزويق الكلام , علشان ممكن الراجل يكون فاهم انه لو قال حاجة بطريقة مباشرة , كلامه هيقابل بنوع من الرفض مثلا

و كويس انه حضرتك بتحاولي تتجنبي الحاجات اللي تضايق زوجك

انا برضه الحمد لله مراتي لو لقت حاجة دايقتني مرة , بتتحاول متعملهاش

أنا قريت كلامكو كله وهقولكو أنا على الوصفه السحريه للسعاده الزوجيه.

فيه هنا مشكلتين. أولهم انها اسمها الحياه الزوجيه وكل واحد نفسه يعيش يوم من العزوبيه.
المشكله التانيه ان الخلافات بتبقى دايما على الخروج.

طيب هقولكو أنا عملت ايه واللي عملته ده فرق معايا كتير. الفكره يا جماعه ان الخروج نفسه يبقى روتين فمتحسوش بفايدته يعني انتو بتخرجو كل خميس او جمعه أو سبت وده مقرر اسبوعي فبقى زيه زي الشغل بالظبط. الدراسه هتيجي أهي خلو عيالكو في المدرسه في يوم وأنا عن نفسي بفضل الحد دايما عشان أول يوم في الاسبوع وكل الناس بتبقى في شغلها والدنيا رايقه في المولات وخدو اجازه انتو الاتنين من شغلكو واخرجو مع بعض بالنهار من غير العيال. الخروج بالنهار بيجيب السعاده لكن الخروج بالليل بيبقى للهدوء. وانتو محتاجين شويه فرفشه. أنا بحب أروح مول العرب بالنهار وخصوصا ان اليومين دول الجو حلو بالنهار مهوش حر. وأحلى حاجه في مول العرب انه فيه مكان مفتوح منه للسما وكافيهات محترمه تقعد فيها تتشمس وترغي وانت مبسوط. لو المكان بعيد عليكو شوفو مكان بديل قريب منكو بس المهم يكون مفتوح مش مول كله حيطان زيه زي البيت. أحنا بنخرج الساعه 11 مثلا ونرجع البيت على الساعه 2 والبنت بتيجي من الحضانه الساعه 3.

نيجي بقى للخطوه التانيه انكو متجيبوش سيره البيت ولا العيال وتتكلمو زي أيام الخطوبه كأنكو لسه بتتعرفو على بعض. أنا بقعد أحكي لمراتي مواقف هيه محضرتهاش زي مواقف أيام الجامعه أو المدرسه الخ الخ وهيه برضه تحكيلي عن صاحباتها واخواتها المهم تتكلمو في أي حاجه ملهاش علاقه بأنكو زوج وزوجه وبينكو بيت وعيال والحاجات دي. الموضوع ده ممكن تعملوه مره كل شهر هيفرق معاكو كتير.

ياريت أسمع رأيكو في الفكره دي وجربوها كده وقولولي انطباعكو ايه.

طبعاً فكرة كويسة الخروج لوحدنا دي يا أ/ ِAhmed _Adham - بس تطبيقها صباحاً بيكون صعب ( بالنسبة ليا على الأقل ) إني آخد أجازة من شغلي ، بس كتير بنعملها أنا وجوزي في أيام الدراسة ليلاً علشان أبني بينام بدري من مجهود اليوم الدراسي - وفعلاً بتفرق معانا كتير .
شكراً على إقتراحك ، وياريت نشوف رأي المشاركين في إقتراحك دا ؟

المشاركة الأصلية كتبت بواسطة friendship7897

طبعاً فكرة كويسة الخروج لوحدنا دي يا أ/ ِAhmed _Adham - بس تطبيقها صباحاً بيكون صعب ( بالنسبة ليا على الأقل ) إني آخد أجازة من شغلي ، بس كتير بنعملها أنا وجوزي في أيام الدراسة ليلاً علشان أبني بينام بدري من مجهود اليوم الدراسي - وفعلاً بتفرق معانا كتير .
شكراً على إقتراحك ، وياريت نشوف رأي المشاركين في إقتراحك دا ؟

أيا كانت ظروف شغلك حاولي مره تاخدي اجازه وتخرجو الصبح عشان الخروج بالنهار غير بالليل خالص. وخدي بالك من كماله الوصفه ان مواضيع الكلام ميكونش ليها علاقه بالبيت ومشاكله.

دي صوره مناسبه للموضوع لقيتها في الفيس دلوقتي

اقولكوا انا بقى لما جربت الفكره دي حصلي ايه
ودينا العيال اسبوع عند جدهم وجدتهم في أجازة الدراسه
وقررنا نخرج بقى وكده
أول مره خرجنا فيها زوجتي بقت قاعده تعد وتحسب احنا عملنا ايه في يومنا علشان تعوض العيال لما يرجعوا بخروجه زيها بالظبط.......ههههههههههه
وكمان طول الخروجه معندهاش سيره غير العيال وانهم وحشوها والكلام الحلو ده يعني

المشاركة الأصلية كتبت بواسطة ahmed_adham

دي صوره مناسبه للموضوع لقيتها في الفيس دلوقتي

هههههه
النكتة دي طمنتنى إن الموضوع دا مش في مصر بس - دا هذا الوباء وصل لهذا (الزلمة )

اقولكوا انا بقى لما جربت الفكره دي حصلي ايه
ودينا العيال اسبوع عند جدهم وجدتهم في أجازة الدراسه
وقررنا نخرج بقى وكده
أول مره خرجنا فيها زوجتي بقت قاعده تعد وتحسب احنا عملنا ايه في يومنا علشان تعوض العيال لما يرجعوا بخروجه زيها بالظبط.......ههههههههههه
وكمان طول الخروجه معندهاش سيره غير العيال وانهم وحشوها والكلام الحلو ده يعني