ال cd فى الداستر استقل عن كونتكت العربية

**beeronasr** · 15-02-2013 12:38 AM

المشاركة الأصلية كتبت بواسطة Formulator

ولا أى حاجة..

دا فيوز محروق.. وإفتح الـfuse-box (اللى فـ جنب التابلوه ناحية باب السواق)؛ هتلاقيه!
العيب دا common فـ عربيات الرينو-داتشيا؟!! أعتقد عشان فيوز الراديو-CD+الولاعة مقاومته 15 ohm؟؟!!!

زميلة فـ الشغل حصل معاها نفس الكلام -سانديرو أوتو

فتحنا علبة الفيوزات لقينا fuse الـradio-cd محروق
عشان إستخدمت شاحن عربية مش original على الولاعة >>> حمل زيادة حرق الفيوز..
طبعا الراديو-cd إنفصل عن العربية زى مانت بتقول -مش بيطفى مع الكونتاكت!

anyway
لو إتأكدت فعلا انه fuse
هتلاقى فـ الـcover بتاع علبة الفيوزات (اللى فيها الخريطة-التقسيمة بتاع الـfuse):
- بنسة بلاستيك وفيوزات spare الـ15-30 و 25 IIRC

هات واحد 15 ohm وركبه مكان اللى إتحرق (هتلاقى المحروق واضح أوى بص عليه من فوق)!

Rgds،

عاجز عن الشكر- رد شافى و كافى و مقنع جدا - و انا فعلا كنت مشغل شاحن الMP3 مكان الولاعة و بعدها بكام يوم حصل الموضوع دة -
و هو الشاحن ال Original بكام و منين؟
مشكور مرة تانية

**beeronasr** · 15-02-2013 12:41 AM

المشاركة الأصلية كتبت بواسطة mohammedaladel

بالنسبة للفيوزات كل فيوز بيبقى ليه لون ورقم شدة تيار مكتوب عليه لما تغير تغير بنفس الفيوز لا أكتر ولا أقل وبنفس اللون

الف شكر يا باشا

**beeronasr** · 15-02-2013 12:49 AM

المشاركة الأصلية كتبت بواسطة land_cruiser

أن شاء الله تبقى حاجه بسيطه زى سلكه ملمسه و تتحل بسرعه. انا بافكر اركب ديفيندر خلفى فقط بقالى فتره و النهارده عديت على شارع دمشق و لقيت محل عنده أشكال كتير و اسعار كويسه و انا بافكر فى الشكل اللى زى اللى بيبقى راكب فى الشيروكى اللى عامل زى المثلث ده. يا ترى ايه رأيكم فى الموضوع؟

انا مركب أمامى و خلفى - بس من شارع شامبليون - مش من دمشق و عموما هى حلوة و بتحمى العربية - لسة واحد ماسك فرامل متأخر دخل فى العربية من ورا على سرعة خفيفة فى اشارة - هو خد كدمة صغيرة و انا ولا حاجة

**MohammedAladel** · 15-02-2013 01:24 AM

شوف فى راديو شاك أو موبيل شوب أو كارفور

**Land_Cruiser** · 17-02-2013 10:55 PM

المشاركة الأصلية كتبت بواسطة mohammedaladel

شوف فى راديو شاك أو موبيل شوب أو كارفور

+1
ممكن عند النخيلى كمان اللى عند جراج البستان فى وسط البلد او اللى فى مصر الجديده قريب من كمبيومى

**Land_Cruiser** · 17-02-2013 10:58 PM

المشاركة الأصلية كتبت بواسطة beeronasr

انا مركب أمامى و خلفى - بس من شارع شامبليون - مش من دمشق و عموما هى حلوة و بتحمى العربية - لسة واحد ماسك فرامل متأخر دخل فى العربية من ورا على سرعة خفيفة فى اشارة - هو خد كدمة صغيرة و انا ولا حاجة

شكرًا يا باشا على الرد. انا عارف فى شارع معروف هناك فى ناس كتير شغالين فيها بس الذهاب لوسط البلد الان قلق شويه . يا ترى حضرتك ركبت اى شكل لان الأشكال كتير قوى

**خالد** · 18-02-2013 02:53 PM

بسم الله ماشاء الله
كان نفسي أعرف مكان علبة الفيوزات فين والحمد لله عرفت مكانها بفضلكم ..... شكراَ جزيلاً ليكم
أنا عندى مشكلتة فى الكاسيت والراديو :
مش بيشتغلوا ألا لو حركت زرار الزجاج بتاعى أو اللى جنبى أو لمبة الصالون !!!
كمان أنا فهمت منكم أنه لو الكونتاكت على تكة واحدة بيشغل الزجاج كمان زى الراديو والكاسيت ، بس أنا عندى بيشتغل الراديو والكاسيت بس ، الزجاج مابيشتغلش فى حالة التكة الواحدة دى !!!
كمان عندى دراع المالتى فنكشن الجزء اللى بيخفض الصوت بيعلق جامد لازم تدوس عليه خمس ست مرات علشان يستجيب معاك !!
كمان إستهلاك البنزين حاسس أنه عالى شوية تقريباً فوق الــ 15 لتر لكل 100 كم !! مع العلم أن مشاويرى كلها قصيرة اخل المدينة يعنى !
ياترى دى فعلاً مشاكل ولا ده طبيعى ، لحسن أنا رايح صيانة الــ 5 الاف بكرة إن شاء الله
مع خالص تحياتى

**خالد** · 18-02-2013 08:47 PM

مفيش ردود خالص ولا أيه يارجالة الداستر !!
طيب كمان سؤالين زيادة يمكن حد يرد عليا
هو ينفع أشترى أنا الزيت والفلتر من بره وآخدهم معايا فى الصيانة وهما يغيروه ؟
ثانياً هوة كام تكلفة صيانة الــ 5 آلاف ؟

**خالد** · 19-02-2013 09:12 PM

الحمد لله رحت النهاردة صيانة الــ5 آلاف فى فرع العبور
الإنطباع الأولى أنهم ناس محترمين ومقابلتهم حلوة ، كنت حاجز الساعة 11.30 ظهراً وصلت هناك قبلها بربع ساعة أستلموا العربية الساعة 12 زى بعضه مفيش مشكلة
المهندس أسمه إسلام قاللى هتستلمها الساعة 2 تقريباً
ولكن أستلمتها الساعة 4.15 ، لأن كان فيها شغل كتير خاصة الكاسيت وذراع المالتى فنكشن
النتيجة النهائية : هيتم تغيير ذراع المالتى فنكشن بس ماعندهمش دلوقتى !!
الكاسيت مش عارفين يصلحوه !! وهيبعتوه التوكيل !
فك الكاسيت وخدوه على وعد بتسليمه خلال 4 أيام على يوم الأحد ، ووعد بتغير ذراع المالتى فنكشن
والزيت طلع أنه بيتغير على 10 آلاف مش فى صيانة الخمسة آلاف
إستهلاك البنزين لسه طبعاً مش هيبان دلوقتى ألا بعد التجربة كام يوم
والحمد لله من قبل ومن بعد

**beeronasr** · 19-02-2013 09:42 PM

يا باشا اسفين على التأخير - طبعا كل اللى قولتة عن عمل الكاسيت و دراع المالتى فنكشن كان غير اللى عندنا و كويس انة عرفوا المشكلة فين و هيعملوها حتى لو اتأخروا شوية.
ثانيا: صيانة ال 5 الاف مجانية و انا شخصيا عملتها فى خمس دقائق لانهم تقريبا معملوش حاجة.
ثالثا: اول لفة كونتكت بتشغل الراديو فقط - اللفة التانية بتنور لمبة البطارية و هى اللى بتشغل الزجاج بعد كدة تدوير عربية على طول.
رابعا: طول ما انت جوة المدينة و كبير نقلاتك اولانى - تانى يبقى الاستهلاك هيفضل عالى - علسان تعرف استهلاكها مظبوط و لا لأ جربها فى طريق مفتوح و امشى على سرعة من 80 الى 100 و شوف استهلاكها الحقيقى - بس طبعا ابقى صفر عداد كمبيوتر الرحلات الاول.
و اى سؤال تانى تحت امرك يا خالد باشا

الموضوع: ال cd فى الداستر استقل عن كونتكت العربية

LinkBack

أدوات الموضوع

عرض

-

-

-

-

-

المواضيع المتشابهه

بخصوص شركة كونتكت

بروتون ساجا من كونتكت كار

مشكلة كونتكت

حد بيقسط مع كونتكت كارز

عايز ائمن مع كونتكت

الكلمات الدلالية لهذا الموضوع

المفضلات

المفضلات

ضوابط المشاركة