الموضوع: رابطة مالكى فيكترا سي ★ والصيانات

المشاركة الأصلية كتبت بواسطة Dr-Daly

طرمبه الميه وبليه الشداد بس وألا إيه كمان لو أمكن بالتفصيل منتا عارف انا شاريها used معرفش صيانه ال60 كان فيها إيه بالظبط وغالبا كده هروح منصور بس ياتري فين أفضل فرع؟؟
بس باقي الطقم سليم وممتاز وكنت عايز جنط واحد هسأل عليه التوكيل لكن مش مستاهله طقم جديد وكمان مش نفس الشكل

اي منصور تكون عارف فى حد لو هتروح بتاع رابعه اعرف واحد هناك

المشاركة الأصلية كتبت بواسطة ashourashour

ال abs لو فيه مشكله على فكره انا مجربتش في الفكترا سي لكن في الفكترا بي العربيه بتلف منك بغباء لو كبست فرامل جامد على سرعه

فممكن هما عملو كدا لدواعي امنيه عشان متجريش بالعربيه بدون abs اخرك التاني مع ان التاني في الفكترا سي مش شويه خالص :)

لا مش للدردجه دى اكيد فى سبب تانى

المشاركة الأصلية كتبت بواسطة moody_687

ده جدول صيانة الفيكترا سي بتاريخ يناير 2011

صيانة كل 5000 الاف ك : مصنعية الصيانة ( 260ج) ، فلتر زيت ( 37 ج ) ، مستلزمات الورشة ( 8 ج ) ، اسبراي تنظيف المحرك ( 28 ج ) ، اسبراي تنظيف فرامل ( 28 ج ) ، ف حالة تغيير زيت موبيل xhp وده بمائة وخمسون جنيها ، هتكون الصيانة تكلفتها 511 ج

صيانة كل 15000 الف ك : مصنعية الصيانة ( 260 ج ) ، فلتر زيت ( 37 ج ) ، فلتر هواء ( 132 ج ) ، فلتر بنزين ( 108 ج ) ، مستلزمات الورشة ( 8 ج ) ، اسبراي تنضيف محرك ( 28 ج ) ، اسبراي تنضيف فرامل ( 28 ج ) ، في حالة تغيير زيت موبيل xhp بمائة وخمسون جنيها ، هتكون تكلفة الصيانة 751 ج


صيانة كل 30000 الف ك : مصنعية الصيانة ( 332 ج ) ، بوجيه ( 196 ج ) ، فلتر تكييف اذا احتاج تغيير ( 126 ج ) ، فلتر زيت ( 37 ج ) ، فلتر هواء ( 132 ج ) ، مستلزمات الورشة ( 8 ج ) ، اسبراي تنظيف محرك ( 28 ج ) ، اسبراي تنظيف فرامل ( 28 ج ) ، ف حالة تغيير زيت موبيل xhp ، هتكون تكلفة الصيانة 1019 ج ، ويضاف قيمة تغيير زيت الباور ف حالة اذا احتاج تغييره ، وف حالة تغيير تيل الفرامل هتكون مصنعية تغيير التيل ( 110 ج ) ، وقيمة التيل الفرامل الامامى ( 777 ج )


صيانة كل 60000 الف ك : مصنعية الصيانة ( 332 ج ) ، مصنعية تغيير السيور ( 412 ج ) ، فلتر زيت ( 37 ج ) ، فلتر هواء ( 132 ج ) ، فلتر بنزين ( 108 ج ) ، بوجيه ( 196 ج ) ، سير دينامو ( 193 ج ) ، شداد سير دينامو ( 698 ج ) ، سير تقسيمة ( 368 ج ) ، بكرة شداد سير كاتينة ( 295 ج ) ، شداد سير كاتينة ( 587 ج ) ، زيت باور ( 160 ج ) ، مستلزمات الورشة ( 8 ج ) ، اسبراي تنظيف محرك (28 ج ) ، اسبراي تنظيف فرامل ( 28 ج ) ، ف حالة تغيير زيت موبيل xhp ، هتكون تكلفة الصيانة 3732 ج

دي الاسعار متغيرة قابلة للزيادة او النقصان حسب ضريبة المبيعات .

الله يكرمك انا رايح اعمل صيانة ال60

المشاركة الأصلية كتبت بواسطة moody_687

الصيانات 10 و20 و30 انا مش اعرف عنهم حاجة
اما بالنسبة لنقطة ثانيا فصيانة ال 60 الف هى هى صيانة ال 120 الف

ال120 نفسها صيانة ال60

المشاركة الأصلية كتبت بواسطة ehabbedo

شكرا للاهتمام اخيرا بمالكي فيكترا سي , والله العربية معايا بقالها حوالي 6 شهور وكنت شاريها مستعملة موديل 2008 هاي لاين من المالك الاول وكانت كلها فابريكة " ومازالت الحمد لله " والعربية فعلا ادائها اكثر من رائع بس كنت محتاج شوية وقت علشان اخد علي الايزيترونيك ومن حوالي اسبوع لمبة الصيانة نورت " اللي عبارة عن سيارة عليها مفتاح انجليزي" ولما رحت التوكيل قالولي محتاجة حساس شكمان " oxygen sensor" بكام بقي سعادتك ؟ 1530 جنية وتأثيرة وضح في سحب السيارة في البداية واستهلاك البنزين بقي كتير اوي فهل في مكان بيبيع الحساس دة ارخص من كدة ؟؟؟؟ ومازلت ارشح العربية دي لاي حد بيدور علي الامان لة ولاسرتة علي فكرة انا كنت جاي من اسوان علي الطريق الصحراوي وبجد العربية بتمشي 220 وكأنها علي 80 والسفر بيها متعة كبيرة . ارجوا الافادة
اخوكم ايهاب

هو موجود بره التوكيل ارخص من كده بس مش عارف كام ممكن تروح تركبو عند صابر وهو يجيبهولك وطبعاً ارخص من الرقم الغريب ده