رابطة مالكى فيكترا سي ★ والصيانات

**احمد فهمى** · 01-03-2013 01:02 AM

المشاركة الأصلية كتبت بواسطة ashourashour

بعد العمر دا كله ! طلع ان في حاجه اسمها test mode من خلاله بتعرض data list شبيهه بال data list

لجهاز الاعطال

على سبيل المثال

1-شحن الدينامو 13.7 فولت
2-قراءه ال coolant temperature
3-اشاره الرشاشات

و حاجات تاني كتير

ازاي نشوف الداتا دي ؟

1-الاستمرار في الضغط على زرار settings الموجود في الراديو حتى سماع صوت من السماعات
2-الضغط على زرار bc للتصفح في صفحات الداتا ليست

للعوده للوضع الطبيعي الضغط على settings مده طويله حتى سماع صوت

يا ترى في اه مستخبي تاني !! حد يعرف المعلومه دي ؟

ده موضوع قديم يا باشا وبيجيبلك السرعه ديجيتال وانت ماشى واستهلاك البنزين والحراره داخل وخارج وكلام كتير بس ده مش موجود فى الاليجانس فى الهاي لاين والتوب لاين ولو جبت الشاشه الكبيره يشتغل فى الايلجانس عادى

زى ما انا عملت

**احمد فهمى** · 01-03-2013 01:18 AM

المشاركة الأصلية كتبت بواسطة ashourashour

حبيبي ياحمد باشا

دا انا مش هخش المنتدى تاني

ازاي يعنى انت عايز المنتدى يضلم من غيرك والا ايه يا باشا

انا لسه عامل صيانة ال60 الف وده موضوع لوحدو بكره ان شاء الله

**احمد فهمى** · 01-03-2013 12:12 PM

المشاركة الأصلية كتبت بواسطة ehabbedo

شكرا للاهتمام اخيرا بمالكي فيكترا سي , والله العربية معايا بقالها حوالي 6 شهور وكنت شاريها مستعملة موديل 2008 هاي لاين من المالك الاول وكانت كلها فابريكة " ومازالت الحمد لله " والعربية فعلا ادائها اكثر من رائع بس كنت محتاج شوية وقت علشان اخد علي الايزيترونيك ومن حوالي اسبوع لمبة الصيانة نورت " اللي عبارة عن سيارة عليها مفتاح انجليزي" ولما رحت التوكيل قالولي محتاجة حساس شكمان " oxygen sensor" بكام بقي سعادتك ؟ 1530 جنية وتأثيرة وضح في سحب السيارة في البداية واستهلاك البنزين بقي كتير اوي فهل في مكان بيبيع الحساس دة ارخص من كدة ؟؟؟؟ ومازلت ارشح العربية دي لاي حد بيدور علي الامان لة ولاسرتة علي فكرة انا كنت جاي من اسوان علي الطريق الصحراوي وبجد العربية بتمشي 220 وكأنها علي 80 والسفر بيها متعة كبيرة . ارجوا الافادة
اخوكم ايهاب

ايهاب باشا الحساس عند صابر جى ام اصلى جديد طبعاً ب750 جنيه تقريباً هو قاللى 750 800 هتروح هتركبو وانت واقف وتمشى

**احمد فهمى** · 02-03-2013 01:49 PM

بسم الله الرحمن الرحيم

قطع الغيار والمستجدات خلال الصيانة ال60 الف للفيكترا سى:-

1-سير كاتينه دايكو 275ج
2-سير دينامو دايكو 120ج
3-فلتر هواء 60ج
4-فلتر بنزين 50ج
5-طقم بوجيهات gm اصلى 160ج
6-تيل امامى ماركة رود هوس 290ج
7-علبة زيت باكم 20ج
8-كوعة ثرموستات gm اصلى 670ج
9-مصنعيات فك وتركيب وكشف كمبيوتر 250ج

كان عندى مشكله فى ثرومستات الكوعه كانت فاتحه على طول الحمد لله انها مقفلتش على طول

اتغيرت ودى كانت اغلى قطعه فى الصيانه بس الحمد لله على كل شئ واعراضها ان الحراره على الطريق السريع بتنزل تحت وده غلط لأن المحرك له درجة حراره ثابته صيف شتاء والصيانه تمت عند صابر وانا هعمل موضوع مصور عن الترموستات والصيانه والله المستعان

**احمد فهمى** · 03-03-2013 12:05 PM

انا حطيت 5 لتر شل 4 لتر 275 جنيه و80 جنيه كيلو وهى بتاخد 5 لتر مستريح وشل افضل زيت وجبت فلتر ب25 جنيه ماركة Ac Delco وكان فى حاجات تانيه بس انا استنضفت ده ..

**احمد فهمى** · 03-03-2013 01:41 PM

اي زيت خارج مراكز البيع 90% هيكون مضروب فيفضل شراء الزيت دائماً من محطه كبيره وموبيل مش فاهم ليه بقى مش تمام انا كنت دائم استخدام موبيل 1 بس من سنتين بالتحديد حسيت بفرق وحطيط شل لاقيتو تمام زى موبل 1 زمان

-

-

الموضوع: رابطة مالكى فيكترا سي ★ والصيانات

LinkBack

أدوات الموضوع

عرض

-

-

-

-

-

-

المواضيع المتشابهه

فى التـوكيل :: اسعار قطع الغيار والصيانات + عناوين مراكز الخدمة + تفاصيل عمل الصيانات

رابطة مالكى الاكسيل-الجزء الأول

التوكيل والفروع والصيانات سؤال مهم لكل مالكين كيا

الكلمات الدلالية لهذا الموضوع

المفضلات

المفضلات

ضوابط المشاركة