الموضوع: مش المنطقي توكيل ديهاتسو يعيد حساباته بخصوص الشاريد؟؟

المشاركة الأصلية كتبت بواسطة أبو عبدالله

يا راجل هيا بتتقاس كده

ده ماتور 3 سلندر بيعطيك قوة المواتير 1100 سي سي كمان اللي موجوده في السوق مع توفير اكتر في البنزين
ده يعتبر تقليل من تمنه ولا زيادة فيه

مش كل حاجه بتتحسب بالعدد الاكتر

ليس من السهل انك تجمع بين حاجات كتير في حاجه معينه وان فعلت ذلك فده له تمنه

ثانيا العربيه واضح جدا شكل التابلوه وخامته وفرش العربيه
وده كله وعاوزها تبقى اقل من البيكانتو بــ كام الف كمان
يا راجل ده كلام برضه

ده القديمة كانت بــ 55 الف على الأسعار القديمة يعني قبل الزيادات
طيب الجديده دي بالشكل ده تبقى زياده 5 الفا بدون فرق سعر بين ايامها ودلوقتي

يعني مش للدرجه يعني

يا أبو عبدالله دا مش مقياسى انا دا مقياس السوق المصرى
و ماتنساش إن 3 سلندر صوته أعلى من 4 سلندر و عمره الإفتراضى أقل من 4 سلندر

دا كلام م/أحمد عبدالوهاب فى توكيل دايهاتسو و ليس كلامى

يجماعة كلامك ده توقعات ولا حقيقى لانى اللى فهمته خلاص ان التوكيل صرف نظر عن انه ينزل شاريد جديدة ومن يوليو 2007 تقريبا ومفيش شاريد لا جديدة ولا قديمة فى مصر

وطبعا راى الشخصى اللى مش مبنى على دراسة انه قرار غريب للاسباب التالية
- الشاريد كانت ابتدت تاخد مكانة كويسة خاصة ان البيكانتو مكنتش موجودة والحاجة الوحيدة الموجود كانت السبارك واكيد الشاريد افضل واقوى منها وعلى فكرة ناس كتير جدا اعرفهم كانوا قرروا حيجيبوا شاريد ونتيجة انهم ملقوهاش اضطروا يجيبوا سبارك

- مفيش اى منافسة من اى نوع مع السيرويون، دى فئة ودى فئة تانية خالص يعنى الشاريد تتقارن بالبيكانتو والسبارك لكن عمرها محتنافس السيريون لا فى سعر ولا امكانيات

- لو راى الشخصى حنزل الشاريد حتى لو هامش الربح فيها قليل، لان المكسب مش فى ثتمن العربية بس المكسب فى صيانة فى قطع غيار والاهم المكسب فى عميل جه وعرف ان فى توكيل اسمه دايهتسو محترم وشاف سيريون وماتيرا وتيريوس وقت لما يجى يكبر عربيته او حد تانى عايز يشترى عربية حتبقى اول نصيحة ليه ايه (اشترى دايهاتسو)
والاهم والاهم ان كل معربيات دايهاتسو ذات بقى الاسم مالوف اكتر فى السوق وللناس وبالتالى حينعكس ايجابيا على كل انواع العربيات التانية اللى بيبعها التوكيل

ده راى الشخصى وطبعا اكيد هما عندهم فكر تانى بس ايا كانت النتيجة ان دايهاتسو خسرت الفئة دى بجدارة وبيكانتو حتتربع عليها بجدارة