اقتباس المشاركة الأصلية كتبت بواسطة Ahmed A.Maksoud مشاهدة المشاركة
معلش مع أحترامى الكامل لكل أرائكم
المهندس خالد واضح جداً أنه كان على أستعداد يساعده بس مشكلته فى الشك يبقى فعلاً كان أسلم حل أنه ياخده يجيبله الدواء من أى صيدلية و لو كان لقى الدواء غالى كان ممكن يتفق مع سواق التاكسى على ميعاد أخر اليوم على ما المهندس خالد يكون رجع من الشغل ويكون عرف يلمله مساعده من زمايله فى الشغل وغالباً هيكون عرف يلم تمن الدواء


لو الراجل بيتسول هيكبر دماغه ومش هيخش فى الحوار ده من أصله

عموما أنما الأعمال بالنيات يا باشمهندس
صح انما الاعمال بالنيات ومش بعيد والله يكون محتاج علاج ومستعجل فى شرائه الله اعلم بظروف الناس وووممكن يكون التالى
حصل معايا موقف غبى
جمب مسجد مصطفى محمود وقفنى راجل عجوز جدا يكاد يكون بيطلع فى الروح وواضح انه طالع من مستشفى المسجد وقالى انه محتاج العلاج اللى فى الروشته وظروفه صعبه ميقدرش يشتريه انا مقدرتش افكر ابدا انه متسول ولا غيره الشكل ميقولش غير انه انسان فقير معدوم
الدواء كان ب220 جنيه تقريبا قلت له انتظرنى ثوانى هدخل الصيدليه دى واجبهولك
والله العظيم اول ما الصيدلى شاف الروشته وشه اتقلب 360 درجه انا توقعت ان الدواء المطلوب اكيد مواد مخدره او مجدوله قالى معنديش بغضب قلت له وانت بتزعق ليه قالى لان الروشته دى بتجيلى كل كم يوم واصرفها وبعدين يبعتوا حد يرجع الدواء وياخذ الفلوس اسف معنديش الدواء ووصف لى شكل العجوز اللى بيرجع العلاج وياخذ فلوسه

انا خرجت من الصيدليه مش عارفه اولع فى نفسى ولا فى الراجل اللى حطنى فى موقف احراج صدمنى