مشكله الطنابير الاماميه

**vecevector** · 11-02-2013 02:52 PM

انا لسه مغير بيض عجل و جلبه مقص للفيستا 2000 المشكله اني بعد سرعه 80 لما ادوس فرامل العربيه بتخبط جامد في العجل و الدريكسيون وتعوم المهم المكنيكي قلي غير طنابير و تيل امامي و العفشجي قلي الاسكتره اي الحل والطنابير ممكن تتعمل علي المخرطه ولا لازم جديد ولا اجيب استراد احسن وشكراااااااااااااا

**aYaBooY** · 11-02-2013 07:31 PM

الاسكاتر لا تسبب عومان مع الفرامل و لكن تسبب عومان و عدم اتزان عام مع تخبيط شديد في المطبات
المشكلة انت محتاج خراطة طنابير و تغير تيل و لو الطنابير رفيعة يعني مخروطة قبل كدة يبقي تتغير

**vecevector** · 11-02-2013 09:10 PM

[QUOTE=aYaBooY;3874804411]الاسكاتر لا تسبب عومان مع الفرامل و لكن تسبب عومان و عدم اتزان عام مع تخبيط شديد في المطبات
المشكلة انت محتاج خراطة طنابير و تغير تيل و لو الطنابير رفيعة يعني مخروطة قبل كدة يبقي تتغير[/Q

شكرا للرد السريع تغير الطنابير يحل المشكله ولا ممكن يكون في مشكله تانيه ذي جلبه او بيضه في المقص

تيل الفرامل متغير من حوالي شهرين يتغير و لا ممكن يطبع علي الطنابير الجديده وشكرااااااااا

**aYaBooY** · 12-02-2013 08:19 AM

الافضل تخرط الطنابير ( و ده حسب حالة اللحمية بتاعتها ) و تغير التيل و ابعد عن التركي خالص خليك في الاسباني
سعر الاسباني من عند يافا او بدروسيان 120 جنيه و اسمه ريمسيس تقريبا على ما اذكر
سعر التركي 85 جنيه بس عن تجربة الاسباني افضل بكتير و لا يفرم الطنابير

**اسامه نور الدي** · 13-02-2013 12:30 PM

علي فكره المشكله ده كانت عندي عند الفرامل بتحصل رجرجه قي الدريكسيون و اهتزاز جامد غيرت الطنابير و غيرت التيل و ظبط الفرامل المشكله فضلت مستمره لحد ماروحت لباع كاوتش بص علي الجنوط لاقي في جنط امامي فيه خبطه و قام نقل الجنوط الي ورا قدام وجاب الي قدام وراه و من ياعتها و الدنيا اتظبطت و الرجرجه راحت