حسبي الله ونعم الوكيل .. نزلت الصبح لقيت واحد حاكك العربية بمسمار

**alex pharmacy** · 12-02-2013 07:45 AM

السلام عليكم
نانسي اتبهدلت يا رجالة

نزلت الصبح لقيت واحد - ربنا ينتقم منه ويحرق قلبه واشوفه تحت عجل القطر - مبهدلي العربية ... كبوت ورفرف قدام وباب شمال ورا وقدام

مبهدل العربية لدرجة انه معلم في الصاج مكان الخربشة

حسبي الله ونعم الوكيل

كنت عايز اسأل الصقور عن حل للخدوش دي .. العربية لسه زيرو ده انا لسه ما عملتش صيانة الاف

من اسبوع برضه لقيت واحد ضارب الرفرف اللي قدام من عند الغمازات بتاعة الاشارة مطبقه وروحت الحرفيين عملتها على البارد الحمد لله

عايز نصائح الصقور في موضوع الخدوش عشان انا كل ما بشوفها قلبي بيتقطع

وربنا ما يكتب على حد حرقة الدم اللي الواحد فيها

**ahmed_hanafi** · 12-02-2013 08:09 AM

قدر الله وما شاء فعل ....معلش انا عارف ان الموضوع يضايق .....لو الخرابيش مش جامدة ممكن تعملها ببوليش وكمبوند

**Elawany13** · 12-02-2013 08:13 AM

لا حول ولا قوة إلا بالله
ده حال العربيات فى مصر
اللهم انتقم من المؤذيين ولاد الحرام
وربنا يعوض عليك

**elmoski** · 12-02-2013 10:20 AM

قدر الله ماشاء فعل؛؛ متزعلش نفسك وبقي هاتلها غطي بجد بيحمي العربية جامد..

**ahmed452003** · 13-02-2013 11:35 AM

المشاركة الأصلية كتبت بواسطة elmoski

قدر الله ماشاء فعل؛؛ متزعلش نفسك وبقي هاتلها غطي بجد بيحمي العربية جامد..

فعلا الغطى بيحمي العربية انا معايا السوبر صالون نزلت في يوم اشيل الغطا لقيت فيه حته في الغطا جمب تنك البنزين تحس ان هيا محكوكه شلت الغطا وقلت ربنا يستر لقيت حاجه خفيفه كده متبنش الا لما تركز أوي قلت الحمد لله على كده الغطا فعلا حمى العربيه وشكله كده عيل بجدون عجله حمل على العربيه .... اة حك فيها وهو ماشي واللي حمى العربيه وخفف الاحتكاك بعد ستر ربنا الغطى ... والحمد لله على كل شىء.

**HaNo_ELBeh** · 12-02-2013 10:56 AM

قدر الله وماشاء فعل ماتزعلش نفسك بس اعتقد ان حلها الوحيد هو الرش

**moumen_hs** · 12-02-2013 11:03 AM

ياباشا كلنا فى الهم سواء طيب أمال لما تلاقى القيم والسقف مدفوس لجوة تعمل أية المهم حضرتك تحاول تجيب غطا من الجلد المبطن هو صحيح مش معمر بس افضل من القماش لانى مغطى بقماش تقيل ومبطنة بوتر بروقف وبردة المسمامير والخرابيش بتعلم الالجلد المتبطن فى حدود 175 فى التوفقية وأمرك للة ومتنساش تبقى تكتب عية رقم العربية أو تدلق علية شوية بوية علشان السرقة وربنا يرحمنا

**Dr_MaTrix** · 12-02-2013 11:53 AM

قول الحمد لله وقضاء اخف من قضاء .. كنت راكن مرة ال 504 ونزلت لاقيت مفحور فى البوية من اول لاخر العربية خطين متوازيين ومعلمين فى الصاج للاخر وسألت الناس ايه اللى حصل قالوا رافعة من الصغيرين دول جابت جنب العربية كلها
فنصيحة لو تشوف لها جراج او اضعف الايمان غطاء كويس وغطيها.... وربنا يكرمك فيها