حسبي الله ونعم الوكيل .. نزلت الصبح لقيت واحد حاكك العربية بمسمار

**saint2011** · 12-02-2013 04:16 PM

معلهشى يا باشا كلنا فى الهوا سوا نصيحة حطها فى جراج أفضل ولو أضطريت لظروف تحطها فى الشارع غطيها وأشتريلها غطاء محترم مبطن هو فى حدود 150 جنية تقريبا ممكن يكون غلى وبقى أكتر وبالنسبة للخرابيش ممكن تروح لواحد بوهيجى بس يكون معلم فى شغلتة ويلملك الخرابيش دى بالكومباوند والبوليش ولو أحتاج بوية للتلوين أشترى أغلى بويه هات 1/8 كيلو سيكنز ألمانى وأنشاء الله خير ومتزعلشى نفسك

**_hema** · 12-02-2013 04:21 PM

المشاركة الأصلية كتبت بواسطة alex pharmacy

السلام عليكم
نانسي اتبهدلت يا رجالة

نزلت الصبح لقيت واحد - ربنا ينتقم منه ويحرق قلبه واشوفه تحت عجل القطر - مبهدلي العربية ... كبوت ورفرف قدام وباب شمال ورا وقدام

مبهدل العربية لدرجة انه معلم في الصاج مكان الخربشة

حسبي الله ونعم الوكيل

كنت عايز اسأل الصقور عن حل للخدوش دي .. العربية لسه زيرو ده انا لسه ما عملتش صيانة الاف :_alshmokh11:

من اسبوع برضه لقيت واحد ضارب الرفرف اللي قدام من عند الغمازات بتاعة الاشارة مطبقه وروحت الحرفيين عملتها على البارد الحمد لله

عايز نصائح الصقور في موضوع الخدوش عشان انا كل ما بشوفها قلبي بيتقطع :_alshmokh11:

وربنا ما يكتب على حد حرقة الدم اللي الواحد فيها

الف سلامه على نانسى

الحمد لله انها جت على قد كده

دانا البطه بتاعتى مليانه خرابيس من النووع داه

حسبى الله فى كل عيل او واحد يعمل كده

سيبها تاخد العين

ربنا يحفظنا ويحفظك من كل مكروووه

**asyl84** · 12-02-2013 10:58 PM

معلش ياباشا انت دلوقتى عربيتك خدت الجنسية المصرية انا عايز اقولك انى حاطط العربية فى الجراج ومغطيها وكل يومين اروح ابص عليها يقولولى طالع ياباشا اقولهم جى اتفرج عليها وماشى ههههههه والله حاجة زى كدة لانى عانت فى عربيتى القديمة هقولك موقف حصل ادامى من اسبوع عيل ابن تييييييييت وانا راكن وبكلم واحد صاحبى الواد مسك مراية عربية نيو اكسنت وفتحها 180 درجة لدرجة انى نزلت اتخنئت معاه قال عايز يبص على النظارة

**miceg** · 13-02-2013 12:24 AM

معلش قدر الله وماشاء فعل
حاسس بيك والله
والموقف ده حصلي تاني يوم اشتريت فيه العربية
خطين فالباب الشمال منظرهم بشع
قولت ولا هعبرهم
في مراكز زي زيرو كده بتعمل الخربوش لغايت 20 سم بحوالي 35 جنيه
فبيني وبينك قولت عشان متزاولش كل شوية خربوش وفلوس مرضتش اعمل حاجة
ربنا يباركلك ويجعلها اخر سوء يلمس العربية

**kfarouk** · 13-02-2013 10:41 AM

معلش قدر الله و ما شاء فعل
ممكن توديها مركز زيرو الي في مدينة نصر يحاولوا يلمولك الموضوع انا اتعاملت معاهم و هما ناس محترمة

**ahmed452003** · 13-02-2013 11:35 AM

المشاركة الأصلية كتبت بواسطة elmoski

قدر الله ماشاء فعل؛؛ متزعلش نفسك وبقي هاتلها غطي بجد بيحمي العربية جامد..

فعلا الغطى بيحمي العربية انا معايا السوبر صالون نزلت في يوم اشيل الغطا لقيت فيه حته في الغطا جمب تنك البنزين تحس ان هيا محكوكه شلت الغطا وقلت ربنا يستر لقيت حاجه خفيفه كده متبنش الا لما تركز أوي قلت الحمد لله على كده الغطا فعلا حمى العربيه وشكله كده عيل بجدون عجله حمل على العربيه .... اة حك فيها وهو ماشي واللي حمى العربيه وخفف الاحتكاك بعد ستر ربنا الغطى ... والحمد لله على كل شىء.