الموضوع: شوية استفسارات مابعد الحادثه

السلام عليكم جميعا :)
اتمنو تكونو حضراتكو كلكو بخير
زي ما كتير من حضراتكو عارفين اني عملت حادثه من كام يوم
دلوقتي انا عندي مشكله وعايز اخد رأيكو فيها
انا الفتيس بتاعي اتكسر ف الحادثه بسبب خبطة الكوبلين
ونوع الفتيس بتاعي اف 23 ومش موجود كتير وسألت عليه قالولي من 1000 ل 1750 جنيه لو لقيته
وعشان اركب ال اف 18 اللي موجود كتير هحتاج اغير ديسك واسطوانه وفيلم تاني وتكلفه برده
انا كده كده عايز ديسك واسطوانه عندي و دول بمبلغ برده
طيب ايه رأيكو اغير المكنه والفتيس بقي؟؟ بمكنة تيجرا 1600 مانيوال 2 كامه
فيه مكنه قدامي وارد اليونان وقلبي مش مستريح ليها هتيجي من غير حساس الكرنك وحساس الهوا اللي ف العمه تقريبا وهتيجي من غير العفشه بتاعتها ودي عامله 2500 بس احتمال كبير تعوز طقم شمبر بعد التركيب لأنها مركونه ف شمس بقالها فتره
وقدامي مكنه من غير العفشه بتاعتها عامله من 3500 ل5000 علي حسب هيا عامله كام كيلو بس الشغل ده انضف من الاولاني
يا اما مكنه بالعفشه بتاعتها من غير مساعدين ب 5000 ودي بقي عند ميكانيكي وهو اللي هيركب وهيبرمج وكده ودي لحد دلوقتي اكتر حاجه مستريح ليها
يا اما مكنه بعفشتها كامله بالمساعدين والمكنه زيرو وشوفتها شكلها نضيف جدا ودي عامله 6500
عايز اعرف رأيكو بقي في شوية الحاجات دي
اعمل ايه بالظبط و ايه رأيكو؟؟
وهل الشغل ف بورسعيد هيكون ارخص من كده انزل يعني ولا هيا نفسها؟
انا جبت الحاجات اللي العربيه محتجاها جديده كلها
اكصدامين ورا وقدام جم الاتنين ب 700 جنيه
اتنين فانوس امامي ب 450 جنيه
اتنين شبوره لموديل 2002 ب 350 جنيه وده كله ديبو طبعا
راس كوبلين استيراد ب 150
مقص يمين ب 150
فردة مساعد جي ام ب 400
رفرف اسود لون العربيه زيرو مفيش فيه اي نقره ب 250
لسه محتاج للعربيه من بره شبكه بس وان شاء الله هجيبها فوكسهول
كان فيه نيه من قبل كده اني اغير الفرامل ورا اخليها سكاكين وسألت علي عفشه كامله ورا بالدنجل بالمساعدين استيراد عامله من 1000 ل 1200
ف ارجو الافاده بقي بخصوص المكنه لأن هيا دي اللي لسه محتار فيها :)
معلش طولت عليكو بقي :)

قضي الامر النهارده خلاص للأسف
معتش فيها كلام ف تغيير فتيس بقي
نزلت المكنه النهارده عشان السمكري يشتغل لقيتها مكسوره من عندي الصدر كده
يبقي لازم تغيير خلاص :(