الموضوع: رجاء كل واحد ياخد باله و هو بيشتري نيو صني من اي معرض

المشاركة الأصلية كتبت بواسطة hfshaaban

يا جماعة السقف مش باين أوى او على ما اعتقد دة الورق الابيض اللى بيتلزق على السقف والكبود بس متشال شوية واللة اعلم اما بخصوص القاطرة اللى متركبة فى الاكصدام ممكن يكون البطارية نايمة ومش شغالة. اصل هما هيكونوا اغبية اوى لو العربية فيها كارثة وسايبينها قدام الناس كدة ولو فعلا فيها مشكلة كبيرة هتدخل الورش على طوووووووووووووول.
والله أعلم

صعب قوي ميكونش باين...
تحياتي

Sent from my SE Arc S using Forum Runner

ردا على كل التوقعات السابقه وعلى حسب معلوماتي اللي ممكن تكون صح او غلط:

1- اللي بيقول العربيه مخبوطه في السقف : ده شئ وارد وغير مستحيل والسبب في ده ان العربيه ممكن تكون اتخبطت وهي بتنزل من على الرامب بتاع العربيه اللي محملاها وانا عن نفسي والدتي ساكنه جنب الجراج اللي سمير ريان بيخزن فيه عربياته ومش عايز اقولكوا السواقين بيتعاملوا مع العربيات ازاي بصراحه حاجه مستفزة جدا وكذا مرة ابقى عايز اصورهم وهم بيسوقوا العربيات بغياء وما بلحقش

2- اللي بيقول وجود القطرة معناه حادث: ده كلام مش مظبوط لان ساعات كتير بحتاجوا يكربوا القطرة عشان يربطوا العربيه منها عشان ما تتزحلقش وهي متحمله

3- اللي بيقول ان العربيه لو فيها مشكله ها تروح المصنع مش التوكيل: برضو مش مظبوط لان المصنع مش بيبيع لمعارض . المصنع بيبيع لموزع زي اوتو ايجيبت والسبع ومودرن وغيرهم والمصنع ما لوش دعوة بعد كده العربيه راحت فين لانه خد فلوس العربيه من الموزع خلاص وبعد كده الموزع بيبيع العربيه للمعارض بسعر تاني على حسب الاتفاق واللي انا اعرفه برضو ان جزء ان ما كانش كل الوفر برايس بيروح للموزع مش المعرض على حسب كلام احد العاملين في احد المعرض الشهيرة وهو موجود عندنا في المنتدى وهو اللي قالي كده عشان كده لو العربيه فيها حاجه المعرض بيرجع للي اشترى منه مش للمصنع والموزع ممكن يرجع للمصنع لو لقى ان العيب فني ومن المصنع غير كده بتتصلح عند الموزع وترجع للمعرض تاني

وفي النهايه احب اقول ان كل النقط والحتمالات دي كلها مش بتحصل في اوتو ايجيبت بشكل خاص بس ولا في نيسان بشكل عام بس

الكلام ده بيحصل في جميع التوكيلات والمعارض على ارض جمهوريه مصر العربيه والله اعلم ده بيحصل برة مصر ولا لا برضو

الفكرة كلها بتكمن في الصراحه بين العميل والبايع

واللي اعرفه ان برة مصر لو العربيه دي فيها حاجه بيقولوا للعميل على اللي فيها وبيتعمله خصم كويس وهو لو حابب يشتري بيشتري

واسف على الاطاله