الموضوع: تحذير من مركز الصفا

المشاركة الأصلية كتبت بواسطة reda elgohary

دوام الحال من المحال ،،وكلنا ذوو خطأ ويجب ع مركز الصفا مراجعة الآخطاء الفنية قبل تسليم السيارة للعميل أعنى تفعيل موضوع مهندس الاستقبال الذي يقوم بتجربة السيارة ،،وان شاء الله يكون المركز عند حسن ظن الجميع

ماهو المهندس ده موجود
بيسمع شكوتك و بيسمع صوت الموتور
و مش بيقول حاجه غير "فك الكربراتير - حيكلفك 100 مصنعية الفك و التركيب" و بعد كده مش بشوفه
احنا كده كده عارفين ان المشكله من الكربراتير (امال احنا جايين ليه ) لكن المهاره المفروض تبقى ظبطه - خطوه التنظيف (اللى بتتكلف 100 جنيه مره واحده ) مش شايفلها لازمه فى 80% من الحالات لأن حتى لو كان الكربراتير نظيف بيتفك و يتنظف تانى !!!! و ده طبعا بيستهلك وقت و فلوس على الفاضى

المشاركة الأصلية كتبت بواسطة مركز الصفا

1 - المركز يعطيك ضمان اسبوعين على الشغل الذي تم في السيارة .
2 - الضمان يتجدد في حالة حضورك للمركزفي حالة استمرار وجود عيب بالشغل الخاص بنا .

الضمان موجود صح لكن اول مره اسمع عن موضوع تجدد الضمان ده و مافيش حاجه بتتكتب فى الكارت توضح الحكايه دى
بالاضافه الى انى لما جيت فى اخر مره فى فتره الضمان ده طلعولى نفس مهندس الاستقبال بنفس الفنى

المشاركة الأصلية كتبت بواسطة مركز الصفا

3 - من حقك طلب تغيير الفني لعدم ثقتك فيه - ولدينا اللائحة لإمكانية تبديل الفني في حالة طلب العميل ذلك .

مافيش اى حاجه توضح المعلومه دى هناك و ماشفتش اللائحه دى متعلقه فى اى حته - و اساسا المفروض يبقى ده اجراء تلقائى لأنى انا جاى بنفس العيب اللى الفنى ده فشل فى تغييره
يبقى حتجبهولى ليه تانى !!!!

المشاركة الأصلية كتبت بواسطة مركز الصفا

6 - هناك مهندس استقبال من مهامة الرئيسة مراجعة السيارة بعد انتهاء الفني من اصلاح السيارة وتجريبها مع العميل .

مهندس الاستقبال ده ماشفتهوش الا و هو بيستقبل العربيه فقط
و كل وظيفته انه بيسمع منى الشكوى بتاعتى و بعد كده يشغل العربيه و يحط جهاز العادم و بعد كده يقولى المشكله فى الكربراتير (ما انا عارف) حنحتاج نفكه و ده حيكلفك 100 مصنعيه
و علاقتى بتنتهى بيه عند المرحله دى - لكن ماحدش بيعبرنى بعد ما الفنى بيخلص شغله
و الكلام ده اتكرر فى جميع المرات اللى اتعاملت فيها مع المركز ده (حوالى 4 او 5 مرات على مدار 3 سنين ) -
و اصلا منهم مره واحده بس (من ال 4 او 5 مرات ) اللى الفنى (وليس المهندس ) طلع معايا بالعربيه علشان يجربها

و كده كده انا فعلا عقدت العزم من قبل ما اعمل الموضوع ده على عدم الرجوع للمركز مره اخرى