الموضوع: ليه التسقيط افضل من العمرة

بس يا مستر ممدوح الفتره اللى احنا فيها دى مافيش ولا استيراد ولا حاجه والتجار بيحاولو يكسبو من الهوا

طيب والعربيات اللى موجود البستم بالشمبر بالشميز ستنادرد مع بعض العمره ليها احسن زى البيجو

المشاركة الأصلية كتبت بواسطة d . A .\ ayman

هو كلامه حلو وكل حاجة وفعلا طول عمري بقول إن تركيب كل قطع الغيار بتاعة الموتور اللى طبعا هاتجيبها جديدة من شمايز وبساتم وشنابر ... وبالفعل الشمايز والشنابر الجديدة مش هاتكون نفس مقاس القديمةاللى طالعة من الموتور مريحو ومطبعة معاه ... وطبعا الخراط اللى مهما كان محترف عمره ما هايطلع الخلوص زي ما كان وأكيد 100 % هايكون في خلوصات مش مضبوطة وكل ده بيؤدي لأن الموتور الاستيراد اللى شغال كويس هايكون عمره الافتراضي أطول من عمر العمرة الكاملة نظريا

بس أنا عايز بس أضيف حاجة صغيرة ... كلام الراجل ده منطقي عشان هو لما بيحب يجيب موتور استيراد يقدر بكل بساطة ينزل يشتري موتور حالته نضيفة جدا وبسعر كويس جدا ... ده الموتور اللي جايبه جاي في كيس كأنه جايبه متغلف من السوبر ماركت ... وبيقول 1800 دولار سعر الموتور المستعمل للعربية الجي إم سي اللى وراه

في حين إن العمرة عنده هاتكلفه أزيد من كدة بـ 300 دولار ... يبقى الطبيعي إن يكون بالنسبة له التسقيط أفضل مليون مرة من العمرة

لكن عندنا العمرة أفضل طبعا لأن سعر الموتور بيكون مضروب في سعر العمرة مرتين تلاتة لأن العمرة عندنا هاننزل نجيبلها قطع غيار صيني كلها ... هاتمشي الموتور مدة من الزمن لغاية ماتبوظ وتعملها تاني برضه ... يعني ممكن تعمل العمرة ثلاث مرات بسعر موتور استيراد ... ده تفكير الميكانيكية في مصر ...

من الجانب الآخر في مشكلة إنك تقع على موتور مستعمل نضيف وده شيء صعب جدا عندنا ... سواء من أساليب تخزين التجار أو النقل أو حتى نوعية العربيات اللى بيطلعوا يجيبوها من برة


لكن في النهاية اللى يقع على موتور كويس مستعمل أعتقد أفضل من العمرة .. بصراحة أسبابه أقنعتني

سعر العمرة كام ؟؟
سعر الموتور الاستيراد كام ؟؟

انا عمرى ماحد من اصحابى عمل عمرة ونجحت الا فى 128 وبيجو -اى ماتور جديد اقسم بالله بيعمل العمرة وشهرين بيرميه--زن ورعشه وصداع بس مياكلش زيت تحس انك راكب كراكه او جرار زراعى
واخر حاجه صديق ليا معا نوبيرا قعدت اقوله ابوس ايدك بلاش عمرة قال لا الميكانيكى قاله العمرة هترجع الماتور زيرو
ومسمعش الكلام وصرف 3000 جنيه عمرة وجاى فرحان بيقلى العربيه بطلت تاكل زيت-بجرب لقيت العربيه بترعش جامد وفيه زنه -ايه دة يا عم الزنه دى قال دى من القواعد -طب غيرها وريحنا غيرها الزنه لسه موجود والتابلوة بيرعش والعربيه فيها موجه رعشه غريبه---لما انتبه كرة العربيه-تركبها ساعه تنزل بصداع---وشويه ورمى الماتور واشترى واحد استيراد وشغال زى الفل الى الان
وعندى من دة كتير