الموضوع: ليه التسقيط افضل من العمرة

احترنا فعلا موتور استيراد و لاعمرة كاملة مع العلم انى فعلا غيرت قطع كتير فى الموتور الحالى
ياريت اهل الخبرة يدلونا و لهم جزيل الشكر

اه من العمرات وآهين من المواتير الاستيراد
انا موتورى كان أكتر من رائع، فى مره غيرت زيت شل الأصفر من عند واحد غشاش حط زيت مضروب دمر الموتور من جوه ..
عملت عمره كامله مرتين مفيش شهر بعد كل مره الا والاقى الموتور صوته على واخشن وبياكل زيت.... مع العلم ان الخراط مختلف فى كل مره....
قلت لا خلاص هجيب موتور استيراد واريح دماغى
قعدت اركب فيه يومين ونص لما بقيت شكل اخو شيبوب وادخل جوه العربيه وادور الاقى الموتور بيرزع بكل حماس زى الهنود الحمر فى عيد الوعول ... صوت كرنك وسبائك ...!!
ألف لعنه ... :(
فى الآخر وصيت على موتور يجينى رأسا من ايطاليا على إسمى وده كان أحسن وأغلى حل ...
فعلا الموضوع زى البطيخه تمام فى الحالتين بس المهم متطلعش زى الحلاق المنحوس اللى قعد شهر ميجيلوش حد وفى الاخر اشترى بطيخه طلعت قرعه قالها حتى انتى بتحلقى بره :(

ياباشا ليا صديق مستورد بيقطع عربيات فى إيطاليا، خليته جابلى نص عربيه كامل باسمى عشان اضمن ان كل حاجه سليمه والموتور مش هيتخبط ويتبهدل فى النقل والشحن... وجع مره ولا كل مره.