الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة HeshamBorhan

حودة حبيبى
ممكن بقى تقول لى الزراير الكتير اللى فى الكينود 720 دول بتوع اية و تظبتهم ازاى انا موصل عليه 2 كينود 500 و صب 1000 وات
وحاجة تانية اية إعدادات الكاسيت 9550 اللى تخلى الصوت مثالى هوه واصل عليه 2 بايونير 550 و 2 بلوبنكت 16 سم فى الباب
مستنى ردك حبيبى

حبيبي انتا تؤمر
بالنسبه للكاسيت ظبطة صوته دي حاجه ترجعلك انتا بتحب الصوت ازاي
بس انا هقولك اللي اقدر عليه
اولا انتا هتخلي الكاسيت علي 30
وتبدأ تظبط الايكواليزر : تخلي اول واخر باندين +6 و +4 بالتنازل كده ودول بتوع البييز والتريبل والباندات اللي في النص هتبقي غالبا بالسالب يعني -1 و -3 و -5 و-3 و-1 بالترتيب
وبعد كده هتروح علي ال loudness وتظبطها علي حسب حبك لكمية البييز وغالبا بتبقي علي متوسط
وبعد كده ال sla ودي علي حسب انتا بتحب الصوت فيه هوا كتير ولا قليل ومكتوم
دي اهم حاجات بعد كده هتروح علي ال sub 1 ودي القناه اللي الفني موصلك عليها الصب وتخليها علي normal مش reverb وتخلي level بتاعها علي قد البييز اللي بتحبه

الفلاتر وي اهم حاجه : HBF : OFF
LBF : 120
ولو الكاسيت فيه LEVEL لل HPF , LBF دي بتظبطها برضه حسب ودانك

دي اهم حاجات الباقي سهل وطبعا دي محدش يقدر يفيدك فيها . بترجعلك انتا , واكيد الفني اللي ركبلك ظبطهالك كويس

بالنسبه للجي ام انا مش عارف انتا جبت الشكل القديم ولا الجديد فيا ريت صوره للتحكمات اقدر افيدك اكتر

بس عامة انتا هتخلي مفتاح ال channels علي 3 channels
مفتاح القناتين الخاصين بالسماعات علي hpf وتوطي البكره بتاعتها لحد ما البيز ما يرقعش معاك
مفتاح القناتين الخاصين بالصب تخليهم علي lpf وتعليه لحد ما تلاقي البيز معقول
مفاتيح الجين هتوطيهم علي الاخر وتعلي الكاسيت ل 30 وتدأ تعلي الجين بتاع قنوات السماعات لحد لما يبقي الصوت مناسب وما يرقعش وبعد كده اعمل نفس الكلام في قنوات الصب

اخبارك ايه يا دكتور ، يارب تكون بخير
عايزك بقي في استشاره لأني قررت ان شاء الله اجيب امبليفير و صب
ومحتار في الاتنين الصراحه :)
محتار مابين ال كينوود ال 720 والبايو ال 760
وفي واحد قالي ان السيمفوني اكتر امبليفير بيستحمل ومش بيسخن زى الاتنين التانيين ، ايه مدي صحه العباره دي ؟
وبالنسبه الصب انت عارف الاختيارات كتيره سوني و بايو و جي بي ال وكينوود
والناس بتقول ان كله زي بعضه ، بس لو حضرتك هترتبهم من الاحسن ، هيكون الترتيب ايه - انا ناوي علي صب 1000 وات
ومحتار برضوا اجيب تيوب ولا بوكس ، التيوب اسهل لأنها بتبقي جاهزه عكس البوكس اللي مقاسه اكيد مش هيبقي مظبوط ، او لازم اعمله عموله ..... محتار محتاار :(
-ياريت تقولي اسعار تقريبيه كده يا دكتور علشان ما يضحكش عليا :)
- لو عندك صوره لابعاد البوكس بتاع اي صب ياريت ترفعها لأني عايز اشوف بيقبي فيه شغل كتير ولا سهل اى نجار يعمله

معلش يا دكتورنا ياريت تقولنا الفرق بين ال JPL 1000 & JPL 1100
هل فيه فرق غير ال Power الزياده ؟

حبيبي ازيك يا باشا غامل ايه . يسلم سؤالك

التركيبه الاحسن للصب والسماعات مع يعض هيا :
سماعاتين كينوود 500 وات عاديه ب 450 ج + صب بايونير 1000 ب 330 ج +جي ام كينوود 720 وات ب 800 جنيه

الجي ام البايونير صوته احلي بس مش معمر وانتا وحظك فيه وللاسف اللي بينزل في مصر خفيف أوي

السيمفوني افضل جي ام طبعا بس بييييييز بس علي حساب الصوت لكن قوة صوته ضعف اي جي ام تاني لكن نقاء الصوت مش زي الماركات . وفيه بورده تقيله وكميه اي سيهات مش طبيعيه بالنسبه لبقية الجي امات

الجي بي ال ال 1000 هيا الكويسه والمتجربه لكن اال 1100 دي الجديده ومعظمها مضروب

الانشف في البييز في الصبات ال jpl يليه ال يليه الكينوود يليه السوني يليه البايونير وفيه فرق كبير ما بين البييز الناشف والبييز القوي يعني البايونير اكتر صب ممكن تاخد منه بييييز قوي جدا ومش ناشف ووودانك متزهقش من البيييز ولا توجعك من كتر الببييز ناشف زي ال jpl . بالظبط كانك بتضرب بإديك علي طبله وبعدين تضرب علي حله معدنيه
فدي ترجع لودانك بتحب تسمع بييييو عامل ازاي . وانتا مش هتعرف تفرق غير لما تسمعهم كلهم . انا بس بحاول اوصلك علي قد ما اقدر الفرق

الكلام اللي فات ده بالنسبه لو انك عايز تركب سماعتين وصب علي جي ام واحد
انما لو هتوصل الصب علي جي ام لوحده يبقي فيه كلام تاني
عندك حاجات كتير مستورده تديك السوبر بيييز ده . بس بالنسبه لينا في مصر هنا يبقب عندك التﻻكيبه الشهيره:

صب بايونير 1400 وات دبل كويل ب 450 جنيه + جي ام سيمفوني 700 وات 2 قناه ب 650 جنيه وووووووسسسسسسسسع يا جدع .دول هيفككولك عربيتك من بعضها

طبعا البوكس له مواصفات معينه من حيس السمك والمقاس وشكل البوكس وبيبقي منصوص عليهم في كتالوج الصب والمتوسط انه مكعب طول ضلعه 42 سنتيمتر
اما البازوكه فهيا اريح طبعا بس حجمها كبير وبتاخد الشنطه

بالتوفيق وفي انتظار استفساراتك

المشاركة الأصلية كتبت بواسطة dr_7ooda

حبيبي ازيك يا باشا غامل ايه . يسلم سؤالك

التركيبه الاحسن للصب والسماعات مع يعض هيا :
سماعاتين كينوود 500 وات عاديه ب 450 ج + صب بايونير 1000 ب 330 ج +جي ام كينوود 720 وات ب 800 جنيه

الجي ام البايونير صوته احلي بس مش معمر وانتا وحظك فيه وللاسف اللي بينزل في مصر خفيف أوي

السيمفوني افضل جي ام طبعا بس بييييييز بس علي حساب الصوت لكن قوة صوته ضعف اي جي ام تاني لكن نقاء الصوت مش زي الماركات . وفيه بورده تقيله وكميه اي سيهات مش طبيعيه بالنسبه لبقية الجي امات

الجي بي ال ال 1000 هيا الكويسه والمتجربه لكن اال 1100 دي الجديده ومعظمها مضروب

الانشف في البييز في الصبات ال jpl يليه ال يليه الكينوود يليه السوني يليه البايونير وفيه فرق كبير ما بين البييز الناشف والبييز القوي يعني البايونير اكتر صب ممكن تاخد منه بييييز قوي جدا ومش ناشف ووودانك متزهقش من البيييز ولا توجعك من كتر الببييز ناشف زي ال jpl . بالظبط كانك بتضرب بإديك علي طبله وبعدين تضرب علي حله معدنيه
فدي ترجع لودانك بتحب تسمع بييييو عامل ازاي . وانتا مش هتعرف تفرق غير لما تسمعهم كلهم . انا بس بحاول اوصلك علي قد ما اقدر الفرق

الكلام اللي فات ده بالنسبه لو انك عايز تركب سماعتين وصب علي جي ام واحد
انما لو هتوصل الصب علي جي ام لوحده يبقي فيه كلام تاني
عندك حاجات كتير مستورده تديك السوبر بيييز ده . بس بالنسبه لينا في مصر هنا يبقب عندك التﻻكيبه الشهيره:

صب بايونير 1400 وات دبل كويل ب 450 جنيه + جي ام سيمفوني 700 وات 2 قناه ب 650 جنيه وووووووسسسسسسسسع يا جدع .دول هيفككولك عربيتك من بعضها

طبعا البوكس له مواصفات معينه من حيس السمك والمقاس وشكل البوكس وبيبقي منصوص عليهم في كتالوج الصب والمتوسط انه مكعب طول ضلعه 42 سنتيمتر
اما البازوكه فهيا اريح طبعا بس حجمها كبير وبتاخد الشنطه

بالتوفيق وفي انتظار استفساراتك

- طيب اول حاجه هفكرك بس ان انا عندي 2x 500 بايونير & 2x 260 سوني مدورين
- سألت علي الصب ال 1000 jpl تمنه 335 جنيه مظبوط كلامك ، وان شاء الله ناوي اجيبه
- بالنسبه للامبليفير السيمفوني ، هل هو صوته وحش جدا لدرجه ما تتسمعش ؟ ، يعني فرق الباور ده مش بيتعوض في الصوت مثلا ؟
- لو مثلا عاوزين نسب مئويه " تقريبيه طبعا " بين السيمفوني والكينوود من حيث الصوت والبيز يبقي كام % ؟
- كان فيه صنايعي قايلي انه ممكن يركب السماعات البايونير والسوني المدورين " ال 4 سماعات كلهم " علي 2 قناه ببريدج " ايه مدي صحه كلامه " ؟
- لو قدام حبيت ازود سمعاتين كمان هيفرقوا معايا ف ايه ؟
- لو جبت الامبليفير والصب ، هل هحس بفرق جامد عن دلوقتي ؟ ولا برضوا مش قوي ؟
- تاعبك معايا انا يا دكتور معلش :(

انتا تؤمر يا باشا
الكينوود جودة البيييز 50% والصوت 70% . السيمفوني جودة البييييز 80% والصوت 30 %
السيمفوني الاحسن في الصبات لكن في السماعات هتحس انك راكب توكتوك الاغاني كلها زي بعضها مفيش اختلاف كله طبقه واحده

انتا ممكن تحمل اللي انتا عايزه علي الجي ام بالنسبه للوات بتاع القناه هيتقسم علي السماعتين اللي راكبين عليه لكن المشكله في المقاومه اللي كده هتبقي 4 اوم مجموع السماعتين لكن هوا مصمم علي 2 اوم
اما لو جمعت قناتين بريدج مجموعهم هيبقي 4 اوم تقدر توصل عليهم سماعتين بس لازمتها ابببببه لما انتا ممكن تركب كل سماعه علي قناه لوحدها بدل ماتجمع القنوات ؟؟؟؟؟؟؟؟
كلامه مش صح خالص . اما السيمفوني فلا ينطبق عليه الكلام لان ده في وادي لوحده بس للاسف وحش مع السماعات
احسن حاجه اللي قلتلك عليها في الاول : كينوود وصب 1000 وجوز بيضاوي منفصلين عن عدة العربيه الاساسيه ويشتغلوا علي زرار لما تحب تهبد غير كده العده الاساسيه شغاله
ولو كان العده عندك جودتها 25 % الجي ام والصب والبيضاوي هيخلوها 75%

بالتوفيق.

حودة حبيبى أولا قولى مبروك الحمد لله ركبت السوند سيستم كله بس مبسوط ومش مبسوط طبعا اتفشخت من النجار للسروجى للحداد للفنيييين كنت أوشكت ابيع العربية أفضل المهم الحاجات اللى عندى مش فهمها أو تحديدا مش مبسوط منها.
1- الصوت جااااااااامد موت بس لحد مستوى 25 فى الكاسيت بعد كده بحس بهوا اووووفر والتوترات بتاعت السماعات بتعلى اوى ووضوح الصوت بيضيع مع العلم أن البيز فى جميع الأحوال فزييييييييييييييييع لدرجة أن الشنطة دايما فيها فيبريشن فظيع
2- حاسس أن دايما السماعات الكينود(وصله على الجى ام) أعلى كتيييييير من البايونيير(الكاسيت مباشر)و بتغطى عليها لما أعلى الصوت بخلاف ترزيع سماعات الباب قدام ضايعة
3- الكاسيت لما بشغل الصب بيظهر عندى 2 صب وفر واحد فيه المود والتانى فيها جراف و أرقام ميجا هرتز بتعلى وتوطى فيها بس لبند واحد
4- وانا كنت بركب السيستم كان السماعات البايو وسماعات البيبان more than enough for me بعد ما السيستم كله ركب حاسس أن مافيش انسجام مابنهم زى صوت التكتك
على فكرة انا ركبت عند واحد و رحت لواحد تانى خاص تضبط الجى ام و انا شايف انه بيفهم بس المشكلة أن الكمبوننت كلها مش هرمونى زى اللى مخصمييين بعض
علما بأن الصوت من 5 إلى 10 waaaaaaaaaaaw إبداع غير كده تكتك
طولت عليك بس أعلم اية عشان بحبك وانت اللى شجعتني على الانحراف ....هههههههههههههههه
حبيبى يا حودة

المشاركة الأصلية كتبت بواسطة HeshamBorhan

حودة حبيبى أولا قولى مبروك الحمد لله ركبت السوند سيستم كله بس مبسوط ومش مبسوط طبعا اتفشخت من النجار للسروجى للحداد للفنيييين كنت أوشكت ابيع العربية أفضل المهم الحاجات اللى عندى مش فهمها أو تحديدا مش مبسوط منها.
1- الصوت جااااااااامد موت بس لحد مستوى 25 فى الكاسيت بعد كده بحس بهوا اووووفر والتوترات بتاعت السماعات بتعلى اوى ووضوح الصوت بيضيع مع العلم أن البيز فى جميع الأحوال فزييييييييييييييييع لدرجة أن الشنطة دايما فيها فيبريشن فظيع
2- حاسس أن دايما السماعات الكينود(وصله على الجى ام) أعلى كتيييييير من البايونيير(الكاسيت مباشر)و بتغطى عليها لما أعلى الصوت بخلاف ترزيع سماعات الباب قدام ضايعة
3- الكاسيت لما بشغل الصب بيظهر عندى 2 صب وفر واحد فيه المود والتانى فيها جراف و أرقام ميجا هرتز بتعلى وتوطى فيها بس لبند واحد
4- وانا كنت بركب السيستم كان السماعات البايو وسماعات البيبان more than enough for me بعد ما السيستم كله ركب حاسس أن مافيش انسجام مابنهم زى صوت التكتك
على فكرة انا ركبت عند واحد و رحت لواحد تانى خاص تضبط الجى ام و انا شايف انه بيفهم بس المشكلة أن الكمبوننت كلها مش هرمونى زى اللى مخصمييين بعض
علما بأن الصوت من 5 إلى 10 waaaaaaaaaaaw إبداع غير كده تكتك
طولت عليك بس أعلم اية عشان بحبك وانت اللى شجعتني على الانحراف ....هههههههههههههههه
حبيبى يا حودة

ههههههههههههههههههههههههه هههههههههههههههههه حبيبي يا معلم مبرووووك وربنا يديك خيرها ويكفيك شرها
طبعا لازم يبقي فيه عدم تناغم ما بين العده الاساسيه والسيستم الجديد لان الفرق في الوات 4 اضعاف . بس انتا لسه ودانك هتاخد وقت لحد ما تتعود علي العده الجديده . ولو بدلت البايونير مكان الكينوود علي الجي ام هتلاقي نفس الكلام وانا كنت افضل ان الكينوود تبقي علي الكاسيت والبايونير علي الجي ام مادام انتا جبت الصب بس مش مشكله
انتا المشكله اللي عندك دي انتا تقدر تظبطها :
اقفل الجي ام وشغل الكاسيت وعليه لحد 30 وابدأ اظبط الايكواليزر وهتراعي ان الظبطه هتختلف شويه مع وجود الجي ام يعني البيييز والتريبل هاتقللهم سنه صغيره عن قبل كده . وال mode بتاع الصب خليه normal مش reverb . والحاجات اللي بالميجا هيرتز دي الفلاتر اللي قلتلك عليها . لو لقيت مكتوب عليها في الشاشه HPF خليها علي اقل قيمه . ولو لقيت مكتوب LPF خليها علي اعلي قيمه
ال loudness خليه low
شغل الجي ام بقي وهتروح علي مفاتيح الجيييين فولييم بتوع الاربع قنوات وهوا عندك كينوود علي قد ما اعرف منك . وهتبدأ توطي الجين بحيس ان الصوت ما بقاش فيه distortion , ولو عندك bass poster في الكاسيت او الجي ام اطفيه أو قلله , انا بحاول علي قد ما اقدر افيدك بس الحاجات دي لازم تبقي سامع بودانك عشان تحكم وتقدر تظبط
وانا مش عايزك تستعجل في الحكم عن العده اصبر عليها شويه و جرب كذا نوع من المزيكا واستعمل mp3 جوده 320 kps