الموضوع: بالصور . تقرير عن افضل عده ممكن تجمعها هنا في مصر

المشاركة الأصلية كتبت بواسطة HeshamBorhan

حودة صاحبى
أولا متضايق جدا من موضوع البيز بتاع البايونيير بحس انه بترزع بعد 30
ثانيا المود بتاع الصب اللى فى الكاسيت لما بيبقى reverb بيبقى أقوى وأفضل من normal ومش عارف ليه والفرق شاسع بينهم reverb أفضل طبعا
ثالثا بالنسبه لفلاتر الجى ام LPF و HPF هوه لها سويتش المفروض يبقى On ولا Off وأية اللى هيحصل فى الحالتين
مع العلم أن الجى ام على channel B اللى فلترها LPF والكينود على Channel اللى فلترها HPF
وهل حقيقى ال RCA output الخاص بالكاسيت وهما 3 فيه 2 للسماعات و وحدة لل الصب
رابعا انا مش قادر أفهم يعنى اية 50 و 63 و 80 و 100 و 125 الخ ميجاهرتز وعلاقتها بالصوت وخاصة الصب
رجاء يا حودة توضح لى الحاجات دى لأن جالى هسهس هههههههه

Sent from my GT-I9500 using Forum Runner

حبيبي يا باشا ولو انك انتا كده اللي هتجيبلي هسهس بالحاجات الغريبه اللي حاصله معاك دي

من الاول كده الكاسيت فيه مخرج للسماعات اللي قدام front و للي ورا rear وللصب sub out
لازم تكون موصل السماعات اللي في الجي ام علي القناه بتاعت rear والصب علي اللي sub out
غالبا كده البوكس ده مش معمول كويس طالما الصب علي ال reverb اعلي من العادي ومش معمول علي المقاسات بتاعت الصب اللي في الكتالوج ومش نفس السمك بتاع الخشب ولا ايه ؟؟؟؟؟
القنوات بتاعة الفلاتر في الجي ام بتبقي علي HPF في القناتين بتوع السماعات وكل ما تعليها يقل البييز ويروح للصب
وعلي LPF للقناتين بتوع الصب وكل ما تعليها البيييز اللي في الصب يبقي قوي وناشف

وكل ما الميجا هرتز اللي انتا متدايق منها دي بتزيد وتعليها بتاخد البيييز من السماعات وتوديه للصب

بالنسبه بقي للبايونير انتا كده محتاج تهدي البيييز شويه ومشكلتك انك ظابط الصوت علي فولييم قليل عشان كده لما بتعلي الصوت بيرقع . مش معني ان الصوت والبييييز قوي وانتا موطي انك كده ظبطته صح . لازم تظبطه والصوت عالي حتي لو البيييز بقي اقل علي الفوليييم الواطي عشان لما ترجع تعلي السماعات ما ترقعش

يا مسهل . هههههه بالتوفيق

وزي ما قلتلك موضوع ال rms ده مش مقياس خالص والدليل انك لو جبت سماعتين واحده كينوود وواحده بايونير والاتنين نفس ال rms هتاخد من الاتنين اداء مختلف تماما ومش معني انها 90 rms انعا طول الوقت بتديك ال 90 rms . بتفرق حسب الاغنيه وجودتها وكم البيييز فيها فهيا مقاييس بيحاولوا بيها يقيسوا مش اكتر لكن مش هيا الفيصل

المشاركة الأصلية كتبت بواسطة midooo_119

طيب بالنسه لرف الخشب للسماعات اخليه hpf و لا خشب حوبـيـبـى

قصدك خشب mdf مش كده ؟ عشان تحكم الاحسن لازم تسمع الاتنين . الاسباني او الحبيبي بييييزه ناشف ( ونه ) . انما ال mdf بيييزه ناعم ومريح للودن . فالاتنين حلوين بس بترجع لانك بتحب الصوت ازاي

سألت علي الامبليفير ال كينوود 720 وات لقيته معدي ال 800 جنيه يا باشا
كده الموضوع هيبوظ مني خالص :)
انت ايه رأيك لو جبت الصب ومعاه امبليفير سيمفوني ليه لواحده ، واخلي السمعات زي ما هيا علي الكاسيت ؟
لو ينفع ، اجيب امبليفير كام وات يمشي مع صب جي بي ال 1000 وات او ما يوازيه

المشاركة الأصلية كتبت بواسطة mody_online

سألت علي الامبليفير ال كينوود 720 وات لقيته معدي ال 800 جنيه يا باشا
كده الموضوع هيبوظ مني خالص :)
انت ايه رأيك لو جبت الصب ومعاه امبليفير سيمفوني ليه لواحده ، واخلي السمعات زي ما هيا علي الكاسيت ؟
لو ينفع ، اجيب امبليفير كام وات يمشي مع صب جي بي ال 1000 وات او ما يوازيه

الصب ال 1000 يشغله ال :
-الكينوود ال 350 وات ال 2 قناه
-السوني ال 350 وات 2
-البايونير ال 400 وات 2
-السيمفوني ال 260 وات وال 300 وال 400 و 480 وات : كل واحد بيزيد عن التاني بأي سيهات كل ما زاد رقم الوات بتاعه وال 480 كفيل انه يشغل الصب وسماعتين بايونير معاه كمان وفيه ناس مركبين عليه 6 سماعات . وخصوصا السيمفوني المصري كان انضف من الكوري اللي موجود دلوقتي بس مش هتلاقي منه جديد

طيب ورأيك ايه يا دكتور ؟
اجيب امبليفير للصب بس مؤقتا ولا امبليفير للصب والسماعات علي طول

المشاركة الأصلية كتبت بواسطة MoDy_OnLiNe

طيب ورأيك ايه يا دكتور ؟
اجيب امبليفير للصب بس مؤقتا ولا امبليفير للصب والسماعات علي طول

تجيب كينوود 350 دلوقتي وتوصل عليه الصب
ولما ربنا يسهل قدام شويه هاتلك جي ام 1000 وات محترم وتركب عليه الصب ال jpl وقدام شويه تجيب بازوكه وتركب الصب والبازوكه علي الجي ام ال 1000 وتخلي الكينوود ال 350 للسماعات
يا أما تجيب كينوود 720 مره واحده وتركب عليه الصب والسماعات وده اغلي دلوقتي بس اوفر بعدين . بدل ما تجيب 350 وبعد كده تبقي مش عارف هتعمل بيه ايه.
وكحمل علي البطاريه جي ام واحد احسن من كتر الجي امات
ولو جبت جي ام للصب بس هيبقي البييز عالي قوي ومغطي علي صوت السماعات لازم معاه سماعتين علي جي ام عشان يبقي الصوت مظبوط

الموضوع محير بس مرتبط بالتكلفه .فمستعتجلش عشان تتبسط من النتيجه