بكره إن شاء الله أنزل ليكم صور للرايدتير الجديد
ويا ترى كده تمام ولا تنصحونى بحاجة تانية
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
السلام عليكم
أنا كان بقالى فترة ناوى وعازم على تغيير الرايداتير إلى نحاس وبصفة خاصة قبل دخول الصيف وحرارته وكمان عشان اللى أنا شارى منه العربية كان مغير الرايداتير الفبريكة وكان مركب رايداتير ألمونيوم وأكيد صينى .
مبدئياً العربية موديل 2007 عاملة 53500 كيلو والرايداتير كان فيه مياه زرقا وماشى تمام بس بدأت ألاحظ وجود صدأ فى القربة وعلى حافة الرايداتير لحد ما من يومين ببص على القربة لقيتها فجأة قربت تفضى على الرغم إنى مشيك عليها قبلها بيومين كانت ملاينة ومش ممكن تتبخر المياه بالسرعة دى لآنى حاطط مياه زرقا والجو مش حر قوى والمروحة مش بتشتغل كتير . مليت القربة ويدوب وصلت مشوار ركنت العربية ونزلت أشتريت حاجات لقيت تحت العربية مياه وبحط أيدى على الرايداتير من تحت لقيته بينقط قلت أروح أشوف الرايداتير .
رحت النهاردة الساعة 12 الصنايعى بص وقالى ممكن أبص عليه ويتعالج . كان متوفر معايا مبلغ وقلت أغيره أحسن . وتوكلنا على الله وفكينا لقينا المياه نازلة وكأنها مياه مجارى ولونها أسود وملاينة صدا . قلت الحمد لله إنى قررت أغير .
جاب رايدايتر نحاس وقعد يظبط ويلحم فيه لحد ما خلاه زى الفبريكة بالظبط وركبنا نفس المروحة اللى كانت شغالة على الرايداتير الألمونيوم وأخدت الرايداتير القديم شيلته إحتياطى محدش عارف الظروف
المهم أشتريت مياه زرقا كمان بالمرة موبيل ولفيت عليه شويه لحد ما لقيته الجركن زاد شوية بقى ب 80 جنيه .
والصنايعى حط مياه حنفية عادية وقالى أمشى بيها النهاردة وتمم عليها بعد ما تركنها وشوف فيه تسييل ولا لاء عشان نتأكد إن الشغل تمام ومفيش تسريب وبعدين تعالى بكره وتكون مشيت بالعربية كتير والعربية تكون سخنة عشان الصداء اللى فى دورة التبريد كله ينزل وبعدها أنضف ليك دورة التبريد كويس واحط ليك المياه الزرقا على نضافة .
تقييمى لآداء العربية مش حيكون دقيق دلوقتى لآنى حاطط مياه عادية والأول كاننت مياه زرقا ومعروف إن المياه الزرقا أفضل فى التبريد من المياه العادية وكمان لآن الطريق كان مفتوح وكنت بجرى .
بكره إن شاء الله حضبط باقى الشغل وأقول ليكم عن إنطباعى النهائى للموضوع . على الرغم إنى من دلوقت حاسس بالفرق وخصوصاً بعد ما شفت الرايداتير القديم واللى معظم قطعه بلاستيك وألمونيوم ودا بيخلى فقده للحرارة سىء جداً .
أه التكلفة كلها بالمصنعية 350 جنيه غير المياه الزرقا 80 جنيه
عموماً أنا توكلت على الله وغيرت لآن اللى كنت شارى منه العربية شكله كان بيحطى مياه من الحنفية فعملت كمية صدا رهيبة فى الرايداتير على الرغم إنه مغير الرايداتير من حوالى سنة ونص أو سنتين زى ما قالى وطبعاً الرايداتير النحاس اللى فصلته جديد وبكرتونة المصنع مش مستعمل لآنى عمرى ما حغير لمستعمل لآنه مش حيكون مضمون ممكن يكون مسدود أو مصدى . وأنا لسه حالاً راجع بعد ما نزلت مياه الحنفية اللى كنت حاططها إمبارح وغسلت دورة التبريد كويس وحطيت المياه الزرقا موبيل هى أفضل نوع مياه بشهادة الجميع وللأمانة لسه مش حاسس بفرق كبير عن الأول لآن الجو لسه مش حر قوى بس المروحة بتاخد وقت أطول شوية نوعاً ما على ما تشتغل
ودى صورة للرايداتير القديم وواضح إنه فيه الأجزاء العلوية والسفلية كلها بلاستيك بعكس النحاس فهو بالكامل من المعدن
ودى صور لبعض الأجزاء المتآكلة والصدا اللى فيها
ودى عينة من المياه اللى نزلت من الرايداتير القديم
ودى صور للرايداتير النحاس بعد ما ركب فى العربية وللأسف نسيت أصوره قبل ما يركب فى العربية
والنحاس فعلاً مواسيره أتخن شوية من الألمونيوم ولو وصلنا لمرحلة تصنيع يكون فيها مواسير المياه فى الرايداتير النحاس بنفس رفع الألمونيوم حتفرق كتير جداً فى التبريد . لكن فى المقابل الفراغات بين المواسير النحاس أكبر من الألمونيوم فدا ممكن يسرع عملية التبريد .
لسه متابع معاكم فى الأيام القادمة عشان أقدر أحكم على الأداء كويس عشان أقدر أحسم موضوع الفرق فى التبريد .
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
بكره إن شاء الله أنزل ليكم صور للرايدتير الجديد
ويا ترى كده تمام ولا تنصحونى بحاجة تانية
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
مبروك ..
رقم العضوية : 52220
تاريخ التسجيل : 05Nov2009
المشاركات : 1,339
النوع : ذكر
الاقامة : مصر
السيارة: Skoda a5
السيارة[2]: اكسنت 98
دراجة بخارية: لا يوجد
الحالة :
الف مبروك ، الخطوة دى هعملها على دخول الصيف ان شاء الله
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
تسلم ايديك يا باشا ع التقرير اخيرا شوفت تقرير في القسم هههههههه الف مبروك الريداتير الجديد
بص مش هضحك عليك لكن مكنش يفضل تركب نحاس طالما العربية نازلة بالومنيوم حتي لو الالومنيوم صيني و بالمناسبة الالومنيوم ممكن يتلحم كاستبن الفرق بين الريداتير الاصلي و الصيني طريقة توزيع المية و المواسير الداخلية للريداتير الأصلي أفضل طبعا بسبب التصميم بالاضافة للخامة فالتبريد بيكون أفضل
النحاس بيتم تركيبه عشان اللحام و صيانته اسهل و تأكل اقل عكس الالومنيوم صعب يتلحم و لو اتلحم هتبقي ماشي حاطط ايدك ع قلبك لكن للعلم الالومنيوم طارد للحرارة و بالتالي تبريده افضل و ده سبب هتلاقي كل العربيات الجديدة نازلة الومنيوم منها تبريد أفضل و اخف و ارخص
و في انتظار تجربتك و الصور :)
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
ألف مبروك على الرادياتير الجديد
هو الرادياتير النحاس اللى ركبته ده جديد ولا مستعمل أنا مافهمتش من الموضوع ؟
وعاوزين (وده مهم جدا) تعرفنا عن انطباعك بعد التجربة للرادياتير الجديد بعد وضع مياه موبيل بتفصيل شوية
مع الشكر وبالتوفيق
لما كلكم عاوزين تبقوا فتوات أمال مين إللى حينضرب
رقم العضوية : 63111
تاريخ التسجيل : 23Feb2010
المشاركات : 1,245
النوع : ذكر
الاقامة : -
السيارة: -
السيارة[2]: -
دراجة بخارية: -
الحالة :
بالنسبة للمقارنة ما بين الألومنيوم و النحاس
فاحب اقول ان استاذ اياد اللى معانا جرب موضوع الرادياتير النحاس و بيشكر فيه جدا عن تجربة فى الماروتى
الموضوع فى الرابط دا
http://www.nilemotors.net/Nile/32196...post3874668837
و دى
http://www.nilemotors.net/Nile/32196...post3874672493
و طبعا المقارنة اللى انا عملتها و جبتها من موقع اجنبى
http://www.nilemotors.net/Nile/32196...post3874672532
و دا اللى انا ناوى اعمله قريب فى عربيتى
بالنسبة ان العربيات الجديدة كلها الومنيوم فدا فى رأيى الشخصى ان تبعا للأتجاه العام فى خفض التكلفة فى المكونات فى تصنيع السيارات
رقم العضوية : 11738
تاريخ التسجيل : 28May2008
المشاركات : 547
النوع : ذكر
الاقامة : مصر
السيارة: فلوانس 2013
السيارة[2]: لانسر
الحالة :
تقرير ممتاز يا باشا والف مبروك علي الريداتير الجديد
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
اولا ازيك يا باشا محدش بيشوفك ليه , فيه مقابلة قريب ان شاء الله و احتمال ننزل ع التوفيقية كلنا كالمعتاد جي ؟
اما بخصوص المقارنة اللي حضرتك كاتبها شايف انها في صالح الالومنيوم مش النحاس :)
انا مجرب الاتنين في كذ عربية و احب اقولك الالومنيوم الاصلي أفضل من النحاس
احب اضيف ان الريداتير الالومنيوم الأصلي المواسير اللي فيه بتبقي رفيعة و بالتالي بتحقق تبريد اسرع النقطة هنا ملهاش علاقة بالنحاس او الالومنيوم لكن بتصميم الريداتير نفسه زي ما فيه الومنيوم صيني مواسيره واسعة و بالتالي التبريد غير جيد كذلك في النحاس سواء فصلته مخصوص و لا لأ و بتفرق كمان المواسير بتبقي كأنها مربعة او مدورة ديه نقطة تانية في التصميم و ده سبب هتلاقي ناس تشكر في الريداتير الالومنيوم اكتر من النحاس او العكس بدون ما ياخد باله من الريداتير اللي المفروض يستخدمه
و للعلم الريداتير الالومنيوم يمكن لحامه لكن بالمواد المناسبة و اللي تتحمل الحرارة العالية لكن بتاع الريداتير احيانا مش متوافر عنده المواد ديه او ممكن يستخدم مواد رخيصة او سيئة و بالتالي بعد فترة متتحملش الحرارة و يتخرم تاني و يلاقي الزبون في قفاه ههههههه
و طبعا الالومنيوم مقاومته للتأكل افضل من النحاس و طبعا اخف و ارخص يبقي انهي أفضل لما يتحقق فيه كل المميزات ديه :)
المفضلات