السلام عليكم ورحمه الله وبركاته
انا عايز افتح عيون الناس الي عمالة تسئل علي موضوع فيشه الاوكتان الي طلع ماهو الا وهم والله العظيم وهم مابعده وهم وهيا عباره عن انك لو عملت الفيشة علي 95 انك بتعطي كهرباء للعربية زيادة وانك لو شلتها فا كده انتا بتأجر الكهرباء نظام الاسبراتير والعربية الدايو معروفة انها اسبراتير الكتروني
المهم الي خالني اكتب الموضوع ده اني لما علت فيشه الاوكتان علي 95 زي ما الناس الي هنا بتقول لقيت العربية غول بنزين عملت 291 كيلو طريق مفتوح خدت فيه 30 لتر بنزين وطبعآ ده كده كتير جدآآآ علمآ اني عامل سرفيس كامل للعربية بفضل الله والديسك والاستوانة الحمد الله كويسن قولت نعرف السبب وحطيط العربية علي الكمبيوتر عن الميكانيي ودخل علي الاوكتان لقي الاوكتان 95 وسئلني انتا بتحط بنزين ايه قولت ليه 92 قالي رجع الفيشة زي ماهيا علي وضعها الاول وعملت كده وبصراحة سحب زي الفل والله
تاني حاجة لسه محسبتهاش حاسس ان استهلاك البنزين مظبوط جدآآآ من خلال الظر لمؤشر البنزين وانا ناوي لما تخلص التفويلة دي افول واحسب لكم برضة 290 كيلو هتعمل معايه كام لتر وانا واثق هتعمل اقل بكتير من الاول
تاني شيئ كدب في كدب الي يقولك انا غيرت فيشه الاوكتان ولقيت العربية بتوصل ل 100 في كام ثانية
هيا الدايو معروفة من الصفر الي 100 في 11.6 وعمرها ماهتكون اقل من كده لي ان الشركة جربتها بي بي كل الطرق الصحيحة في التجارب مش هنيجي احنا نفتي وفيشة علي رائي صحبي يعني العربية بتنزل بقاله كام سنه لغايه دلوقتي المهندسين ولاد التيت الي فيها مكتشفوش الفكرة دي وغيروها ليه
وكمان اكتر دليل خلاني اكتب الموضوع ده لقيت مقال مكتوب في نايل موتورز علي كيفية تقليل استهلاكك للبنزين

19- استخدم انسب بنزين لعربيتك

معروف ان لكل محرك نسبة انضغاط وبناء علي هذه النسبة يتحدد الرقم الأوكتيني للبنزين، فاستخدامك للبنزين ذو الرقم الأوكتيني المناسب يضمن لك تحقيق انسب قدر من استهلاك الوقود. فقد يكون استخدامك لبنزين ذو رقم اوكتيني اعلي (اغلي) اوفر لك من استخدام بنزين ذو رقم اوكتيني اقل (ارخص) والعبرة بعدد اللترات المستهلك مقابل عدد الكيلومترات المقطوعة.
انا شخصيا سيارتي نسبة انضغاط محركها 1:10.2 مما يعني استخدام بنزين 92 او اعلي ومكتوب علي غطاء تانك البنزين ينصح باستخدام بنزين 95 وعند تجربة هذين النوعين اكتشفت تقارب شديد في استهلاك السيارة حيث ان استخدام بنزين 95 جعلها تقتطع مسافة معينة بعدد اقل من لترات البنزين عند قطع نفس المسافة باستخدام بنزين 92 بعدد لترات اكثر.
ده لينك الموضوع
نصائح ممتازة لتخفيض استهلاك الوقود
نهاية موضوعي احب اقول لكل واحد سيب عربيتك علي وضعها لي انك مهما فعلت فاهيا 1500 سي سي تولد 86 حصان تاني شيئ احب انصح بيه النا مش اي كلمةتكتب هنا في التعديل تصدقها لا كان الخواجة عدلها هو ونزلة معدله مشكلتنا اننا بنفتي