الموضوع: احذرة فتي فيشة الاوكتان

المشاركة الأصلية كتبت بواسطة mmamdouh

انا جربت موضوع فيشة الاوكتين اللى قال علية عصام...

فى الاول خالص كانت العربية بضبطة المصنع يعنى 87 و بحط 92 و كان الاداء مش وحش و مشيت بالعربية 32125 كيلو استهلكت فيهم 3556 لتر بنزين بمعدل لتر لكل 7.85 كيلو

بعد كدة عرفت ان الاصح ضبط الفيشة حسب نوع البنزين اللى بستعملة و بالتالى فكيت الفيشة عشان تبقى على ضبطة 91 و اداء العربية اتحسن شوية و بقت استجابت دواسة البنزين احسن و مشيت بالضبطة دى 8545 كيلو استهلكت فيهم 1091 لتر بمعدل لتر لكل 7.85 كيلو يعنى تقريبا مفيش فرق فى الاستهلاك

بعد ما عصام عدل الفيشة و ركبها و قاللى على فرق الاداء جربتها بنفسى.... التعديل فعلا فرق كتير جدا فى استجابة الدواسة خصوصا لو انت مشغل التكييف... فرق الفيشة بيبان جدا فى الحالة دى... الظريف بقى انى مشيت على الضبطة دى 31015 كيلو استهلكت فيهم 3928 لتر بنزين بمعدل لتر لكل 7.90 كيلو يعنى معدل الاستهلاك اتحسن مع تحسن الاداء

مع احترامى الشديد كونك تقول ان الموضوع دة "كذب" فا دة فيه اهانة للراجل اللى عمل الموضوع دة من الاول بغض النظر عن اللى كتبة حقيقى ولا لا... الكلمة نفسها ميصحش نوصف بيها زميل فى المنتدى و راجل كل هدفة خدمة زملائة

النقطة التانية ان انت الوحيد اللى مش حاسس بفرق لا فى استهلاك ولا فى اداء مع ان كل اللى جربوا الموضوع دة قالوا عكس كلامك تماما... و اعتقد تجربتى العملية خير دليل على الكلام على الاقل فى جانب الاستهلاك لانى بسجل عندى كل حاجة بعملها فى العربية و عندى سجل من يوم ما اشتريت العربية سنة 2007 لحد النهاردة متقيد فيه كل مسمار اتغير و كل لتر بنزين اتحط فى التنك و كل كيلو قطعتة العربية فا معلش انا اقدر واحد يحكم على استهلاك البنزين و العوامل اللى بتاثر فيه

اما موضوع السحب فا اعتقد برضة انى اقدر احكم علية بسهولة لانى سوقت عربيات كتير اوى (لانوس) و اقدر بسهولة احس الفرق بين عربية فايقة و تسحب و عربية مكتومة... دا انا بكون قايم من على القهوة فى مقابلة القسم و سايق عربيات بتاعت زملاء للتجربة اكتر من حجرة المعسل اللى شربتها فى القعدة

يمكن انت عربيتك فيها مشكلة و الموضوع مفرقش معاك او انت مش قادر تميز فرق الاداء قبل و بعد التعديل انما التشكيك فى جدوى التعديل موضوع صعب لان مجربة ناس كتير قبل منك و كلهم اجمعوا انه بيفرق... اما قصة الكذب دى فا هى اللى ميصحش تتقال خالص

mmamdouh

استاذ محمد محمدوح انا بجد لم ولن اقصد اهانه الاستاذ عصام نهائي الراجل ليه ني كل حب واحترام
لكن انا الي اقصدة ان محستش بي فرق كبير اقدر اتنازل عن استهلاك البنزين
وانا قولت في موضوع عملت 291 كيلو استهلاكت فيه وهيا علي ظبط الفيشة 30 لتر بنزين
وانا لسه محسبتش دلوقتي البنزين علي عودة الفيشة لوضعها الطبيعي بس كل الي اقدر اقولة دلوقتي ان ايام ماكنت ظابط الفيشة علي 95 كنت بفول في الاسبوع مرتين لكن الا انا داخل علي اسبوعين لم افول
سؤال فني لو انا سايب الفيشة علي وضعها الطبيعي المفروض احط بنزين كام ؟؟ انا عارف 92 اعلي من العربية كتباه ؟
يعني كده المفروض السحب معايه زي الفل
لكن اظبط علي 95 يبقا لزم احط 95 او اعلي من 95

المشاركة الأصلية كتبت بواسطة tarek_2005

ياريت يا صاحب الموضوع تفسرلي الكاتلوج حط الدايرة دي ليه وايه وظيفتها

ولا ده وهم وكذب من الي صنع العربية وعملها كتالوج

هسئلك سؤال
ليه لما البنزين غالي عربيات بيجو وفولكس نزلة انهم ظبطة العربيه انها تستجيب لي البنزين 92 ؟
طيب ما كان من الاول يحط بنزين 92 وهايحس بي سحب العربية زي ماكان بيحط 95 صح ولا لأ
اولآ ظبط الاوكتان لزم تحط ليه البنزين الي مظبوط عليه علشان تحس بي الفرق لكن انا ظبط العربية علي 95 يعني معلي اعتبر كهرباء العربية وفي نفس الوقت بديها بنزين مش الي انا ظاط فيشة الاوكتان علية
ازاي بقا العربية هتتحسن
الفكرة هنا ان الفيشة لو هتحسن سحب العربية يبقا الخواجة من الاول معملهاش ليه
ثانيآ لو الفيشة هتحسن سحب العربية يبقا معملناش حاجة لي ان نسبة الاوكتان في الفيشة الاصل اكل من اوكتان 92 وانا بديها بنزين انظف قليل من الشوائب يعني العربية مظبوطة لكن انا افتح الفيشة علي 95 واحط اقل عاملة زي الفيشة الحالية وانتا بتحط للعربية بنزين 80
اتمني اكون قدرت اوصلك وجه نظري