احذرة فتي فيشة الاوكتان

**islamnasser10** · 26-02-2013 05:08 PM

المشاركة الأصلية كتبت بواسطة mmamdouh

تعديلة عصام هى ضبط فيشة الاوكتين اعلى من الاوكتين اللى بتحطة بدرجة واحدة... يعنى لو بتحط 92 تضبطها 95 و لو بتحط 90 تضبطها 92 و هكذا

دى كل اوضاع الفيشة... شوف عندك هى مضبوطة على كام

mmamdouh

طيب يااستاذ ممدوح اللي اعرفه من المنتدي ان البنزين عندنا في مصر ال 92 مثلا لو حللوة هيطلع 90
لو كدة يبقي المفروض اظبط فيشة الاوكتان علي 92 بما ان ال 92 في الحقيقه ممكن يكون 90
ولا ايه رأيك

**MMamdouh** · 26-02-2013 05:09 PM

المشاركة الأصلية كتبت بواسطة mahmoud_anwar

استاذ محمد محمدوح انا بجد لم ولن اقصد اهانه الاستاذ عصام نهائي الراجل ليه ني كل حب واحترام
لكن انا الي اقصدة ان محستش بي فرق كبير اقدر اتنازل عن استهلاك البنزين
وانا قولت في موضوع عملت 291 كيلو استهلاكت فيه وهيا علي ظبط الفيشة 30 لتر بنزين
وانا لسه محسبتش دلوقتي البنزين علي عودة الفيشة لوضعها الطبيعي بس كل الي اقدر اقولة دلوقتي ان ايام ماكنت ظابط الفيشة علي 95 كنت بفول في الاسبوع مرتين لكن الا انا داخل علي اسبوعين لم افول

معلش دى مش طريقة صح لحساب الاستهلاك... اى عطلة او زحام بياثر تاثير كبير جدا على الاستهلاك كمان ظروف الجو (حر او برد) بتفرق فى الاستهلاك

الطريقة الصح هى انك تفول و تطلع على طريق سريع و تعمل 100 كيلو بسرعة 90 على الخامس بدون شد او حرق او تكييف و تفول تانى و بعد كدة تقسم عدد الكيلوات اللى قطعتها على كمية البنزين اللى حطيتها فى التفويلة التانية يطلعلك معدل الاستهلاك الصحيح

اى حاجة تانية تبقى مش صح

سؤال فني لو انا سايب الفيشة علي وضعها الطبيعي المفروض احط بنزين كام ؟؟ انا عارف 92 اعلي من العربية كتباه ؟

الفيشة مضبوطة من المصنع على 87 اللى هى مقابلة لبنزين 90 عندنا فى مصر بالتالى المفروض تحط 90... انت كدة بتحط بنزين باوكتين اعلى و مش بتستفيد بيه فى حاجة لان العربية بتتعامل معاه على انة 90

يعني كده المفروض السحب معايه زي الفل

لا خالص انت كدة بتهدر فلوسك... انت بتحط 92 و العربية بتتعامل معاه على انة 90 او بمعنى اخر السحب قليل مقارنة بالاوكتين اللى بتحطة للعربية

طالما بتحط 92 يبقى اما تفك الفيشة خالص و هنا تبقى مضبط الفيشة على الاوكتين اللى بتستعملة... او تقلب الفيشة 95 فا تستفيد من سحب و استجابة افضل بدون ما تحط بنزين باوكتين اعلى من ال92 اللى بتستعملة حاليا (ويشكر على ذلك عصام غنايم اللى توصل الى التعديلة دى)

لكن اظبط علي 95 يبقا لزم احط 95 او اعلي من 95

لا خالص... ضبط الفيشة على 95 يسمحلك باستخدام 95 او 92 على حد سواء

MMamdouh

**mahmoud_anwar** · 27-02-2013 08:47 AM

المشاركة الأصلية كتبت بواسطة mmamdouh

معلش دى مش طريقة صح لحساب الاستهلاك... اى عطلة او زحام بياثر تاثير كبير جدا على الاستهلاك كمان ظروف الجو (حر او برد) بتفرق فى الاستهلاك

الطريقة الصح هى انك تفول و تطلع على طريق سريع و تعمل 100 كيلو بسرعة 90 على الخامس بدون شد او حرق او تكييف و تفول تانى و بعد كدة تقسم عدد الكيلوات اللى قطعتها على كمية البنزين اللى حطيتها فى التفويلة التانية يطلعلك معدل الاستهلاك الصحيح

اى حاجة تانية تبقى مش صح

الفيشة مضبوطة من المصنع على 87 اللى هى مقابلة لبنزين 90 عندنا فى مصر بالتالى المفروض تحط 90... انت كدة بتحط بنزين باوكتين اعلى و مش بتستفيد بيه فى حاجة لان العربية بتتعامل معاه على انة 90

لا خالص انت كدة بتهدر فلوسك... انت بتحط 92 و العربية بتتعامل معاه على انة 90 او بمعنى اخر السحب قليل مقارنة بالاوكتين اللى بتحطة للعربية

طالما بتحط 92 يبقى اما تفك الفيشة خالص و هنا تبقى مضبط الفيشة على الاوكتين اللى بتستعملة... او تقلب الفيشة 95 فا تستفيد من سحب و استجابة افضل بدون ما تحط بنزين باوكتين اعلى من ال92 اللى بتستعملة حاليا (ويشكر على ذلك عصام غنايم اللى توصل الى التعديلة دى)

لا خالص... ضبط الفيشة على 95 يسمحلك باستخدام 95 او 92 على حد سواء

mmamdouh

تمام انا ساكن في القاهرة الجديدة وعملي في المطار والطريق مفتوح معايه لدرجة انك تجيب 180 وانا عملت 291 كيلو طريق مفتوح خدت 30 لتر بنزين
انا لسه ان شاء الله هحسبها علي وضعها الحالي وهبقا ابلغكم الفرق قد ايه بس علي فكرة الفرق حتي الان محسوس فعلآ مش كلام والله انا حاسس ان سحب العربية لم يختلف كتير استهلاك بنزين شكلة مختلف عن فيشه 95 نهائي
بس انا اختلف مع حضرتك في اهدار البنزين
ممكن حضرتك تشرحلي الموقف
كان من فترة بعيدة معنا شاهين والمهم العربية كانت قربت تشطب بنزين دخلت حطيط 95 والعربية 1300 سي سي كربراتير الفرق حسيتة واحساس محسوس جدآآآآآآآآآآآ العربية تحس انها بقت تربو من دواسة البنزين السحب ناعم العربية طيارة علي الارض ايه السبب في اعتقادك مع العلم الشاهين كنت بفوله لخالي من بنزينة بتبيع 80 محدش بيقف فيها علشان كانت مشهورة ان بنزينها مليان مياة يعني الشاهين كانت بتمشي بي مياة يعني الكهرباء بتعتها كانت مظبوطة علي 80 ويمكن اقل لما خدت اوكتان اعلي حسيت انها 130 حصان هههههههههههههههههههههه
ايه السبب هل كده انا اهدرت ال95 ؟؟؟؟ والعربية كانت بتعامل ال95 علي انه 80 ؟
لوكلامك صحيح مكنش الي معاه لانسر ومسقط فيها ماتور الميفك لما بحيب يعمل سباق او شد وكده بيحط بنزين 95 علشان العربية تطلع البور هورس بتعها واسئل فيها ولما بيحط92 العربية بتمشي وجمدة برضة جدآآآ بس البورهورس عنده بيقل ايه السبب ؟؟؟

**tarek_2005** · 27-02-2013 10:40 AM

يا صاحب الموضوع هل لديك اي معلومات عن ما هو الاوكتين وكيف يختلف من محرك الي اخر

**MMamdouh** · 27-02-2013 10:45 AM

انت مدخل الدنيا فى بعضها على الاخر....

اولا فرق الاوكتين بين 80 و 90 و 92 و 95 هو قابلية البنزين للاشتعال نتيجة الضغط... كل ما رقم الاوكتين بيعلى كل ما القابلية دى بتقل لكن فى النهاية القدرة اللى هتطلع من لتر البنزين هى هى بغض النظر عن الاوكتين

ثانيا اللى بيحدد رقم الاوكتين اللى المفروض متقلش عنة هو نسبة انضغاط المحرك... كل ما نسبة الانضغاط تعلى كل ما لازم تستخدم بنزين باوكتين اعلى و الا العربية هتسقف طول الوقت

ثالثا سرعة اشتعال البنزين بتختلف حسب رقم الاوكتين... كل ما الرقم زاد كل ما البنزين احتاج وقت اطول عشان يتحرق

رابعا الشاهين غير اللانوس غير اللانسر... الشاهين مش انجكشن و التوقيت بتاع الاشعال بيتضبط فيها يدوى و اللانوس انجكشن و التوقيت بيتحدد حسب ضبطة الفيشة و اللانسر فيها حساس تسقيف و من خلالة الكونترول بيعدل توقيت الشرارة

معنى كدة ان لما بنستعمل بنزين باوكتين عالى لازم تبقى الشرارة بتحصل بدرى عشان يبقى فيه وقت كافى للبنزين انة يتحرق بالكامل لو معملتش كدة يبقى انت بتهدر ميزة استخدام بنزين باوكتين عالى

بالتالى اللانسر اللى بيتحط فيها 95 بتعدل توقيت الاشعال بتاعها اوتوماتك من خلال قراية حساس التسقيف... اما اللانوس لازم تعدل فيشة الاوكتين لان التوقيت مش هيتغير لوحدة... اما الشاهين اللى بيتحط فيها 80 انت قولت ان المحطة بتحط مية فا لما حطيت 95 العربية فاقت... عشان تحس بفرق ال95 فعلا كان لازم تقدم توقيت الشرارة

MMamdouh

**dr.hazem** · 27-02-2013 11:02 AM

المشاركة الأصلية كتبت بواسطة MMamdouh

انت مدخل الدنيا فى بعضها على الاخر....

اولا فرق الاوكتين بين 80 و 90 و 92 و 95 هو قابلية البنزين للاشتعال نتيجة الضغط... كل ما رقم الاوكتين بيعلى كل ما القابلية دى بتقل لكن فى النهاية القدرة اللى هتطلع من لتر البنزين هى هى بغض النظر عن الاوكتين

ثانيا اللى بيحدد رقم الاوكتين اللى المفروض متقلش عنة هو نسبة انضغاط المحرك... كل ما نسبة الانضغاط تعلى كل ما لازم تستخدم بنزين باوكتين اعلى و الا العربية هتسقف طول الوقت

ثالثا سرعة اشتعال البنزين بتختلف حسب رقم الاوكتين... كل ما الرقم زاد كل ما البنزين احتاج وقت اطول عشان يتحرق

رابعا الشاهين غير اللانوس غير اللانسر... الشاهين مش انجكشن و التوقيت بتاع الاشعال بيتضبط فيها يدوى و اللانوس انجكشن و التوقيت بيتحدد حسب ضبطة الفيشة و اللانسر فيها حساس تسقيف و من خلالة الكونترول بيعدل توقيت الشرارة

معنى كدة ان لما بنستعمل بنزين باوكتين عالى لازم تبقى الشرارة بتحصل بدرى عشان يبقى فيه وقت كافى للبنزين انة يتحرق بالكامل لو معملتش كدة يبقى انت بتهدر ميزة استخدام بنزين باوكتين عالى

بالتالى اللانسر اللى بيتحط فيها 95 بتعدل توقيت الاشعال بتاعها اوتوماتك من خلال قراية حساس التسقيف... اما اللانوس لازم تعدل فيشة الاوكتين لان التوقيت مش هيتغير لوحدة... اما الشاهين اللى بيتحط فيها 80 انت قولت ان المحطة بتحط مية فا لما حطيت 95 العربية فاقت... عشان تحس بفرق ال95 فعلا كان لازم تقدم توقيت الشرارة

MMamdouh

رد يدرس يا بشمهندس ربنا يباركلك عالشرح السهل الممتنع ده....
تحياتي

Sent from my SE Arc S using Forum Runner

**lanos2004** · 27-02-2013 12:36 PM

من خلال تجاربى
شيل الفيشه خالص هوة افضل اختياروعن تجارب مستميته
بس انا مش بفكر فى الاستهلاك انا بفكر فى السحب والتوب سبيد

-

-

الموضوع: احذرة فتي فيشة الاوكتان

LinkBack

أدوات الموضوع

عرض

-

-

-

-

-

المواضيع المتشابهه

فيشة الاوكتان

فيشة الاوكتان

فيشة الاوكتان

فيشة الاوكتان هام جدا جدا جدا

فيشة الاوكتان

الكلمات الدلالية لهذا الموضوع

المفضلات

المفضلات

ضوابط المشاركة