الموضوع: كفايه نصب يابشر !!!

المشاركة الأصلية كتبت بواسطة ghostmido

انا هكلمك فى نقطة الحلال والحرام.
صدقنى دار الافتاء من تجربة شخصية اغلب فتواها مسيسة والله اعلم....
انا كنت شغال فى مهنة وكنت متاكد انها حرام بس كنت بعاند ورحت دار الافتاء وقالولى حلال.
المهم انا عايزك تستفتى قلبك انت بينك وبين نفسك.
و تسال نفسك لو كان الرسول صلى الله عليه وسلم موجود فى هذا الزمن هل كان ممكن يعمل فى المهنة دى؟؟؟؟؟؟
او بطريقة اخرى هل سيتباهى الرسول صلى الله عليه وسلم بمسلم مهنته مشاهدة الاعلانات؟؟؟؟؟؟
ماذا تقدم هذه المهنة للمجتمع؟؟؟؟؟؟؟؟
ماذا يستفاد منها من يعمل بها؟؟؟؟؟
صدقنى مجتمعنا مش مستحمل هذه الافكار التى لا تنتج...
نصيحتى الشخصية لييك لو حضرتك مش محتاج فلوسها جاول تخرج منها.....
تقبل تحياتى.

بص يا باشا انا دلوقتي ك احمد كنت شايف انها حلال ومافيش فيها حرمانية في حاجة

لسببين

بالنسبة لنقطة الاعلانات فانا بتفرج على الاعلانات مقابل كدة باخد فلوس والشركات المعلنة عارفة الكلام ده وعارفة انك بتاخد فلوس مقابل مشاهدتك للاعلان

تاني سبب بالنسبة للتسويق الشبكي !! دلوقتي انا لما حد بيشترك من خلالي

انا اللى بكون مسؤل اني افهمه الموقع واعرفه الدنيا ماشية ازاي ويتفرج على الاعلانات ازاي وكمان انا اللى بكون مسؤل اني اقبضه فلوسه

فاكيد مقابل ده لما الشركة تديني مبلغ 32 دولار مقابل الشخص ده يبقى ده من حقي نتيجة المجهود اللى بذلته معاه حتى ولو كان بسيط

المشاركة الأصلية كتبت بواسطة abdulkhaleq

طبعا واضح ان حضرتك اشتركت :)
عموما انا اعرف 2 دخلوها وكده انا رديت على اول نقطه :) :)

بالنسبه للي بيسافر من طنطا لدمنهور ده بيعمل ايه ؟؟؟
بيسوق ايه ؟؟؟
بيبيع ايه ؟؟
بيقدم خدمة ايه؟؟؟
ولا حاجه
هو بيسافر دلوقتي عشان يقعد بعدين منغير شغل والفلوس تجيله

لا هو مش بيقعد من غير شغل هو معتبر ان دي شغلته !!

انا كواحد شغلتي الاساسية medical rep !! كل اللى بعمله اني بزور الدكاترة في العيادات بتاعتهم عشان اروج لمنتج معين !! اعتقد الفكرة متشابه لحد كبير

طيب ما انا ممكن اسافر اكتر من كده
وابيع خمره
هل التعب ده هيبقى كويس ؟؟؟

اما بالنسبه للحرمانيه
فدار الافتاء افتت بحرمة التسويق الشبكي لشبهات كتير وكمان عشان بتخرج العمله الصعبه لخارج البلد لجهه مجهوله ولما عملوا كده راحوا ناس مشتركين فيها حاصرو علي جمعه لدرجة انه ساب عربيته وروح وممكن تتأكد من الخبر بنفسك

لو حضرتك حابب اجبلك الفتوى ماعنديش مشكلة وبعدين احنا كلامنا على شركة localad مالناش دعوة باي شركة تانية

اما بالنسبة لموضوع الاعلان اللي مش ب 50 دولار لأ ب 10 بس
اقوللك
تعالى اكلمك انه ب 5 قشطه ؟؟؟ برضه رقم خزعبلي !!!
ويعني ايه مالكش دعوه الفلوس جايه منين ؟؟؟ هو مش المفروض برضه تتحرى مصدر دخلك ؟؟ غسيل اموال ده يعني ولا ايه ؟؟ !!!!

الاعلان اللي حضرتك بتتكلم عنه في التلفزيون مهما كان عمره ماهيوصل لنفس تكلفة 10 دولار للفرد للاعلان الواحد ابدااااااا واسأل بتوع الدعايه والاعلان !!

الاعلانات على فكرة بتكلف اكتر بكتيير اوي من اللى انت متخيله وياريت انت اللى ترجع وتسال وتشوف اسعار الاعلانات عاملة ازاي

وياريت تقوللي غيروا الدومين ليه ؟

الدومين اتغير من local - اختصار لمحلي - الى global عالمي ده لما الشركة اتوسعت وبقى نشاطها في كذا بلد

و ad زي ماهي اختصار الاعلانات

وتم اضافة mart اختصار ل market

بس عشان الاختصار انا هقوللك من الاخر

ربح وفلوس يعني يا اما بتبيع منتج يابتقدم خدمه
انما ايه ادفع 500 دولار واتفرج على اعلانات دي ؟؟ بانهي منطق ؟ مكانش حد غلب
خلاص كل الشركات تقفل ونسوق شبكيا للقضاء على المشكله الاقتصاديه

ممكن تقوللي فين الشركه دي ؟؟ ولا برضه همك انك يجيلك فلوسك بس ؟؟
فين موقعها ؟؟؟ فين المبنى ؟ فين الموظفين ؟؟ فين الخدمه ؟؟؟ ولما هما عايزين حد يشوف اعلانات ليه بيخلوه يدفع فلوس ؟؟؟
ولا انت هتدفع 500 دولار وتفضل تاخد 200 دولار في الشهر مدى الحياه ؟؟ !!!!

برضوا حضرتك شغلت نفسك بتفاصيل انا ماليش علاقة بيها

الشركة مش مصرية ومقرها خارج مصر فين بقى وفين الموظفين والكلام ده اعتقد دي تفاصيل مش هتفيد في حاجة

ما الريان كان ليه شركة وموظفين وفروع وهوووب مرة واحدة !! ؟ فص ملح وداب

المشاركة الأصلية كتبت بواسطة a7med_pharma

انا مش متخيل حاجة
اعلان ايه الي يندفع لمجرد مشاهدته 10دولار
يعني لو 10.000مصري(في مصر بس)شاف الاعلان كل يوم
يعني 100.000دولار=700.000ج هيندفعو يوميا
كل يوم
كل يوم
لمد الحياه
للترويج عن سلعة

؟


55555555555555555

سلعة ايه دي الي بتجيب تريليونات.علشان تعمل دعايا بالمبالغ دي




.
الموضوع ده اتعمل من13سنة تقريبا..أوائل الالفينات
بس كان على شكل انك تبيع سلعة ماتسواش 5ج بـــ 500ج مثلا
وان مكسبك في الشجره الي انت بتعملها تحتيك
ومع الوقت
الفكرة لازم كانت هتتطور..فعملو قصة عداد المشادهات دي,لمجرد انها تكون غطاء وهمي للعملية

مش مدى الحياة يا جماعة !! ؟

الاكونت اشتراكه سنة واحدة فقط وبعد انتهاء السنة يا اما تجدد اشتراكك يا اما حسابك بيتوقف

وبعدين انت مش بتتفرج على اعلانات بمزاجك كدة !! ؟ انت متاح ليك 5 اعلانات اسبوعيا فقط

المشاركة الأصلية كتبت بواسطة muhamednabil

عندى سؤال, هل حضرتك قدرت تحصل على الفلوس البتنزلك ولا لحد دلوقتى الفلوس لسه فى البلانس فى الاكونت بتعاك.
بمعن هل فيه حد فعلا قدر يمسك فلوس فى ايده و لسه كله فلوسه فى حسابه اونلاين و لم يتم صرفها عن طريق بنك او شيك.
يريت لو حد حيقول ايوه قدرت احصل على اى مبلغ يكون هو نفسه ميكونش عن سمع.





النقطة التانية فى حتت الحرمانية فيها تفصيل
مبدئيا سهولة و صعوبة تحصيل المال ليست مقياس للحرمانية
يعنى واحد بيأجر شقة الايجار بيجيله لحد باب بيته كل شهر او فى حسابه بدون عناء, مفيش حد يقدر يقول ان تحصيله غير شرعى.

اما بقى الحجات الغير شرعية بتكون من حجتيين

غير شرعية لذاتها زى بيع الخمر , الربا و السرقة مثلا

حجات تانية غير شرعية مش لذاتها و لاكن لامور و اضرار بتترتب عليها.

فلا يجب الخلط بين الامور عشان ميبقاش تضليل للناس عن غير قصد

ايوة يا باشا مسكت الفلوس في ايدي وقبضت كل الناس اللى اشتركت في الشركة من خلالي ومافيش ولا واحد من اللى اشتركو معايا في شبكتي نزله قرش الا وبياخده في معاده ووقت مايطلبه

المشاركة الأصلية كتبت بواسطة hussein

ياريت الاخ اللي بيقول انه بيكسب منها يسكان ايصال التحويل او اي شيء تدل علي انه استلم فلوس واحنا كلنا هنشترك معااك
ياتري فيه ؟؟؟؟

مافيش ايصالات تحويل لان استلام الفلوس بيبقى متداول مش من خلال التحويلات البنكية