زيت الموتور

**felash** · 23-02-2013 02:45 PM

انا كنت عاوز اعرف ازاي اقيس زست الموتور
2- امبارح شغلت العربية وهي بتسخن فتحت الغطا الاصفر اللي بنزود منه الزيت لقيت في عمود تحت الغطا انا معرفش اسمه وبيلف فالواد السايس قلي دي تبقى ناقصة زيت
3- كنت عاوز اعرف هو انا لما اجي اغير الزيت هل مع الاستعمال يقل ولا لازم يكون ثابت .
4- هي امتى لمبه الزيت تنور ؟
5 - هو تغيير نوع الزيت غلط على الموتور ( يعني من موبيل لشل ) ... وكنت عاوز اعرف هل حد جرب Valvoline

**mifs** · 23-02-2013 02:57 PM

مبدئيا سيبك من كلام الواد السايس
العمود اللي بيلف ده عمود الكامة
اقفل الغطا اللي انت فتحته لان مالوش علاقة بقياس الزيت
طبعا لما تحط زيت جديد بيقل منه شوية بسيطة قوي على حسب المسافة المقطوعة وعلى حسب حالة الموتور
علشان تقيس الزيت لازم يكون الموتور مبطل
وتقف في وش العربية هتلاقي تقريبا في نص العربية واقصى شمال الموتور سيخ معدن ملفوف زي حلقة من فوق لونه اصفر اسحبه هيديك القراية الموجودة حسب منسوب الزيت

**Amrgamal1** · 23-02-2013 04:43 PM

يا سلام , هو لما عامود الكامه يلف تبقي العربيه ناقصه زيت
ولا هو قاصدة انه عشان باين ومش متغطي بالزيت تبقي ناقصه زيت
الزيت اصلا بيبقي تحت خالص في البلوك :)
ماتسمعش كلام حد

**felash** · 23-02-2013 05:58 PM

المشاركة الأصلية كتبت بواسطة amrgamal1

يا سلام , هو لما عامود الكامه يلف تبقي العربيه ناقصه زيت
ولا هو قاصدة انه عشان باين ومش متغطي بالزيت تبقي ناقصه زيت
الزيت اصلا بيبقي تحت خالص في البلوك :)
ماتسمعش كلام حد

يا باشا هو علشان مش متغطي بالزيت فهو قال كده
هل الكلام ده صح ولا غلط ؟؟

**AlGazar2** · 23-02-2013 06:18 PM

ما تاخدش كلام من السايس ده تانى ابدا
العربيه من فوق مبتبقاش غرقانه زيت ولا حاجة الزيت تحت فى الكارتيره و بيطلع من فوق يزيت و ينزل تانى يعدى على الفلتر و يطلع يزيت و هكذا الى بيبقى غرقان فى الزيت طرمبه الزيت و جزء من عمود الكرنك و بس على كده

مقاس الزيت اقف قدام العربيه هتلاقى على ايدك اليمين مقاس الزيت لونه اصفر و فيه حلقه فى الاخر مكتوب عليها eng oil و بيتقاس منها

لمبه الزيت بتنور لما الطرمبه بتبقى بايظه مفيش ضغط زيت منها يعنى او الزيت قليل جدا فى الماتور

مينفعش تغير من زيت لزيت على طول عود العربيه على زيت و امشى بيه لو عايز تغير يبقى تسيب الزيت يتصفى للاخر و تغير الفلتر و نصيحه بلاش موبيل فى مواتير gm هيعلى صوتها و هو زيت وحش اساسا حط شل بانواعه

انا جربت فالفولين فى الدايو - هدى صوت الموتور بس بينقص بطريقه كبيره جدا مع الشد و الحرق مكملش 3800 كيلو و بقى صوت الموتور مكروباص من الصبابات و غيرته و حطيت فيسكو كتجربه و شغال حلو الحمد لله

و لما تغير زيت مع الاستعمال بيقل بنسبه بسيطه فى حاله الموتور السليم - كبخر زيت - كل ما زاد البخر يعنى الموتور حالته وحشه او الزيت بخره عالى و مينفعش فى الموتور بتاعك

**amr elsisi** · 23-02-2013 09:01 PM

المشاركة الأصلية كتبت بواسطة AlGazar2

ما تاخدش كلام من السايس ده تانى ابدا
العربيه من فوق مبتبقاش غرقانه زيت ولا حاجة الزيت تحت فى الكارتيره و بيطلع من فوق يزيت و ينزل تانى يعدى على الفلتر و يطلع يزيت و هكذا الى بيبقى غرقان فى الزيت طرمبه الزيت و جزء من عمود الكرنك و بس على كده

مقاس الزيت اقف قدام العربيه هتلاقى على ايدك اليمين مقاس الزيت لونه اصفر و فيه حلقه فى الاخر مكتوب عليها eng oil و بيتقاس منها

لمبه الزيت بتنور لما الطرمبه بتبقى بايظه مفيش ضغط زيت منها يعنى او الزيت قليل جدا فى الماتور

مينفعش تغير من زيت لزيت على طول عود العربيه على زيت و امشى بيه لو عايز تغير يبقى تسيب الزيت يتصفى للاخر و تغير الفلتر و نصيحه بلاش موبيل فى مواتير gm هيعلى صوتها و هو زيت وحش اساسا حط شل بانواعه

انا جربت فالفولين فى الدايو - هدى صوت الموتور بس بينقص بطريقه كبيره جدا مع الشد و الحرق مكملش 3800 كيلو و بقى صوت الموتور مكروباص من الصبابات و غيرته و حطيت فيسكو كتجربه و شغال حلو الحمد لله

و لما تغير زيت مع الاستعمال بيقل بنسبه بسيطه فى حاله الموتور السليم - كبخر زيت - كل ما زاد البخر يعنى الموتور حالته وحشه او الزيت بخره عالى و مينفعش فى الموتور بتاعك

تسلم...............