حابب اخد رأي خبراء ال4x4 في امر مهم

**dr_k** · 24-02-2013 01:54 AM

السلام عليكم
اولا بداية الموضوع ان انا معايا سيراتو 2010 وحابب اجيب عربة دفع رباعى او بمعنى اصح suv لاني مش بتاع اوف رود
طبعا كان فى دماغي الليبرتى 2004 او 2005 بس جه موضوع البنزين قضى على الموضوع ده وفكرت بعدها فى الرينو داستر هي عربية ممتازة بس مش منتشرة ومقلق من قطع غيارها
بس انا كنت خلاص قررت اشتري الداستر بس حاسس انى مش مقتنع 100 فى ال 100
لحد ما اتكلمت مع واحد صاحبي بيفهم فى العربيات وبصراحة نصحني قبل كدة نصيحة وسمعت كلامة و فعلا كانت فى محلها
نصحنى المرة دي بتحويل العربية للغاز الطبيعي
انا فكرت فى الموضوع ان اشتري ليبرتى واحولها لغاز ولما قريت عن الغاز سمعت انه بيأثر ع العربية بيكتمها شوية وبيقلل سرعتها بس انا لما فكرت لقيت ان الليبرتى 3700 سي سي وفيه من الليبرتى 2400 يعنى اكيد الغاز مش هيوصلها همره لقوة ال 2400 وبعدين لو حبيت استعرض ابقى احول لبنزين (بضغطة زرار )
الحاجة التانية بيقلل العمر الافتراضي وده اللى عرفته ان سببه الاستهلاك الكتير زي التاكسيات وكدة وانا اصلا اللي بيعمله تاكسي فى شهر بعمله انا فى سنتين او سنة ونص بالكتير غير اني مش هقعد العربية معايا اكتر من 3 سنين
حابب استفسر عن شوية حاجات :
1-ايه جدوى تحويل العربية للغاز وهل ينفع للليبرتي
2-ايه اخبار قطع الغيار للعربية اسعارها وتوفرها

**M!NA** · 24-02-2013 10:30 AM

المشاركة الأصلية كتبت بواسطة dr_k

السلام عليكم
اولا بداية الموضوع ان انا معايا سيراتو 2010 وحابب اجيب عربة دفع رباعى او بمعنى اصح suv لاني مش بتاع اوف رود
طبعا كان فى دماغي الليبرتى 2004 او 2005 بس جه موضوع البنزين قضى على الموضوع ده وفكرت بعدها فى الرينو داستر هي عربية ممتازة بس مش منتشرة ومقلق من قطع غيارها
بس انا كنت خلاص قررت اشتري الداستر بس حاسس انى مش مقتنع 100 فى ال 100
لحد ما اتكلمت مع واحد صاحبي بيفهم فى العربيات وبصراحة نصحني قبل كدة نصيحة وسمعت كلامة و فعلا كانت فى محلها
نصحنى المرة دي بتحويل العربية للغاز الطبيعي
انا فكرت فى الموضوع ان اشتري ليبرتى واحولها لغاز ولما قريت عن الغاز سمعت انه بيأثر ع العربية بيكتمها شوية وبيقلل سرعتها بس انا لما فكرت لقيت ان الليبرتى 3700 سي سي وفيه من الليبرتى 2400 يعنى اكيد الغاز مش هيوصلها همره لقوة ال 2400 وبعدين لو حبيت استعرض ابقى احول لبنزين (بضغطة زرار )
الحاجة التانية بيقلل العمر الافتراضي وده اللى عرفته ان سببه الاستهلاك الكتير زي التاكسيات وكدة وانا اصلا اللي بيعمله تاكسي فى شهر بعمله انا فى سنتين او سنة ونص بالكتير غير اني مش هقعد العربية معايا اكتر من 3 سنين
حابب استفسر عن شوية حاجات :
1-ايه جدوى تحويل العربية للغاز وهل ينفع للليبرتي
2-ايه اخبار قطع الغيار للعربية اسعارها وتوفرها

مبدئيا كدا....

الليبرتي من أسوأ ما أنتجت جيب....

لا ثبات ولا اعتمادية....

و قطع غيار غالية

ال2400 سي سي كلها مانيوال... مفيش منها أوتوماتيك خالص....

متنساش أن الضريبة للعربية اللي فوق 2030 سي سي بتكون ... 1150 جنيه... غير التأمين الإجباري و النماذج اللي بتشتريها... بتلاقي نفسك مقفل 1500 جنيه في السنة الواحدة...

الداستر مش وحشة....ناس كتير بتشكر فيها...و طالما مش هتقعدها معاك أكتر من 3 سنين...فتأكد أنك لو اشتريتها زيرو هتاخد خيرها.... وصياناتك هتتعمل في التوكيل و كل قطع غيارك في الفترة الأولى تبع الضمان... يعني مفيش مشكلة خالص هتواجهك......
ده غير أنها 1600 سي سي... يعني ضريبتها زي أي عربية عادية ....

فكر كويس في كل النقط السابقة و بالتوفيق...

**dr_k** · 24-02-2013 12:32 PM

نسيت اقولك اللي مخليني اعيد تفكير فى الداستر موضوع الاوتوماتيك لان مافيهاش اوتوماتيك وكمان انا مش ناوي اشتري زيرو خالص انا ناوي اشتري كسر زيرو

**M!NA** · 24-02-2013 05:41 PM

المشاركة الأصلية كتبت بواسطة dr_k

استاذ مينا ده شرف ليا اني استفيد من سيادتك
انا حابب بصراحة اتناقش معاك فى الموضوع خصوصا ان خبرتك فى الدفع الرباعي كبيرة
طيب لو افترضنا ان الداستر مش فى الحسبة هل تنصح بعربية دفع رباعى سي سي كبير مع تحويل لغاز؟ مع العلم انا متوسط استهلاكي فى السنة 15 الف كيلو
وايه بديل الليبرتي فى الاعتمادية وقطع الغيار (الشيروكي مثلا مو 2000 او 2001 ؟ )

المشاركة الأصلية كتبت بواسطة dr_k

نسيت اقولك اللي مخليني اعيد تفكير فى الداستر موضوع الاوتوماتيك لان مافيهاش اوتوماتيك وكمان انا مش ناوي اشتري زيرو خالص انا ناوي اشتري كسر زيرو

الشرف ليا بالتعرف بحضرتك :)

ما دام الاستهلاك مش كبير و في حدود ال1200 كم في الشهر كدا... يبقا أيا كانت اللي هتجيبها خليها بنزين زي ما هي أحسن... عشان متعدمش مساحة الشنطة في تنك الغاز...

و ما دام السي سي العالي مش فارق من ناحية الضريبة....

يبقا ممكن تفكر في الشيروكي من اول 99 لحد 2001
اهم حاجة الحالة تكون كويسة....

ممكن لو عايز راحة و رفاهية... جراند شيروكي.... موديل 98-2000 كدا... في الحدود ديه.... و برضو الحالة أولا....

ممكن فرونتيرا....و ديه مع ناس كتيرة جدا و بيشكروا فيها....

لو عايز حاجة ياباني ممكن تفكر في الفيتارا....

**M!NA** · 24-02-2013 07:00 PM

المشاركة الأصلية كتبت بواسطة dr_k

طيب بالنسبة لليبرتي انا سمعت ان الموديلات اللى كلن فيها مشكلة الثبات هى 2002 و 2003 والمشكلة اتحلت بعد كدة فهل فيه عيوب تانية وبخصوص قطع الغيار فى الحرفيين (الاستيراد يعنى ) مش تبقى سعرها كويس؟
وايه اخيار الموديلات 2006 و 2007 والشكل الجديد منها هل فيه نفس العيوب
بصراحة الليبرتى حتى الان عجباني كشكل ولسة الشكل ليه هيبته

بس برضه انا مش بجري ورى الشكل بالمقام الاول
وهل تعتقد اسعارها هتنزل لما البنزين يبقى بكوبونات؟
معلش هبقى مقرف شوية فى الاسئلة بس انا بحب لما اجي اشتري عربية ابقى عارف كل مسمار فيها قبل ما اشتري وماليش غير المنتدي الغالي عليا ده واعضاءه المحترمين والفاهمين زي سعادتك

اشكرك ده من ذوقك :)

الليبرتي بالذات قطع غيارها مبالغ فيها.... لأنها حديثة....
و حتى السعر في الاستيراد مش رخيص.... لا قدر الله...اللي بيعمل بيها حادثة بيبعها و مبيفكرش يجدد أو يصلح...لأن ده هيكلف ثروة.....

و احب أؤكد لك أن موضوع الثبات متحلش.... و بتتقلب بمنتهى السهولة
و انا شفت ده بعيني في عربية 2006 اتقلبت قدامي و كانت موديل السنة....و لسبب تافه جدا...!

**M!NA** · 24-02-2013 07:23 PM

المشاركة الأصلية كتبت بواسطة dr_k

تسلم يا يا باشا على النصيحة الغالية
معلش اخر استفسار
ايه رأيك فى النيسان اكس تريل؟

ظريفة... كعربية كويسة مش وحشة....

بس مش بالإنتشار الكافي اللي يخلي حاجتها تكون متاحة و متوفرة....

و طبعا اوعا تحصر نفسك في التوكيل

و إعادة بيعها مش أد كدا...بتخسر كتير