عن الحب و الهوي اتحدث

**شريف** · 25-02-2013 04:22 PM

السلام عليكم

لو الواحد بيحب بنت و لما جاء وجد الجد مع اهلها ظهرت امها بشخصية براوية و قليلة الزوق جدا و المهم بعد ما الموضوع انتهي و بدات صفحة جديدة و خطبت مقدرتش اكمل الخطوبة لاسباب كثيرة بس فضلت البنت دي متعلقة في بالي
السؤال بقي اختار مما يلي فيما لا يزيد عن اجابة واحدة

1-فكك منها و من امها ال............( اللهم اني صايم)
2-حاول ترجع و تقنع امك انك مش هتقدر تعيش من غيرها (بس انا امي حالفة لا تخش بينهم تاني)
3-اخترع اي اجابة تراها مناسبة

نراكم بعد الفاصل

**mohamed_selim** · 25-02-2013 04:25 PM

بسم الله الرحمن الرحيم .. الاجابه نمره 1

**Sherif Khalifa** · 25-02-2013 04:28 PM

1
بعد العشرة البنت هتكون واخدة من امها ما لم يعجبك
فهتكرها هيا و امها
و اسف على الاطالة بس الجواز بيكون package على بعضها البنت + الاهل لانك صعب تفصل البنت عن اهلها و طبعهم

**truss** · 25-02-2013 04:37 PM

بسم الله الرحمن الرحيم, الاجابة رقم 1
و صدقنى اى بنت مهما بانت رقيقة بص على امها, لانها بعد كام سنة هتكون نسخة منها
و بالنسبة لتعلقك بالبنت عادى, مع الوقت هتقابل تانى و هتنساها
و على فكرة انا لا متجوز ولا خاطب و لا ناوى

**friendship7897** · 25-02-2013 04:42 PM

الإجابة رقم (1)
هي الدنيا ناقصة إنك تبدأ بمشاكل مع أهلها وأهلك
والعنوان الصحيح لموضوعك (عن الإرتباط والخلع أتحدث )

**dolly13** · 25-02-2013 04:47 PM

استاذى الفاضل
هل كل المشكلة ان مامتها قليلة الذوق على حد قولك ام هناك مشاكل اخرى ؟
هل حضرتك انهيت الارتباط بالفعل ام فى فترة تفكير ؟
ممكن نعرف سن خطيبتك لو مش هايضايقك ولماذا صعدت والدتك الموضوع لدرجة تهديدك بعدم دخول بيتك ؟
انا باعتذر انى بسال لكن ان اى حد يديك راى فى موضوع زى ده لمجرد ان الام قليلة الذوق يبقى اكيد الراى مش هايكون موضوعى
تقبل مرورى

**a_nbm** · 25-02-2013 04:53 PM

1-فكك منها و من امها ال............( اللهم اني صايم)

تخيروا لنطفكم .... فأن العرق دساس

اللي في الام هتلاقي منه اكيد في البنت (ولو نسبه بسيطه عشان منظلمش البنت برضه بس هتلاقي)

**Mostafa.Mahran** · 25-02-2013 04:58 PM

الاجابة الاولى طبعا و كفاية ان والدتك هتبقى مش راضية عن الموضوع

**mr_vampire** · 25-02-2013 04:58 PM

- من الاخر كدة .. لو متمسك بالبنت وعايزها وشاريها بجد يبقي حط عندهم جندي مجند من عندك ... من الاخر كدة ثبــــــــــــــــت البنت هتسهلك كـــــــــــــــل حاجة. وهتتفاجيء بحماتك بتاخدك بالحضن وتقولك ياعريـــــــــــــــــس بنتي ياضينايــــــــــــا ( وهي بتجز علي سنانها بس عادي بقي وخلاص ) ههههههههههههه

بالتوفيق ياباشا.

**amrelsaqqa** · 25-02-2013 06:46 PM

كله هيقولك 1
بس الكلام سهل واللى ايده في المية مش زي اللى ايده في النار

الحل في الدعاء والاستخارة اكتر من مرة
ادعى ربنا ييسرلك امورك ولو الخير انك تكمل معاها ييسرلك الحال والموضوع يمشى ولو لا يعوضك بالافضل منها و يشيلها تماما من تفكيرك بدون ما تحط لزقة على قلبك ههههههههه

ربنا معاك انا اصلا في موقف مشابه الى حد ما وعارف انت حاسس بإيه
ربنا يصلح احوالنا جميعا

الموضوع: عن الحب و الهوي اتحدث

LinkBack

أدوات الموضوع

عرض

-

-

-

-

-

-

المواضيع المتشابهه

عن الأونو اتحدث

الحب الحب .. فزاع وبيظوووو

عن مهندس ال fm اتحدث

الحب عطاء (حتي نتذكر ما هو الحب)

الكلمات الدلالية لهذا الموضوع

المفضلات

المفضلات

ضوابط المشاركة