الموضوع: القرص على الموتور و القرص على الغيارات !!!!

لو اللى قال لحضرتك انها محتاجه عمره دة ميكانيكى انصحك تكشف على العربيه عند حد تانى او لو كشفت فى التوكيل شوف فرع تانى الاول قبل ما تقرر تعمل اى حاجه فى العربيه و دة علشان تتلافى وجود اى خطأ فى التشخيص سواء متعمد او عن جهل لان الموضوع ظاهريا صعب انه يحصل فى مده قليله كده مع اخذ عداد الكيلومتر فى الاعتبار و لذلك مش عايزين نسبق الأحداث و اكشف على العربيه فى مكان تانى و قول للى هيفحصها الاعراض و اسمع رأيه فى المشكله و العلاج و قارن بالكلام اللى اتقال قبل كده و بعد كده خد القرار

اولا شكرا على الردود
انا عملت العربيه و هي فعلا كانت عمره عشان كان في دخنه بيضه و كان الزيت بيتاكل كله لدرجة ان انا غيرت الزيت و خلال اسبوع مشيت الف كيلو سمعت صوت الكوستبنات بقيس الزيت ملقتش نقطه فا الميكانيكي قالي عمره و قالي بردو هنشوف و فعلا لما فتحنا المكنه طلع الشمبر و البستم فيهم مشاكل
انا بس اللي عايز افهمو ده ازاي و من ايه يعني ان انا كنت بجري و بقرص يعمل كده فيها و لا هي عربيه عره و لا ايه ؟؟ و انا كنت محافظ على تغيير الزيت في معادو ف مش عارف فيها ايه
و في الاول و الاخر قدر الله و ماشاء فعل و الحمدلله على كل شيء بس عايز اعرف فين العيب .

القرص كان اكيد له دخل فى اللى حصل ده لكن اعتقد الزيت كمان كان له تأثير و يفضل ان حضرتك تستخدم درجه اللزوجه اللى موصى بها فى كتالوج العربيه للحفاظ على عمر المحرك و تتأكد ان مفيش تسريب للزيت او بخر عالى ودة انك تبص كل فتره على مقياس الزيت علشان تطمن وكمان تهدى من اسلوب قيادتك. انا لا اعتقد انها عربيه سيئه لان فى موديلات اقدم منها بكتير من موديل عربيتك و لسه ماشيه بدون عمرة و لا حاجه . طبعا هى مش فى قوة الالمانى و لا فى سعره إنما مش سيئه انها تحتاج تعمل عمرة فى الظروف العاديه خلال سنتين و ٦٠ الف كيلو و لو ده كان عيب مشترك مكنتش اتباعت كل السنين اللى فاتت او على الاقل كنا سمعنا عن عطل شائع فيها او مشكله معينه فى الموتور و ده ما اعتقدش انه حصل بالنسبه لها

المشاركة الأصلية كتبت بواسطة land_cruiser

القرص كان اكيد له دخل فى اللى حصل ده لكن اعتقد الزيت كمان كان له تأثير و يفضل ان حضرتك تستخدم درجه اللزوجه اللى موصى بها فى كتالوج العربيه للحفاظ على عمر المحرك و تتأكد ان مفيش تسريب للزيت او بخر عالى ودة انك تبص كل فتره على مقياس الزيت علشان تطمن وكمان تهدى من اسلوب قيادتك. انا لا اعتقد انها عربيه سيئه لان فى موديلات اقدم منها بكتير من موديل عربيتك و لسه ماشيه بدون عمرة و لا حاجه . طبعا هى مش فى قوة الالمانى و لا فى سعره إنما مش سيئه انها تحتاج تعمل عمرة فى الظروف العاديه خلال سنتين و ٦٠ الف كيلو و لو ده كان عيب مشترك مكنتش اتباعت كل السنين اللى فاتت او على الاقل كنا سمعنا عن عطل شائع فيها او مشكله معينه فى الموتور و ده ما اعتقدش انه حصل بالنسبه لها

اكيد طلعا بعد اللي حصل ده سواقتي اتغيرت تماما و قدر الله و ماشاء فعل و الحمدلله انها جت على قد كده و ربنا يسترها بعد كده و انا عامة نصيحتي لاي حد هيجيب عربيه ابعد عن الكوري :s .... متشكر على الرد :)

طب ما الواحد راكب كورى وبيفرم العربيه وماشيه 260 الف وعادى جدا
وكتير جدا الماتور بيفصل منى
بس الكتالوج بينصح ان عدد لفات الماتور لا تتجاوز 4000 لفه

هو كده من الواضح ان فعلا الموضوع ده كان غشوميه مني يلا الحمدلله اديني اتعلمت