الموضوع: القرص على الموتور و القرص على الغيارات !!!!

المشاركة الأصلية كتبت بواسطة borio1704

اللي أنا متخيله من كلام حضرتك إنك بتقرص على الموتور من أول يوم مسكت فيه العربية وهيه على الزيرو
بمعنى... إنها ما لينتش

لو الكلام ده مظبوط .. تبقى دي نتيجة طبيعية ومنطقية جدا


تاني حاجة... احتمال تاني إن حضرتك بتقرص على العربية من أول لحظة وانت بتشغلها
بمعنى.. إنك ما بتسيبهاش تسخن ولا الزيت يلحق يزيت في أكتر وقت الموتور محتاج فيه للزيت

وعمرة الموتور في الحالة دي تعتبر منطقية جدا

رأيي ترجع لكتالوج العربية وتقرا أول 10 صفحات منه... فيها تعليمات مهمة جدا عن إزاي تحافظ على عربيتك بشكل عام، وأهم معلومات من وجهة نظري هي: إزاي تسوق عربيتك في التليين ، وتوجيهات قيادة العربية لما تشغلها الصبح


لو عايز معلومات أكتر عن طرق المحافظة على موتورك... ممكن تدخل على المواضيع دي:
"عداد الـrpm ... إزاي تستخدمه؟؟؟"
"ثرموستات الكوعة... المفترى عليه"

المواضيع والمناقشات اللي جواها فيها معلومات كويسة جدا



...

هو واضح من كلام حضرتك ان انا عملت كل حاجه غلط و الحمدلله اديني اتعلمت
شكرا على الرد و المعلومات اللي جت متأخره :D