الحمد لله جبت ال 128

**أبو إياد** · 26-03-2013 07:49 AM

المشاركة الأصلية كتبت بواسطة maged_gamel2000

ممكن اعرف اخبار الجنط 15 معاك اية عشان عاوز اجيب جنط 15 بس الناس مخوفانى

مش هاقدر افيدك دلوقتى لانه لسه مكملش شهر حتى لكن الكل اجمع ان بتغيير السوست والمساعدين والبطاحات مش هايكون فى اى مشاكل

**أبو إياد** · 05-09-2013 11:26 PM

انا باعمل العربيه على اقل من مهلى ياعنى انا النهارده اقدر اقولكم وصلت لايه بالظبط
وهاقولكم على اخر الاسعار فى السوق
العفشه
كبالن جديده ( 140ج)
2 صره امامى جديد ( 120ج )
2 بلى عجل امامى ( 80ج )
عملت فلانشات الامونيوم وفيهم مسامير للعجل ورينجات ( 400ج ) وطبعا كده تغيير العجل بصاموله مش مسمار ودى مهمه جدا وعمليه جدا
طنابير جديده ( 160ج )
تيل فرامل ( 40ج )
طنابير خلفيه ( 140ج )
كاوتش ميزان مش فاكر بس حاجه بسيطه اوى
سوست ومساعدين وبطاحات ( استيراد اونو ) 350ج

الميكانيكا الموتور كان خفيف ولما سالت فى المرور على العربيه عرفت ان الموتور ده متغيير ولم يتم اثباته على الرخصه فخليت الميكانيكى يبص عليه فعلا لقيته ماتفكش قبل كده وكان محتاج شنبر عملته وكلفنى 1100ج لغايه الزيت وغسيل الريداتير بالمره
غطاء تانك 25ج

بالنسبه للصالون
بعد ما جبت تابلوه اونو وقطمه وطاره وكونسول السمكرى ماعرفش يركبه زى ما انا عاوز فرجعته واشتريت تابلوه 128 بحاله الزيرو 300ج
جبت دراع نور اونو مش متذكر السعر وشغلته بدل زراير التابلوه وهو عملى جدا
فرش ابواب نوفا 150ج استيراد
2 كرسى اونو بالمخدع 300ج
مصنعيه السروجى 700ج لتعديل الكراسى والكنبه الخلفيه جلد طبعا
تظبيط المارش ( مهم جدا )

نقدر نقول الحمد لله بفضل الله يتقال عليها عربيه ومافيش اعطال والعربيه ممتعه وسواقتها مريحه ومافيش اصوات

النهارده بس وديتها للسمكرى وناوى على مشتروات هاتكلفنى كتير جدا وعلشان كده كنت ماجل الموضوع ده لما ربنا ياذن
محتاج كابوت و4 ابواب وداير الرفارف الخلفيه ورفارف اماميه ( علشان يتظبطوا مع الجنط ) وعتب
والسمكرى هايشتغل فى الدواسات والسقف والشنطه مافيهومش حاجه
وبعد كده مرحله العزل والدوكو
دعواتكم

**moury** · 15-09-2013 01:29 AM

ماشاء الله
ممكن تنزلنا شكل العربية من جوه دلوقتى بالصور عشان نستفيد من تجربتك

وليا سؤال يابو اياد
انا برضه لسه شارى عربية جديدة موديل 75 وهى وشها لسه بالفانوس المدور زى ماهو
بس صاحبها شال الاشارتين اللى بيبقوا جايين من الجنب لقدام جنب الفانوس كده وقفل مكانهم بس شكلهم وحش اووى وباين انهم متشالين اعمل ايه هل هم عندك كده برضه ؟؟؟

كمان انا مش عاجبنى من جوه عصاية الفتيس شكله مقرف اووى طويلة كده وحاسس انه عاملة زى عصاية عربية نقل بودفورد
هل ممكن اغيرها لعصاية تكون قصيرة كده وفى صندوق زى الموديلات الحديثة دايو مثلا او كده ولا صعب ؟؟
خصوصا ان طولها ده قارفنى فى الغيارات بتحك فى الكراسى وفى رجلى وانا قاعد

**أبو إياد** · 15-09-2013 09:40 AM

بالنسبه للصور هى حاليا عند السمكرى علشان اخلص اخر مرحله وبعدها هانزل الصور من بره والصالون وكله وعصايه الفتيس خليت السمكرى قصرها مع مقبض شيك هتلاقى الوضع اختلف

بالنسبه للشكل العاده انا كان معايا واحده استوك ولازم الاشارات تكون راكبه ولو عاوز تشيل الاشارات يبقى لازم تعدل الفوانيس والشبكه بالشكل المعدل

والعربيتين دول كانوا بتوعى وبعتهم والحمرا دى مش متعدل فيها اى حاجه غير العفشه بس وشكلها كان جميل
والبيضا دى متعدل فيها الصالون كله

**أبو إياد** · 15-09-2013 03:04 PM

عندك حلين
تعديل العربيه للمعدل بس هاتكلف لانك هاتغيير الصدر وتشترى شبكه وفوانيس جديده ويتقفل مكان الاشارات صح وترش
الحل التانى ترجعها لطبيعتها وده اسهل وانا ارشحلك الحل ده

**أبو إياد** · 18-09-2013 03:20 AM

4 ابواب 90 كاملين 1000ج استيراد
كابوت 90 500ج استيراد
2 عتب الفابريقه 110ج جديد
2 داير رفرف خلفى 80 جديد
2 رفرف امامى جديد 220
2 فانوس كريستاله امامى 50ج بس الخامات وحشه والعادى 40ج
2 وش خلفى عادى 14ج احمر بالكامل 20ج