تقرير تركيب 4 فرد كاوتش جديد gt اندونيسي للماروتي

**lidosasa** · 05-03-2013 05:28 PM

السلام عليكم
من فترة ومن أول ما أشتريت العربية من حوالى 5 شهور الكاوتش كان قديم فردتين هانكوك إنتاج 2008 وفردتين أصلى جوديير مع العلم إن العربية موديل 2007 وكانت عاملة 52 ألف كيلو وقتها .
وطبعاً الكاوتش كده جاب أخره ورحت لواحد بتاع كاوتش قالى لازم تغييرهم قلت ليه لسه شاريها وجايب أخرى مفيش فلوس سألنى إنت بتسافر أو بتجرى بسرعة قلت ليه لاء مش بسافر نهائى وأخرى 50 كيلو جوه المدينة . قالى ممكن يمشى معاك وربنا يسترها .
ونزلت موضوع فى المنتدى ومعظم الأعضاء فعلاً نصحنى بتغيير الكاوتش
توكلت على الله من أسبوع ونزلت أسأل ولآن الماروتى لسه مش منتشرة كتير فى دمنهور كان فيه صعوبة إنى آلاقى مقاس الكاوتش سألت فى فرعين بريدجستون مكنش عندهم .
وبعدين ربنا هدانى لواحد جنب بيتى لقيت عنده نوع إسمه G T أندونيسى وسألت عليه ناس كتير شكرت فيه.
توكلت على الله وأشنريت 4 فرد الفردة ب 300 جنيه ودى صورتهم وأتأكدت إنهم إنتاج جديد فى أواخر 2012

وأخدتهم وطلعت على طول على واحد ممتاز متخصص فى الكاوتش بتعامل معاه وفكهم وغسل الجنوط وشحم الكاوتش ورصصت ومليت الأربع فرد نيتروجين ودى صورة لفردة خلفية بعد التركيب

أما بقى الآربعة القدام فكانوا اكنهم حجر مش كاوتش ناشفين خالص ( كتر خيرهم عملوا اللى عليهم وزيادة ) مشيت بيهم بعد ما أشتريت العربية حوالى 1500 كيلو
طبعاً الفرق كبير وواضح وكأنى كنت راكب العربية حافية والكاوتش فعلاً ممتاز ونوعه كويس ومحبتش اعمل تقرير بالموضوع غير بعد ما مشيت بيهم اسبوع عشان يبقى تقرير شامل وبالتجربة .

**Amr Axel** · 05-03-2013 07:39 PM

ما شاء الله و لا قوة الا بالله

الف مبروك يا باشا الكاوتش الجديد الجي تي مش وحش
بس نصيحة متجيبش من عند الراجل ده تاني لأنه يعتبر مديك الكاوتش غالي اذا كان مقاس 13\165\65 لما سالت عليه بيعمل 270-300 ج ع حسب المكان بالتركيب و انت و فصالك طبعا
بس كويس انك جبت حاجة انتاج اخر 2012

و يا ريت لو تنورنا في المقابلة و خاصة انها هتكون من الساعة 3 العصر ان شاء الله عشان لو حبيت ترجع بدري

http://www.nilemotors.net/Nile/339187-8-3-2013-a.html

**lidosasa** · 05-03-2013 08:14 PM

المشاركة الأصلية كتبت بواسطة amr axel

ما شاء الله و لا قوة الا بالله

الف مبروك يا باشا الكاوتش الجديد الجي تي مش وحش
بس نصيحة متجيبش من عند الراجل ده تاني لأنه يعتبر مديك الكاوتش غالي اذا كان مقاس 13\165\65 لما سالت عليه بيعمل 270-300 ج ع حسب المكان بالتركيب و انت و فصالك طبعا
بس كويس انك جبت حاجة انتاج اخر 2012

و يا ريت لو تنورنا في المقابلة و خاصة انها هتكون من الساعة 3 العصر ان شاء الله عشان لو حبيت ترجع بدري

http://www.nilemotors.net/nile/339187-8-3-2013-a.html

أستاذنا الكبير المشكلة إنى زى ما سبق وقلت ساكن فى دمنهور وعارف إن جميع اسعار قطع الغيار بتكون فيها زيادة عن اللى موجود فى القاهرة لآن كل قطع الغيار وكل حاجة مستوردة بتنزل على كبار المستوردين فى القاهرة وأصحاب المحلات اللى هنا بيشترى منهم وبيضيف سعر زيادة فوق تمن الحاجة واللى مش عاجبه ينزل هو القاهرة ويلف ويشترى وفى الغالب فرق السعر بيبقى مش مستاهل متاعب ومصاريف السفر
وأعتذر عن عدم تمكنى من حضور لقاء النسور نفسى احضر وأشوفكم بس ظروف عملى تمنعنى من السفر

**dr.hazem** · 06-03-2013 01:04 AM

ربنا يباركلك فيهم ويديك خيرهم ويكفيك شرهم والجي تي ممتاز فعلا....
بريدجستون مبتنزلش للماروتي كاوتشات....
تحياتي

Sent from my SE Arc S using Forum Runner

**Amr Axel** · 10-03-2013 11:22 AM

المشاركة الأصلية كتبت بواسطة lidosasa

أستاذنا الكبير المشكلة إنى زى ما سبق وقلت ساكن فى دمنهور وعارف إن جميع اسعار قطع الغيار بتكون فيها زيادة عن اللى موجود فى القاهرة لآن كل قطع الغيار وكل حاجة مستوردة بتنزل على كبار المستوردين فى القاهرة وأصحاب المحلات اللى هنا بيشترى منهم وبيضيف سعر زيادة فوق تمن الحاجة واللى مش عاجبه ينزل هو القاهرة ويلف ويشترى وفى الغالب فرق السعر بيبقى مش مستاهل متاعب ومصاريف السفر
وأعتذر عن عدم تمكنى من حضور لقاء النسور نفسى احضر وأشوفكم بس ظروف عملى تمنعنى من السفر

الله يكون في عونك و فعلا زيادة بس هترتاح من السفر بس اهو حاول تفاصل معاهم
و ميهمش المقابلة اتلغت اساسا و ان شاء الله تتعوض قريب
و في انتظار تقاريرك :)