الموضوع: نيسان صنى ولا الياريس من حيث الوسع

حقيقى حيرتونى أشترى اليارس ولا لأ بصراحه أنا رحت شفت العربيه وركبتها وفعلا لاقيت العربية واسعة من جوة وهى فعلا أوسع من الصنى ركبتها أنا وأخويا وأنا قلت قبل كدة أنى طويل وكذلك أخويا والشنطة بيقولوا عليها معقولة لأ طبعا الشنطة فعلا واسعة واسعة ومتصممة بذكاء ودة يهمنى أوى وجربنا لانسر 1600 هى واسعة ماشى لاكن اللى هيقعد ورا السائق هيتظلم المهم انى فرحت جدا باليارس والوسع اللى فيها وكل اللى اتقال عنها لكن ترددت مرة أخرى بعد موضوع صوت الهواء الشديد اللى ذكرة الأستاذ/ أحمد عزت واللى أنكرة الأستاذ/ أحمد محمد سعيد وقال دة فى معظم العربيات بعد ال60 ودة فى رأيي موضوع مهم فأرجو من الأخوة اللى معاهم ياريس يفيدونى فى هذا الموضوع بحيادية شديد

المشاركة الأصلية كتبت بواسطة mo7amedmagdy

حقيقى حيرتونى أشترى اليارس ولا لأ بصراحه أنا رحت شفت العربيه وركبتها وفعلا لاقيت العربية واسعة من جوة وهى فعلا أوسع من الصنى ركبتها أنا وأخويا وأنا قلت قبل كدة أنى طويل وكذلك أخويا والشنطة بيقولوا عليها معقولة لأ طبعا الشنطة فعلا واسعة واسعة ومتصممة بذكاء ودة يهمنى أوى وجربنا لانسر 1600 هى واسعة ماشى لاكن اللى هيقعد ورا السائق هيتظلم المهم انى فرحت جدا باليارس والوسع اللى فيها وكل اللى اتقال عنها لكن ترددت مرة أخرى بعد موضوع صوت الهواء الشديد اللى ذكرة الأستاذ/ أحمد عزت واللى أنكرة الأستاذ/ أحمد محمد سعيد وقال دة فى معظم العربيات بعد ال60 ودة فى رأيي موضوع مهم فأرجو من الأخوة اللى معاهم ياريس يفيدونى فى هذا الموضوع بحيادية شديد

فعلا فى صوت هواء تقريبا بعد ال 80 كيلو

وده طبيعى فى معظم السيارات ولكن يزداد قليلا معدله فى الياريس

وده مش بسبب الاكصدام العريض للياريس

هو بسبب طول مساحة زجاج الباب الامامى للياريس عن مثيلاتها

وده مش مشكله كبيره لما تكون ناوى تسافر وتمشى بسرعات عاليه اقفل الزجاج

ومش ضرورى تفتح التكييف افتح باب دخول الهواء الخارجى دون فتح مروحة التكييف

واضبط الفتحات حسب الشده المطلوبه

ومين فينا بيسيب زجاج الباب مفتوح وهو مسافر ؟؟

ثانيا ميزه مهمه فى موتور الياريس نسى ذكرها الاعضاء غير الاستهلاك الاقتصادى الرائع

كتينة موتور الياريس حديد لا تغير

العيب الوحيد فى وجهة نظرى بعد تجربتى المتواضعه لها هو عدم وجود عداد حراره

كنت متوقع أن وضعية العدادات فى وسط التابلوه عيب كبير لكن سرعان ما تعودت عليه

ووجدت انه ميزه حيث ان فى الوضعيه العاديه فان طارة الدركسيون تحجب جزءا كبيره من العدادات

لكن وجوده فى الوسط جعل رؤيته فى منتهى الوضوح دون عوائق

انا بحثت كثير جدا وخدت وقت كبير وجربت وعملت استخاره وكانت الياريس من نصيبى والحمدلله

ربنا يبارك لى فيها ويبارك لكل من نصحنى بها

نسيت ارد على سؤالك الرئيسى لموضوعك

انا جربت القعده فى الصنى من الخلف

بعد ضبط الكراسى الاماميه لشخص متوسط الحجم وجدت القعده فى الخلف ضيقه على الركبتين

وجربت الياريس بعد ضبط الكراسى الاماميه لشخص كبير الحجم (اى ترجع الكرسى لآخره )

وجدت القعده فى الكنبه الخلفيه للياريس مريحه جدا

ده غير ان الارضيه الخلفيه للياريس مستويه تماما

مما يتيح التنقل بين جانبى الكنبه بكل سهوله وارتياح

انا قولتلك يارس او لانسر 1600 ماقولتش لانسر 1300 خالص
وعموما الاتنين زى الفل وان شاء الله مش هتندم فىاى اختيار منهم .............اركب الاتنين فى نفس الوقت فى اى معرض عارضهم وروح بيتكم صلى استخارة وابدأ فى خطوات التنفيذ واللى هتلاقية ربنا مسهلة اشترية.....ومتغلبش نفسك الاتنين كويسين

ياباشاالياريس تويوتا
واعتقد حتى فى الترتيب العالمى تويوتا قبل النيسان والمتسوبيشى
وده مش من فراغ
غير كده انت اللى هتحدد عايز ايه من العربيه
رايى الشخصى
الياريس اعتماديه عن اللانسر والصنى
ناهيك عن الا نتشار الكبير للياريس
وراى مبنى على عدة نقاط!
الياريس اعلى فى المطبات ودى نقطه مهمه(مطب يعنى انت اكيد فى مصر)
الياريس اقل استهلاك فى البنزين
الياريس موتور قوى وثبات اكبر
الياريس شكل شبابى واورجينال جدا
طبعا كل ده راى شخصى