حد جرب سوست B&G , H&R , Eibach , merwede

**SonaSteel** · 21-03-2013 10:36 AM

طيب انا عايز اجيب طقم المساعدين (كوني , مونرو) او اي ماركة انتوا عارفيهنا بس تكون سبور للصني

اجيب ايه ومنين وبكام ؟؟

**Kareem.ElAraby** · 26-03-2013 10:47 PM

متابع

**3mr Farrag** · 15-04-2013 03:15 AM

يا رجاله عايز اعرف المفيد في الموضوع
انا لقيت لحد دلوقتي ايباخ 1350 جنيه و كوني 1250
وايباكس مش لاقيها هنا بس بحاول اجيبها من بره بس هتبقي ارخص منهم ان شاء الله
انهي افضل بالتدريج؟؟؟؟

**nefary** · 29-04-2013 01:28 PM

من تجربة عملية :-
- ايباخ الافضل . انا ركبتها على افيو . اداء فوق الرائع. فضلت مركبها 3 سنين . مع جوز مساعدين امامي استيراد . و عمري ما اشتكيت من المساعدين رغم اني مركب جنط R17/40/205
النتيجة . ثبات غير عادي في المنحنيات و بعد الطلوع من المطبات الهوائية على الطرق
إحساس انشف من اليايات الستوك بس مريح
العربية مش بتميل مع الملفات زي الاول

مع العلم اني كنت قاصص اليايات الستوك . و اداءها سئ جدا و بوظت المساعدين الامامي مع الجنط الكبير

بالنسبة لموضوع ان السوست السبور بتبوظ
HowStuffWorks "Dampers: Shocks"
ده طريقة مبسطة لعمل المساعد
ومن المكتوب تقدر تعرف انه مش فارق ابدا ان المساعد يكون مضغوط او مفرود . اللي ممكن يبوظ الدنيا كلها الحركة العنيفة . اي انك تحرك المساعد مرة واحدة فوق أو تحت . ده اللي يخلي الضغط يكون شديد عل reserve cylinder . وده بالضبط اللي بيحصل في حالة الجنط الكبير و اليايات المقصوصة . لان الياي السبور بيبقى ليه قساوة اعلى من العادي . و العادي لما بيتقص بيبقى قصير و طري في نفس الوقت . و بكده هيتحرك كتير فوق وتحت مع كل مطب . من الاخر اللي بيشيل الصدمة هو المساعد بالكامل . الياي بيبقى دوره ضعيف في الحالة دي . كده انت حملت عالمساعد . و شوية و هتلاقيه بدأ يهرب زيت و يخبط .
نفس الكلام مع الجنط الكبير . الكاوتش اللي على 50 او اكتر . بيشيل جزء من الصدمة عن طريق الغاز المضغوط جوة الاطار سواء هواء او نيتروجين . كل ما يقل سمك الاطار . كل ما تقل فرصة الانضغاط لرفع سمك الاطار . وكده برضه انت بتحمل عالمساعدين . وده بيفسر موضوع ان العربية بتنشف مع الجنط الكبير

عموما في كتالوج السوست اللي كنت شاريها مكتوب انه مناسب لاسلوب القيادة اليومي . و مناسب للتركيب على المكونات الاصلية للعربية .
ايباخ اصلا شركة المانية . بس الجزء الاكبر من مصانعها في امريكا . و بتدي ضمان مليون كيلومتر عاليايات و المساعدين بتوعها .

الخلاصة :- من الامن جدا تركيب سوست رياضية على مساعدين العربية الاصلية لاي عربية مهما كان نوعها . مع شرط ان السوست دي تكون مصممة للعربية دي مش تعديل .

**3mr Farrag** · 12-05-2013 12:02 AM

المشاركة الأصلية كتبت بواسطة nefary

من تجربة عملية :-
- ايباخ الافضل . انا ركبتها على افيو . اداء فوق الرائع. فضلت مركبها 3 سنين . مع جوز مساعدين امامي استيراد . و عمري ما اشتكيت من المساعدين رغم اني مركب جنط r17/40/205
النتيجة . ثبات غير عادي في المنحنيات و بعد الطلوع من المطبات الهوائية على الطرق
إحساس انشف من اليايات الستوك بس مريح
العربية مش بتميل مع الملفات زي الاول

مع العلم اني كنت قاصص اليايات الستوك . و اداءها سئ جدا و بوظت المساعدين الامامي مع الجنط الكبير

بالنسبة لموضوع ان السوست السبور بتبوظ
howstuffworks "dampers: Shocks"
ده طريقة مبسطة لعمل المساعد
ومن المكتوب تقدر تعرف انه مش فارق ابدا ان المساعد يكون مضغوط او مفرود . اللي ممكن يبوظ الدنيا كلها الحركة العنيفة . اي انك تحرك المساعد مرة واحدة فوق أو تحت . ده اللي يخلي الضغط يكون شديد عل reserve cylinder . وده بالضبط اللي بيحصل في حالة الجنط الكبير و اليايات المقصوصة . لان الياي السبور بيبقى ليه قساوة اعلى من العادي . و العادي لما بيتقص بيبقى قصير و طري في نفس الوقت . و بكده هيتحرك كتير فوق وتحت مع كل مطب . من الاخر اللي بيشيل الصدمة هو المساعد بالكامل . الياي بيبقى دوره ضعيف في الحالة دي . كده انت حملت عالمساعد . و شوية و هتلاقيه بدأ يهرب زيت و يخبط .
نفس الكلام مع الجنط الكبير . الكاوتش اللي على 50 او اكتر . بيشيل جزء من الصدمة عن طريق الغاز المضغوط جوة الاطار سواء هواء او نيتروجين . كل ما يقل سمك الاطار . كل ما تقل فرصة الانضغاط لرفع سمك الاطار . وكده برضه انت بتحمل عالمساعدين . وده بيفسر موضوع ان العربية بتنشف مع الجنط الكبير

عموما في كتالوج السوست اللي كنت شاريها مكتوب انه مناسب لاسلوب القيادة اليومي . و مناسب للتركيب على المكونات الاصلية للعربية .
ايباخ اصلا شركة المانية . بس الجزء الاكبر من مصانعها في امريكا . و بتدي ضمان مليون كيلومتر عاليايات و المساعدين بتوعها .

الخلاصة :- من الامن جدا تركيب سوست رياضية على مساعدين العربية الاصلية لاي عربية مهما كان نوعها . مع شرط ان السوست دي تكون مصممة للعربية دي مش تعديل .

كلام ذي الفل وباشا و كبير كمان :)
اخيرا لقيت حد مقتنع ان السوست السبور مش بتبوظ السماعدين الستوك و انها كمان ممكن تحافظ علي السماعدين اكثر لنها حركتها بقيت اقل ضغط
كنت جايب السوست منين و بكام

بعد تعبكم معايا في الموضوع ده و بعد اني لقيت اني هصرف فلوس لحاجات كتير
ادعولي ربنا يكرم و ان شاء الله هبيع العربيه و اريح دماغي خالص و اجيب حاجه افضل بفرق الفلوس
وابقي اعمل بقي الحاجات اللي عايزها علي نضافه في العربيه الجديده ان شاء الله بس اغير الاول

**nefary** · 12-05-2013 10:11 AM

انا كنت جايبهم من بره . مكنتش لقيهم هنا اصلا . هتلاقي هنا موجودة لعربيات و عربيات . وعلى فكرة لو لقيتهم استيراد دوس . اليايات دي معمره جدا . بس الفكرة انك تلاقيهم لعربيتك من الاساس