الموضوع: عودة التسونامي الكوري بقوة علي طريق القاهرة/الاسكندرية الصحراوي (ألنترا Vs سيراتو)

المشاركة الأصلية كتبت بواسطة lanos2004

ماتقول انه ظبطك مكسوف تقول ليه يا دكتور -

ههههههههههههههههههههههههه هه
طب متقول انه معرفش يطلع مني قبل ال 200 وطالع مني وانا على 210 عشان دا اخر عربيتي !؟
يعني انا معذبه لحد 200 واعتقد دا على الفيرنا انجاز ساحق مع ثباتها التحفة دا
ادوني عربية عدادها 1000 كم وانا بعون الله اقفله معنديش مشاكل

انا بسبب الكلام اللى اتقال على السيتى دة

انا بهدلت انهاردة الصبح النترا 2012 بهدلة السنين ( طرق مفتوحة - غرز - جرى على ملفات ) عرفتة مقام عربيتة واخرها اية , وكل دة ببنزين 92 امال لو كنت حاطط بنزين 95 كنت عملت فية اية , بجد صعب عليا اوى

انا تقريبا كنت فارق عنة بكتير

على فكرة الالنترا فاااااااااااااااااشلة فى نفق الازهر هههههههههههه اصلا قعدت اضحك علية ضحك وهو يعينى بيهدى عند كل ملف وعربيتة ثباتها فى التراوة

- على فكرة ياريت حد يجرب يجرى مع سيتى 2013 اتفرجوا ممكن تعمل اية فى اى عربية بس يكون ممون 95 هتعرفوا يعنى اية شد بجد

المشاركة الأصلية كتبت بواسطة Samir Elshahawy

علي فكرة يا سامح ..

انا في بداية الموضوع وجهت الشكر للهوندا سيتي تحديدا و عارف كويس الهوندا سيتي لأني كنت هاجيبها قبل الالنترا و عملت لها تست درايف في التوكيل لولا السعر العالي ربنا يسامحهم بقي

فيه فرق بلا شك في الثبات لصالح الهوندا بكافة أنواعها لكن ...
زي مافيه سواق راكب هوندا بيخاف يجري و يشد و يمكن اللي أنا طلعت منه علي طريق أسكندرية كان كده أو الله أعلم بظروف عربيته فيه برضه سواقين ألنترا بيخافوا جدا خاصة مع شكل العربية و فوانيسها اللي تخليهم يخافوا من اي لمسة بسيطة

نفق الازهر يا عزيزي أنا دخلته بالالنترا كذا مرة و علي سرعات وصلت ل 150 كم/س و أخدت ملفاته (منفردا علي 140 كم/س) و مع عربيات تانية بجانبي علي 120 كم/س

عارف أنك هاتقول لي أنك ممكن تأخد الملف علي 180 في النفق بس أنا بأسمي ده تهور لأنك مش شايف نهاية الملف فيه ايه

ممكن تلاقي في بلدنا الجميلة واحد راكن وسط الملف و ساعتها أوعي تقولي الفرامل هاتسعفك

و عموما الموضوع ليس المقصود به ابدا التقليل من شأن أي عربية سواء السيراتو (اللي قطعتها رايح جاي) أو السيتي (الشكل القديم) اللي أنا عارف برضه انها عربية محترمة جدا و مش معني أني عديت منها يبقي هيا عربية وحشة و لكن يمكن أنا عربيتي فايقة و بأعمل لها صيانات صح و فاهم أمكانياتها كويس و بأعرف أستغلها

يا عزيزي .. ما تأخدش الامور كده الموضوع أبسط من كده بكتير

ياباشا وانا والله واخدها ببساطة جدا ونوع من التهريج , انا يعنى ماشوفتش المشاركة ونزلت ادور على اى عربية هيونداى عشان اظبطها , لأ هية العربيات دية بتيجى صدف قدامى خصوصا انى كنت على الطريق انهاردة الصبح الساعة 7:30 صباحا فكان الطريق فاضى وحلو جدا بيشجع على الجرى الصراحة

وانا بتاع الهيونداى كان قارص قرص السنين , بس معلش ياباشا التجميع بيفرق كتيييييييييير و اسأل lanos 2004 وهو يقولك الراجل شاف بعينة كل حاجة على ارض الواقع ومش عربية واحدة ( عدد 2 SiR - وواحدة gsr ) فالفرق واضح جدااااااا

بس انا لما كنت بجرى مع الالنترا كانت المنافسة المفروض تبقى فرصتها اقوى شوية على الاقل يبقى الفرق قليل لانة ال SiR لازم بنزين 95 عشان يخرج طاقتة كاملة وببنزين 92 الماتور تقريبا بينزل 20 حصان من قوتة , ودية حاجة انا متأكد منها تماما لانى مجربها كتييييييييير كتسارع وتوب سبيد العربية مع ال95 حاجة تانية نهائى وخصوصا مع ال vtec

وعموما السيتى فعلا ممتازة فى الجرى وانا حددت 2013 لان العربية دية مجرمة جرى 118 حصان فعلا موجودين على ارض الواقع وثبات اعلى من الشكل القديم

وعموما انا نفق الازهر اقصى سرعة جيبتها فية كانت 185 كم بملفاتها وكان الكلام دة فى العيد الصغير من تقريبا 3 سنوات , وكان الساعة 1ونصف مساءا , مع العلم انى ماشى فى نفس حارتى وبنقل مابين الحارات بعد كل ملف عشان اكشف ال blind area الموجودة فى النفق

و peace ياباشا تعيش وتروق