الموضوع: عودة التسونامي الكوري بقوة علي طريق القاهرة/الاسكندرية الصحراوي (ألنترا Vs سيراتو)

المشاركة الأصلية كتبت بواسطة Samir Elshahawy

متشكر جدا لحضرتك و لتبيهك
بس فيه معلومة أحب أضيفها و ياريت تناقشني فيها أو الاخوة برضه يفيدونا فيها ..

بالنسبة للعربيات الاوتوماتيك أعتقد أن فيه نام حماية خاص بكل من الفتيس و الموتور علشان لو السواق غلط

يعني ..

- في الياريس مثلا حاولت مرة أسقط نقلة و أنا علي ال d الي d3 و كنت ماشي وقتها أكتر من 140 كم/س و ما أخدتش بالي
اللي حصل أن صوت الموتور أرتفع و عدد لفات الموتور زاد ز كان علي وشك الدخول الي المنطقة الحمراء
اللي حصل أن التكييف فصل و العربية لم تستجب لأي زيادة في السرعة و بدأت تكلبش في الأرض و السرعة تنزل و لما ضغطت علي دواسة البنزين العربية لم تستجب لزيادة السرعة برضه
فضلت كده لحد ماوصلت لمعدل السرعة الطبيعي و بدأ عدد لفات المحرك ينزل و بدأت بعدها العربية ترجع لطبيعتها و تستجيب

اللي أعرفه ومتأكد منه أن كل العربيات الاتوماتيك بينصح بشدة عدم تغيير وضع الحركة أثناء تحرك السيارة وان المفروض اني انقل مثلا من D الى P أو N عند التوقف الكامل فقط للحفاظ على الفتيس وطبعا مسموح للتغيير الى وضع الستيبترونيك أثناء الحركة عادي جدا ده غير كمان انه في الحالة دي العربية بتدخل sport drive mode وهو وضع القيادة الرياضية للحصول على أعلى طاقة وعزم منها


- في الالنترا md : لو ماشي علي أخر الغيار و حبيت أستخدم السيبترونيك و أنزل بالغيار من الخامس للرابع مثلا .. الفتيس لن يقبل التغيير و عدد لفات المحرك بيثبت علي ال 5,000 لفة . دقيقة أو أزيد شوية تقريبا

أعتقد أن فيه نظام للحماية بيتولي هو زمام الامور عندما يستشعر أن السائق خطر علي العربية و بيتعدي حدوده فبيقول له لأ كفاية عليك أنت كده و سيبني أتصرف و لما يتصرف و الامور ترجع لنصابها الطبيعي بيرجع لك العربية

النظام ده موجود فعلاً وعندي في سيراتو 2012 لو ماشي ستيبترونيك ودخلت رد زون الفتيس بينقل لوحده للغيار الاعلى حفاظا عليه ولو سرعتي أبطات بينقل على غيار اقل وهكذا بس مجربتوش في الانترا الفاتنة - فيرجينيا جميلة الجميلات - هههههههههههههههه أنا فعلا بحب شكلها قوي ولا أستبعد حصولها على المركز الاول في مسابقة ملكة جمال السيارات للعام الحالي

لكن موضوع الكيك داون وأضراره اللي تحدثت عنه ده بيكون في الوضع العادي مش الستيبترونيك واللي الفتيس بينفذ فيه أوامر دواسة البنزين عشان يستجيب لإرادتك على إعتبار اني فاهم بعمل ايه واللي هي المفروض دوسة بسيطة سريعة عشان يفهم اني محتاج انقذ موقف وبالتالي يستجيب لنوع الضغطه نفسها.

[gdwl]
اللي أعرفه ومتأكد منه أن كل العربيات الاتوماتيك بينصح بشدة عدم تغيير وضع الحركة أثناء تحرك السيارة وان المفروض اني انقل مثلا من D الى P أو N عند التوقف الكامل فقط للحفاظ على الفتيس وطبعا مسموح للتغيير الى وضع الستيبترونيك أثناء الحركة عادي جدا ده غير كمان انه في الحالة دي العربية بتدخل sport drive mode وهو وضع القيادة الرياضية للحصول على أعلى طاقة وعزم منها
[/gdwl]

من وضع D الي P فعلا خطر .. لأنك بتعكس وضع التروس أثناء المرور علي الوضع R فينصح بالتوقف
لكن من الوضع D الي وضع N أثناء الحركة مافيش أي مشكلة لأنك كده بتفك التعشيق بس هاتخسر القوة الفرملية للموتور لو أنت علي منزل مثلا أو قد تخسر القوة الدافعة لو أنت علي مطلع

كمان أعتقد في العربيات الحديثة و نوعية الفتيس الجديد لو نقلت من D الي R أثناء الحركة الموتور بيبطل و ده شوفناه كلنا في أحدي حلقات دوس بنزين في رمضان عندما توقفت الفيلوستر عند عكس حركة العجل و هي علي الوضع D

شوف كده فكرة عمل الفتيس الحديث الغير معتمد علي تروس :

المشاركة الأصلية كتبت بواسطة Formulator

Welcome-back يابشمهندس سمير،
والحمد-لله على سلامتك (من العملية، ومن الشداية) هههههههههههههههههه

بالنسبة للشداية:
هى الإلنترا md جراية مفيش كلام - بس مش فـ الـlow-end ولا فـ الـmid-range؟!!
لكن فووووووق.. بتجمع تمام! معرفش دا عشان الهورسباور بتطلع متأخر فـ رينج الـrpm (عند 6300 تقريبا)؟!! ولا ده gearing؟!!

- وبقولك فـ الطلعة والـmid-range مش زى فوق: عشان الفتيس تحديدا؟!!!
الصراحة (و فـ كذا إلانترا) حسيت انه كان عايز يتضبط مع الموتور (peak العزم) أفضل من كده!
مش عارف؟؟!!!
بس nice شد وبقينا بنكسر الـ200 أهو -ماشاء الله

بالنسبة لكل العربيات اللى إتذكرت فـ التوبيك:

- السيراتو: معروفة يعنى الـ3 نقط اللى بتتنفخ فيهم.. الـ80 والـ140، وبتقف عند الـ170-180 -وده مش رأى!! lol
(أصل طوب الأرض راكب سيراتو، وإتعلم عليها من كل العربيات... خلاص إتحفظت!! بتتكلموا فـ أيه)؟؟!!!
تانى: سيراتو تعدى الـ210-215 ------------ تانى يوم الصبح قافشة عند الـ170؟!! ههههههههههههههههه
أيـــــــــــــــــــه؟؟ ماشوفتوهاش دى؟؟؟!!!!!!

- السيتى: فعلا الجديدة الـ118 حصان أجمد من القديمة! طبعا 1.5 VTEC وعربية خفيفة.. جراية جدا، بس سعرها ظلمها العربية دى؟!! :(

- الإلنترا hd: ودى اللى أنا مستغرب أوى من بعض المشاركات؟!!
العربية دى لو مانيوال: تعلم على كل العربيات اللى فوق -بما فيهم الإلنترا md، طلعة وتسارع وmid-range؟!!! فقط الإلنترا md تطلع منها فوق!!
مش عارف إزاى سيراتو (وأى حاجة 1.6 -غير السيفيك- تطلع منها)؟!! فيــــــــــــــن ده؟؟!!

Rgds،
ومستنيين الشداية القادمة -ان شاء الله!
(وإبقى شوف نفسك كده مع سيفيك أو حاجة تربو) وقولنا؟!!

عزيزي فورميلاتور ...

متشكر جدا و حاسس أنك أول مرة تنصفني ... ههههههههههه
موافقك المرة دي في كل كلمة قولتها و خاصة ..

السيتي الجديدة .. عربية تحفة فعلا و أنا لما ركبتها و عملت لها تست درايف قبل ماتنزل بشكل رسمي في توكيل التجمع الخامس شدتني جدا و كنت عايز أجيبها بصراحة و قولت هاتكون دي عربية العمر اللي مش هابيعها و لا أفرط فيها لكن ..

سعرها بصراحة استهباااااال .. و هما كده بيظلموا العربية دي جدا جدا في ظل المنافسة الشرسة من عربيات تانية كوري و حتي صيني , بس هانعمل أيه ؟ أدعي معايا أن الحال ينصلح

أما عن الشداية القلدمة فقد حدثت بالفعل بالامس و لسه مافوقتش من صدمتها و نتائجها و هاتكون مفاجأة لك و لكل المهتمين و عايز أناقشك فيها مخصوص علشان زي ماقولت حصلت فيها مفاجأة غير متوقعة

ياريت تسيب لي رقم تليفونك علي الخاص