استلمت بيجو 508

**Waleed_Fathy** · 27-05-2013 11:01 PM

المشاركة الأصلية كتبت بواسطة nofal010011229

عندك حق العزل مش قوي زي ماالناس بتحكي عنها وخصوصا الموتور مع السرعة
ممكن اعرف احتكاك ايه اللي تقصده

اقصد احتكاك الهواء بجسم العربيه وده اللي بيتسبب فى الصوت اللي بتسمعه

**eleanor** · 28-05-2013 06:05 AM

المشاركة الأصلية كتبت بواسطة nofal010011229

انا جبتها اوروبي
بس بصراحة اكتر من ممتازة
للاخوة اللي بيسالو علي الدركسيون انه تقيل انا معايا ناعم وسلس جدا مش تقيل خالص خفيف وسهل الحركة
انا بس عاوز اعرف هي ممكن اركب لها جهاز انزار وتتبع ولا التوكيل يخرجها من الضمان علي ماسمعت
وياريت كمان تفيدوني علي الاضاءة لما بعمل المفتاح علي الاوتو بيفضل النور شغال حتي في النهار
هل مفتاح الجليد شغال فيها ولا مش شغال لاانه مش بينور ولا بيعمل اي اكشن

وفعلا لو الاخوة اللي مستخدمنها مسافة كبيرة ومحصلش معاهم مشاكل فاانا فعلا بقول انها تستحق لان انا لسة 250 كيلو فيارب استرها علينا وعلي كل من اشتراها

بالنسبه للانذار والتتبع هايخرج العربيه من الضمان وده كلام التوكيل بس هى العربيه صعبه السرقه وربنا الحارث
موضوع الاضاءه ده بيشتغل علشان افضل رؤيه ليك وللعربيات الى فى جايه فى وشك فى الصبح هتلاقى الليد بس اللى شغال لكن من المغرب هتلاقى النور الواطى بيشتغل وممكنيقلب لوحده كمان
وبالنسبه لمفتاح الجليد مش هيشتغل الا فى درجهه حراره معينه علشان كده مش هايديك اى اكشن فى الحر ده
وربنا يباركلك فيها ان شاء الله

**Ahmed.Fahmy** · 28-05-2013 09:43 PM

زرار الجليد لما بيشتغل بيعمل علامة فى الشاشة اللى فى النص صغيرة جدا على شكل جليد فى كورنر اقصى اليمين فوق وعزم العربية بيقل تماما وطبعا هو عكس الs

وطبعا احنا فى مصر ماعندناش جليد لكن ممكن يكون مفيد فى المطر الشديد او الرمال عشان الغرز والزحلقة... انا مقولتش انها هتبقى زى ال4x4 لكن بيقلل العزم عشان تاثير دوسة البنزين يقل عن الطبيعى

**eleanor** · 29-05-2013 07:13 AM

المشاركة الأصلية كتبت بواسطة Ahmed.Fahmy

زرار الجليد لما بيشتغل بيعمل علامة فى الشاشة اللى فى النص صغيرة جدا على شكل جليد فى كورنر اقصى اليمين فوق وعزم العربية بيقل تماما وطبعا هو عكس الs

وطبعا احنا فى مصر ماعندناش جليد لكن ممكن يكون مفيد فى المطر الشديد او الرمال عشان الغرز والزحلقة... انا مقولتش انها هتبقى زى ال4x4 لكن بيقلل العزم عشان تاثير دوسة البنزين يقل عن الطبيعى

جبت الخلاصه

**Ahmed Amin** · 29-05-2013 09:59 AM

للتوضيح أكتر زرار النجمة "وضع الجليد" مش بيقلل العزم بالمعني الحرفي.
زرار النحمة لما بتضغط عليه بيعمل Skip للغيار الأول ويتجاهلة تماماً أكنه مش موجود. وبيبدأ من الغيار التاني ثم التالت وهكذا. ولما بتهدي وتقف تاني بينزل لحد التاني برضه, ومبياخدش الأول أبداً زي الوضع الطبيعي.

عشان الغيار الاول عزمة عالي لو طلعت بيه علي ارض زلقة او حتي اسفلت عليه شوية رمل او حتي ناشف. العربية هتفرك عال أرض Wheels Spin. زي ما بيحصل في اي عربية تطلع بيها عال أول وتدوس بنزين جامد
وفي اوروبا وعال مية او الجليد دا هيخلي العربية تفقد تماسكها بالارض وتروح يمين او شمال.
ولما بتيجي تدوس فرامل وانت علي الرابع بيعمل معاك Engine Break تسقيط غيارات علي كل الغيارات التانزلية عشان يساعد العربية علي التماسك اكتر في حالة الجليد عن الضغط علي زوادة الفرامل لوحدها. علي عكس الوضع العادي D بيعتمد علي الفرامل بس.

طبعاً S مش محتاج شرح. بس هوا هوا ال D نفس الغيارات الفرق انو بيأخر توقيت النقلة ومش هينقل الا اما توصل ل ٣ او ٣.٥ RPM
حتي لو ضاغط علي دواسة بالراحة.
علي عكس الوضع العادي دايما هينقل بدري عشان بحقق أفضل Fuel Economy حتي لو عايز تجري ودايس نص دوسة ممكن ينقل بدري معاك علي ٣ او ٤ لو خفيت رجلك لجزء من الثانية او ترددت بسبب حاجة قدامك او زحمة وانت بتجري هتلاقيه ينتهزه الفرصة ونقل معاك علي طول للغيار اللي بعده.

**eleanor** · 30-05-2013 06:38 AM

المشاركة الأصلية كتبت بواسطة alshahba

كده يكون منطقي وممتاز كمان

لوفعلا كده يبقه سئ جدا ..... واعتقد انه غير منطقي

لاني شفت ليها ريفيوهات كتير اوي والاغلبيه بيقولو بتستهلك 14كيلو لكل لتر
ولكن مش قبل 3000 كيلو .... قبل كده بيكون الاستهلاك عالي

فانت عربيتك عامله معاك كام كيلو ؟؟؟؟

فعلا الاستهلاك العالى ده كان قبل ال3000 كيلو وكمان ببنزين 92
انا فولت بنزين 95 الكمبيوتر كتب ان التانك يمشينى 900 كيلو وده بالتكيف ومتوسط سرعه 140
بس الغريب ان العربيه سافرت بيها من القاهرة للاقصر يعنى حوالى 800 كيلو ولما وصلت العداد كان كاتب انها تمشينى 240 كيلو وفيها اقل من الربع بحاجه بسيطه ومع العلم انه كل السرعه مازادت كان المسافه المتبقيه للبنزين بتزيد مش عارف ازاى
والعربيه حاليا عامله 3200 كيلو

**eleanor** · 30-05-2013 06:44 AM

المشاركة الأصلية كتبت بواسطة waleed_fathy

اعتقد ان اللي بيقول ان عزل العربيه مش حلو اوي خاصة عند السرعات العاليه كان منتظر من العربيه افضل من كده
لكن الموضوع مش للدرجه اننا نقول سئ طبعا

انا مش عارف موضوع العزل ماحستش بيه يعنى ماكنش فى دوشه ولا صوت هواء بالعكس لما كنت اقف فى رست وابطل العربيه وافتح الباب بحس انى كنت فى مكان تانى
ممكن يكون موضوع الازاز انك لازم تاكد عليه بايدك ده هو المشكله والناس مش عارفاها

-

الموضوع: استلمت بيجو 508

LinkBack

أدوات الموضوع

عرض

-

-

-

-

-

المواضيع المتشابهه

الحمد لله... استلمت بيجو 508 اليوم

ثبات و تميز بيجو 206cc , استرا 2007 , ستروين C4 , بيجو 307

استلمت بيجو 508 والحمد لله

.:جديد::.2011 بيجو 206+ plus ...الأن فى مصر من الوكيل ::..# خلطة بيجو السحرية ::....

ينفع أعدل بيجو 305 علشان يتركبلها كشافات أمامية بيجو 504 ؟؟

الكلمات الدلالية لهذا الموضوع

المفضلات

المفضلات

ضوابط المشاركة