تقرير تغيير قواعد الموتور - ابيزا 99 - بالصور

**SYD** · 15-03-2013 04:20 PM

المشاركة الأصلية كتبت بواسطة khaled lanos

ألف مبروك على التغيير ياباشا..بصراحة انا عايز اعتب عليك انك اتأخرت عليهم في التغيير..ليه؟

لأن انا بردو لما جيت اغير الــ 3 قواعد في اللانوس من 5 شهور الميكانيكي نزل قاعدة منهم نصين وقاعدة بردو قربت تبقى نصين والتالتة متفرتكة مفيهاش جلد خالص وكلهم كانو كدا طبعا..طبعا كانو بيسببو رجة جامدة جدا لما اجي أدي الأول وأطلع..والأهم من كدا ان الميكانيكي قالي كلمة خوفتني:
قالي احمد ربنا ان المتور موقعش من مكانه وانت ماشي بالعربية ربنا كان ساترها معاك!!
لأن مفيش حاجة تثبت المتور والفتيس غير القاعدة التالتة دي!!
والله أعلم ساعتها كان ممكن يحصل ايه..
فعايز أقولك بعد كدا متتأخرش في تغيير االقواعد دي لأنها مهمة جدا مفيهاش هزار.
وربنا يسترها معاك.

تحياتي..

الله يبارك فيك

والله انا للأسف كنت سايبهم لأني كنت عاوز اعمل العربية كلها مرة واحدة
بس قولت مابدهاش ولازم ابدأ لأني لو فضلت مستني يبقي مش هعمل حاجة خالص
وكنت بعامل العربية بحذر شديد وربنا هو الستار
متشكر اوي ليك
وربنا يستر طريقنا جميعاً

والله المستعان
،
،

**SYD** · 15-03-2013 04:38 PM

الحمد لله بفضل الله
امبارح عملت أختبارات السرعة واخد ملف انا عارف ان الفتيس بيخبط فيه لما باخده علي سرعة 80+
وبفضل الله التخبيط قل كتير عن الأول

شكرا للمتابعة

**SYD** · 22-03-2013 12:41 PM

الف مبروك يا ابوحميد
والحمد لله ان مشاكلك اتحلت

ياريت لو تكتب تجربتك في الموضوع دة

http://www.nilemotors.net/Nile/341028-a.html

تحياتي

**ehab_mansour** · 22-03-2013 02:14 PM

المشاركة الأصلية كتبت بواسطة eemmoo

والله يا ابو محمود انت شجعتنى انى اروح واغير القاعده الاماميه اللى كانت بايظه عندى خصوصا لما عرفت من الاخوه انها بتبوظ الكبالن
طبعا انا خفت اجبها استيراد عشان ممكن بعد ما اركبها تطلع بايظه فروحت عند فتح الباب اللى فى شارع رمسيس وجبتها جديده ماركه توبران ومكتوب عليها المانى بـ 160 جنيه ودى صورتها

بصراحه حسيت بفرق كبير بعد ما ركبتها اهتزاز الموتور اللى كان فى الطلعه والنقلات اختفى وكمان كان عندى هزه جامده فى عصايه الفتيس اختفت مكنتش عارف ان سببها هو القاعده
شكرا ليك يا محمد يا سيد وشكرا لكل الاعضاء اللى بيفيدونا بخبراتهم ومن غيركم ولا كنت عرفت اى حاجه

مبروك يا محمد و ربنا يباركلك في عربيتك

**mahmoud ghanem** · 24-03-2013 01:44 PM

المشاركة الأصلية كتبت بواسطة eemmoo

والله يا ابو محمود انت شجعتنى انى اروح واغير القاعده الاماميه اللى كانت بايظه عندى خصوصا لما عرفت من الاخوه انها بتبوظ الكبالن
طبعا انا خفت اجبها استيراد عشان ممكن بعد ما اركبها تطلع بايظه فروحت عند فتح الباب اللى فى شارع رمسيس وجبتها جديده ماركه توبران ومكتوب عليها المانى بـ 160 جنيه ودى صورتها

بصراحه حسيت بفرق كبير بعد ما ركبتها اهتزاز الموتور اللى كان فى الطلعه والنقلات اختفى وكمان كان عندى هزه جامده فى عصايه الفتيس اختفت مكنتش عارف ان سببها هو القاعده
شكرا ليك يا محمد يا سيد وشكرا لكل الاعضاء اللى بيفيدونا بخبراتهم ومن غيركم ولا كنت عرفت اى حاجه

الف مبروك على التغير .. وشكراً على نقل التجربة