الموضوع: حساس الحرارة

السلام عليكم ورحمة الله وبركاته

شباب النهاردة الصبح انا بدور العربية لقيت الار بي ام ساقط عند الــ 8 وبينزل ورجه طبعا فى العربية وثوانى وعلى تانى للــ 11 فى نفس الوقت كان موشر الحرارة بيعدى النص .

فتحت الكبوت ومسكت الخراطيم لقيتها لسة مش سخنه لدرجة الحرارة الى فى الموشر ده ، المهم بطلتا لعربية وشيلت الفيشة بتاعه حساس الحرارة ونفخت فيها وفى الحساس وهو راكب مكانه وركبت الفيشة تانى ودورت برده ارتفاع الموشر سريع اوى المهم لقيت ان فى ميه بتيجي من مكان الحساس نفسه يعنى المكان الى بيركب فيه الحساس ده بيجب ميه من حوالين جسم الحساس الى داخل فى الموتور يعنى من جوة .

فتحت قربة المية لقيتها مليانة لعند قبل الاخر بشوية انا لسة مزود ميه امبارح وممكن اكون زوت الميه شوية فعلا ، الحساس ده انا لسة مغيره من اسبوع وكانت العربية مظبوطة وشغالة تمام وحل مشكلة الار بي ام وكان تمام .

المهم قفلت القربة تانى وفكيت الفيشة وضغطت على الحساس شوية ولفيته وركبت ودورت كل بقى تمام والموشر مظبوط على النص تمام او قبله بملي تقريبا ...........


اية بقى ها اية عفريت ده ولا اية !!!!!!!!!!!!!!!!!!!!!!!!!

انا ناوى اعمل الاتى انا سايب العربية دلوقتى مبطلة بقالها ساعتين ، هفتح القربة واشيل منها الميه الزيادة بسرجنة او بحرف فوطة ، اخلى مستوى الميه لحد فين لحد حرف القربة الداخلى الى بيبقى تحت ده ولا اية ؟


هل المية الزيادة فى القربة ده هى الى خلت الحساس يجيب ميه من حواليه ؟


الحساس ده لما بيدخل فى جسم الموتور بيكون له رباط ولا مجرد بس انك بتدخله فى فتحة الموتور والتيلة الى بتركب ده هى الى بتقفل عليه يعنى هو ما فيوهش رباط وبتركب الفيشة وخلاص على كده ؟


طيب اية رايكم كده الحساس ده يبقى باظ ولا عادى ممكن المية الزيادة تعمل كده ولما اشيل الميه ده واظبط مستوى القربة ما يجبش ميه تانى ولا اية ؟

انا زي ما قلتكلم انا الحساس مغيره من اسبوع ، ولسة مزود القربة ميه امبارح بس قبل ما امشي الصبح وزودتها اكتر من اللازم هى اول ما فتحت القربة الميه كانت عند حرف زور القربة الداخلى السفلى ، واان قلت ارفعها شوية وانا بزود ميه كل شهر تقريبا مرة وكمية لا تذكر ...............