موضوع الجواز و الطلاق علشان المصالح ده اسمه استخفاف بالشرع .. و اسمه تحايل على ربنا .. و حرام خراب البيوت العمرانه علشان اى سبب .. و ان كان الموضوع مصلحه و رزق فربنا سبحانه و تعالى بيرزق من يشاء و رزقه هايجيله لغايه عنده من غير تحايل و لا خراب بيوت ..
.
افرضى حضرتك اقنعتى صاحبتك بقبول الوضع ده و بعدين الراجل سافر تونس و مارجعش .. او توفى لا قدر الله .. ساعتها هايبقى الوضع ايه ؟! ..
الموضوع ده فيه شبهه التلاعب بالشرع (زى موضوع المحلل بعد الطلقه الثالثه مثلا او زى موضوع الحلف بما لا يستطاع تحقيقه لاجل يدفع كفاره و لا يصوم كفاره لليمين)
اقول لحضرتك على حكايه حصلت لواحد صاحبى سنه 2000 تقريباً
صاحبى ده لما اتخرج من كليه الحقوق راح قدم فى النيابه و كان له قريب مستشار فى محكمه الاستئناف توسط له و قبلوا تعيينه لكن فى التحريات ظهر ان زوج اخته من الاخوان المسلمين (طبعا فى وقتها دى كانت تهمه تكفى لسجنه هو و عيلته كلها مش بس توقف تعيينه فى النيابه) فالناس بتوع امن الدوله اللى بيعملوا تحريات علشان خاطر قريبه المستشار ده اقترحوا عليه فكره .. ان زوج اخته يطلق اخته صورياً بحيث يبان فى الملف الامنى ان اخته مطلقه و بعدين يتعين رسمى فى النيابه و بعدها زوج اخته يردها تانى (اللى بيدخل النيابه مينفعش يرفدوه الا بسبب رشوه او استغلال نفوذ و كده و دى مش بتحصل) .. المهم الولد زى الشاطر (بعد ما اتغر بمنصب النيابه و الحصانه و الفلوس و السلطه) راح يفاتح اخته و جوزها فى الموضوع و كانت النتيجه مأساوية و طبعا الراجل ماتعينش فى النيابه ..
سبحان الله بعدها بشهر تقريبا لقى اعلان شركه كليك (اول ما كانت فاتحه جديد قبل ما تبقى فودافون) طالبين موظفين منهم محامين قدم ورقه و اتقبل و دلوقتى ما شاء الله يعتبر رقم 2 فى المستشارين القانونيين للشركه و بياخد مرتب 10 اضعاف رئيس المحكمة ..
المفضلات