الموضوع: المده المطلوبه لتسخين النترا 2010 صباحا

و لا حاجة .. التسخين غير مطلوب في السيارات الحديثة

كل اللي مطلوب كالتالي :
1- شغل المحرك و أنتظر 30 ثانية
2- أبدأ التحرك بالعربية علي السرعة الدنيا ideal بدون رفع لعدد لفات المحرك أو قرص
3- تنتظر حتي يبدأ مؤشر درجة الحرارة في الأرتفاع قليلا أو لمبة بيان الحرارة الزرقاء تنطفئ
4- بعدها تتحرك بالعربية عادي جدا

المشاركة الأصلية كتبت بواسطة medicalist

مفيش لمبة زرقا بتنور اصلا !

في بعض الموديلات بيكون مؤشر حرارة المياه :
- أما مؤشر (عداد حرارة)
- أو لمبة بيان فقط (زي بعض موديلات الياباني - هيونداي جيتز)

في حالة لمبة البيان بيكون فيه لونين :
- أزرق : ده لو العربية لسه باردة
- أحمر : لو درجة حرارة مياه التبريد أرتفعت عن الحد الاقصي

المشاركة الأصلية كتبت بواسطة samir elshahawy

في بعض الموديلات بيكون مؤشر حرارة المياه :
- أما مؤشر (عداد حرارة)
- أو لمبة بيان فقط (زي بعض موديلات الياباني - هيونداي جيتز)

في حالة لمبة البيان بيكون فيه لونين :
- أزرق : ده لو العربية لسه باردة
- أحمر : لو درجة حرارة مياه التبريد أرتفعت عن الحد الاقصي

تحياتي للمهندس سمير
احنا عندنا غبور حومنا من ده و ده 2010-2011
و لصاحب الموضوع
2 : 5 دقائق
او نص دقيقة وامشي على مهلك شوية اول الرحلة
تحياتي

المشاركة الأصلية كتبت بواسطة mahmoud_afifi

+1

انا بشغل العربيه وعبال ما امسح العربيه والازاز وانضف اي حاجه تكون كام دقيقه عدت والعربيه سخنت اقوم متحرك بيها على طول.

نفس اللي بعملوا تقريبا كده يبقى تمام التمام
تحياتى

التسخين علي الواقف لمدة 5 دقائق مش هايفيد بالعكس هايضر الموتور
ليه ؟

- كده أستهلاك بنزين علي الفاضي
- حريق علي سرعة منخفضة جدا (عدد لفات منخفض للمحرك) و عدم دخول هواء كافي للأحتراق نظرا لتوقف العربية مما يسبب كربون علي وش المكبس و قواعد البلوف و نرجع بعد كده نقول العربية مخنوقة ليه

و علي فكرة فيه تحذير في الكتالوج من السير بالعربية علي السلانسيه فترة أكثر من 5 دقائق علي ما أذكر فما بالك و العربية واقفة اساسا