موضوع ممتاز جدا الف الف شكر للمعلومات القيمة
موضوع ممتاز جدا الف الف شكر للمعلومات القيمة
موضوع اكثر من رائع
بصراحه استفدت كتيير
وليا استفسار
انا معايا عربية موديل 1982
ولسه عامل عامره كامله للموتور
وحطيت زيت فى الاول ونزلته بعد 500 كيلو وكانت دى فترة التليين
وبعد كده حطيت زيت شيل hx3 20w-50
وبقاله كده 1500 كيلو
وبنتعامل فى المصنع مع شركة امويجا بتوردلنا شحوم للماكينات
وقالى ان ممكن احط زيت اوميجا اللى هو تخليقى ولوزوجته 10 w- 40
وقالى ممكن يقعد معاك 10000 كيلو
فا انا بقول لو جبته ونزلته حتى عند 6 الى 7 الاف انا الكسبان بردوا
فا ايه رايك
مع العلم انى بحط بنزين 80
فا انا محتار فى الموضوع ده
موضوع رائع
بارك الله فيك
أولا.. أنا باعتذر عن تأخيري في الرد.. ساعات الواحد بينسى يرد وبيتشغل في حاجات تانية :)
بالنسبة لزيوت أوميجا.. فأنا اتعاملت معاهم أيام ما كنت مهندس صيانة
الحقيقة الزيوت بتاعتهم ممتازة... بس مشكلتها إنها غالية جدا... بس ده كان في تطبيقات الماكينات... يمكن في العربيات تكون أرخص
أنا دخلت على الموقع بتاعهم.. عندهم أربع أنواع زيوت للسيارات... منهم واحد بس تخليقي ورقمه 778
في رأيي لو حضرتك عايز تستخدمه... ما تنزلوش قبل 15 ألف كيلومتر... مع إنهم كاتبين إنه ممكن يشتغل لحد 25 ألف كيلومتر
فيه نوع تاني عندهم (معدني عادي) ورقمه 300 .. وده كاتبين عليه إنه بيقعد في العربية لحد 32 ألف كيلومتر
شوف فرق التكلفة... بمعنى لو سعر الزيت الأوميجا أرخص من سعر كمية الزيت العادي اللي حتغيره خلال 15 ألف كيلومتر .. يبقى يستاهل... غير كده إنساه،
وخلي بالك .. لازم تعمل حساب استهلاك الزيت .. يعني تجيب جالون ومعاه لتر زيادة عشان تعوض النقص.
لو عايز معلومات أكتر عن الزيوت دي... ادخل على الوصلات دي:
=> Magna Industrial Co. Limited - Omega
=> http://www.magnagroup.com/products/o...re/odis778.pdf
=> http://www.magnagroup.com/products/o...re/odis300.pdf
...
خلط الزيوت عموما مرفوض... لإن فيه احتمال كبير إن الإضافات الموجودة في الزيتين تتفاعل مع بعض بطريقة غير صحيحة وتكون مركبات ممكن تسد الفلاتر أو مجاري الزيت
لو عايز تزود زيت.. تجيب نفس النوع اللي كنت حاطط منه... ويفضل تخلي باقي جالون الزيت اللي اشتريته في شنطة العربية عشان تزود منه أو على الأقل تعرف تشتري زيه.
...
حضرتك اشتريتها مستعملة... مش كده؟؟
لو كنت اشتريتها قبل 2011، نظريا كده مفيش مشاكل...
إنما لو اشتريتها بعد كده... اعتقد انك ممكن تلاقي تسريب زيوت من أماكن الجوانات (ارجع للمشاركات 15 و 18)
بصراحة مش عارف إذا كان استخدام الفلش مُجدي في الحالة دي ولا لأ... بس مفيش ما يمنع من وجهة نظري إنك تعمل فلش.. بس تكون محضر نفسك إن يمكن تحتاج تغير كام أويلسيل أو جوان.
...
مجهود رائع
الف شكر على الرد
وفعلا منتاجتهم غاليه بس الصراحه جميله جدا
احنا بنستخدمها عندنا فى المكابس
بصراحه عامله شغل
وبالنسبه للسعر
هو كان قالى ممكن يجبلى الجركن 4 لتر فى حدود 270 الى 300
وانا شايف انى لو حتى هنزله على 10 الاف بس هيبقى انا الكسبان كمان
لانى بجيب شيل الاحمر ب 80 جنيه وبنزله كل الفين كيلو
يعنى 80 * 5 = 400
وكمان هبقى انا المستفيد من انه زيت نضيف
وكمان بيجيب اضافات تتحط على الزيت العبوه حوالى 100 جنيه
قالى دى ممكن تحطها على اى نوع زيت هتعلى كفائته جامد
ان شاء الله هجرب الموضوع ده
تحليل راااااااااااااااااااائع تسلم إيدك
و ربنا يباركلك و يجعله في ميزان حسناتك
موضووووووووووووووووع اكثر من رااااااااااااائع