بسم الله الرحمن الرحيم
تقريرى عن زيارتى لمركز خدمة اتو ايجيبت ابو رواش
فى صيانة الـ 1000 كيلومتر
اولا انى ما ساقوله الله شهيد عليه وللامانة المطلقة فى سرد الحقيقة
ثانيا لانى خرجت من التوكيل وانا متضايق جدا لما حدث وقد يختلف معى اخريين ولكن ما سوف اقوله حقيقى بما يرضى الله

نبدا من الاول كان معيادى يوم الاحد الماضى حسب حجزى فى التليفون وكان معيادى الساعة الواحدة ولانى من الاسماعلية خرجت بدرى عشان اضمن الطريق ولحسن الحظ وصلت الساعة 12 ودخلت المركز
ركنت العربية ودخلت الريسبشن وقبلت موظف الاستقبال واعطنى رقم لمقابلة مهندس الاستقبال وهم 6 مهندسين ويوجد شاشة توضح دورك فاضل علية كم واحد
المهم جاء دورى وقبلت المهندس وكانت معى ورقة كاتب فيها كل ما عندى من مشاكل ومعلومات اريد ان اعرفها لان كتالوج العربية لم استطع ان افهم بعض الاشياء فيه
المهم بدانا الحديث وكانت مشاكلى كالاتى
اولا : عندى فرق فى الشنطة والكابوت فى الناحية اليمنى عن اليسرى وواضح فى الشنطة نظرا لارتفاع الفرق
رد المهندس كتبها فى ورقة الاستلام
ثانيا : الولاعة لا تعمل منذ جربتها عند استلام العربية ولا اعرف لماذا وكنت لا اعلم مكان الفيوزات . يمكن يكون فيوز فتح
رد المهندس كتبها فى ورقة الاستلام
ثالثا : هل عندى انذار فى العربية ام لا لانى جربت اقفل بالمفتاح وانا داخل العربية وفتحت الباب بدون الريموت ولا شى حدث
رد المهندس كتبها فى ورقة الاستلام وكتب برمجة الانذار
رابعا : هو اخبار اية السوائل لانى مش عارف اشوف كمية سائل التبريد هل هى مظبوطة ام لا فى القربة
رد المهندس لا المياة كويسة ومعرفتش ازاى اعرف علامة الـ MAX , MIN
خامسا : هل عندى صاجة التيل بتاع الفرامل دة اللى سمعت عنها فى المنتدى ولا لا
رد المهندس قال لى انت رقم الشاسية بتاعك كام و دة كان فى ارقام تانى مش انت
سادسا : ما موضوع فلتر التكيف اللى سمعت به
رد المهندس العربية بدون فلتر ولما ينزل مصر ممكن تبقى تشتريه
بلعت الكلمة وقلت هو انا اشتريتها من غير فلتر وكمان لما ينزل مصر ابقى اشتريه ليه هو دة اوبشن . المهم قلت مش وقتها للكلام
المهم حسيت ان المهندس زهق من كتر اسئلتى وهو لمح بذلك وقالى انه وراءه عربيات اخرى
وبلعت الكلمة بردة للمرة الثانية لان حسب ما اعلم انى انا المفروض اللى انهى اللقاء مش هو وقلت ان دة اول تجربة لى معهم وبعدين ابقى اقرر فى النهاية اثبت مع اى وكيل لانى اول مرة اجرب نيسان لانى كنت راكب هيونداى ومجرب غبور بالاضافة ان واحد صديقى بيشكر لى فى السبع وانا لا اعرف الاثنين وقلت اجرب اوتو ايجيبت اللى انا مشتريها منهم الاول
وبلغت المهندس انى عاوز اركب باركنسنسور كمان المهم بلغنى معياد الاستلام الساعة 5 واعطنى كوبون بى واحد باتية و2 مشروب ساخن فشكرتة ودخلت العربية وانا تبعت الصيانة اللى تمت وسوف اقولها لكم وما حدث بعد ما اشوف الردود بتاعتكم