الموضوع: لسه جاى من دبى و جالى صدمه حضاريه

انا رحت دبي كذا مره ومحصليش الصدمه دي خالص
بالعكس كرهت البلد جدا وبلد حر ومقرفه وملهاش اي روح وشبابها تحس فيهم بالتفاهه وفقدان الهويه

هي كانت صحرا وبفلوسهم خلوها حته من امريكا بس مفيش ناس ومفيش مخ يشغلها
اللي مشغلنها الأسبويين ومن اول ماتنزل من الطياره تحس انك نزلت بوميباي مش دبي

عارف يعني ايه لازم تبقي عارف انجليزي عشان تعيش في دوله عربيه؟
عارفي عني ايه تبقي عايش في بلد المفروض انها مسلمه واقرب جامع تروح بعربيه (الموضوع ده في دبي لكن في ابوظبي كان بين كل جامع وجامع جامع تاني)

انا رحت كندا وعرفت يعني ايه تحضر وجمال وروح وكل حاجه حلوه

في دبي انت بتتعامل مع هنووووووووووود ومش بتشوف الخلايجه خالص غير في الفيراري والبورش في الشارع او في الكافيهات الأمريكاني في المولات

المشاركة الأصلية كتبت بواسطة speed_magnum

الحياه في مصر اصبحت بلطجه
انت بتعرف تضرب وتزعق وتتخانق يبقي هتعمل اللي انت عاوزه
انت انسان عايش طول عمرك في حالك وطيب وغلبان وما بتحبش الخناقات هتتعب وهتتبهدل وهتتهان جامد

انت عندك فكرة غلط عن البلطجة علي فكرة
انت مفكر ان البلطجي دا بيضرب بس :) , دا بياخد علق محترمة برضوا من بلطجي تاني او يتلموا عليه شويه عيال يعدموه العافية ,وممكن يتقتل او حتي يدخل السجن , بحكم اني كنت ساكن فى منطقة شعبية فانا عارف النوعية دي , وياما شفت عالم كانت عاملة عشر رجالة في بعض وهما هما نفس الرجالة دول شفتهم مطحونين ووشهم شوارع وياما بلطجية اتقتلوا وغيرهم بيقضي بقية عمره فى السجن والكلام دا علي فكرة مش تأليف من دماغي واللهي , دا حاجات انا شفتها وعشتها .
العنف مبيجبش غير العنف
عايز تبقي بلطجي وتاخد حقك بدراعك اعمل حسابك زي ما حتضرب , لازم حتنضرب

المشاركة الأصلية كتبت بواسطة mohab.nabil

مع تكرار المواقف اللى زى ديه الواحد فعلا بعد شوية بتصعب عليه نفسه و بيحس انه فعلا بيتعامل وحش عشان هو بيعامل الناس كويس

انا و الله بتتبع السياسة ديه على طول مع كل الناس مع ان مواقف كتير ببقى انا اقوى كتير من اللى قدامى سواء بدنيا او بالكلام و بقول خلينى انا احسن و ملهاش لزمة انى امسك لكل واحد على كلمة مع انى اقدر انى اضربه او ازعقله او او بس بعد كام موقف بقعد مع نفسى و بتصعب عليا نفسى بالذات ان للاسف مفيش اى حد بيفهم طريقة التعامل ديه يعنى طول ما انت بتعامل الناس محترم الناس يتكلموا عليك من وراك و يقولوا دا شاب اى كلام و مش عارف ايه .. بس الحمد لله ربنا شايف و عادل و بتتعوض للواحد فى حاجات تانية الحمد لله

انت حطيت ايدك علي الجرح ,نظرتك لنفسك بعد الموقف , صدقني انت صح واوعي تسمع لكلام الناس المتخلفة اللي تقلك شاب اي كلام او تسمع لواحد يقلك انا لو مكانك حعمل كدا وكدا واللي يقلك ازاي تسيبه يكلمك كدا ....
انت ارجل من العالم دي لانك قادر تتحكم في اعصابك فى المواقف دي وتكمل حياتك صح , انما المتخلفيين دول دايما حياتهم مليانه مشاكل واخرتهم زي ما قلت .
تحياتي ليك ولكل راجل قادر انه يقود حياته وحياة اسرته بسلام فى ظل الظروف الصعبة اللي احنا فيها .