الموضوع: لسه جاى من دبى و جالى صدمه حضاريه

المشاركة الأصلية كتبت بواسطة Memo-kh

انا كنت من سنه ونص فى زيارة لأوروبا طبعآ الفرق شاسع الثقافى والأخلاقى الإحترام المتبادل بين الناس وبعضها هى الحاجة اللى لازم هتلاحظها بغض النظر عن شكلك أو لونك أو جنسك ( عربى - أوروبى ) والناس كانوا بيبتسموا ليا ولبنتى الصغيره طبعآ مش عاوز أقولكم على الهدوء مفيش حد بيدوس نهائى على الكلاكس ولو أنت واقف فى إشارة وفتحت ومش واخد بالك محدش بيزمرلك تخيل لو إنت فى مصر كنت سمعت مالايخطر ببالك طبعىآ الفرق فى هدوء البال وراحة الأعصاب وأنت سايق أو ماشى فى اى مكان فرق شنيع إحنا معيشين نفسنا فى جو من العدوانيه والضغط العصبى رهيب جدآ وكل حاجة بالخناق والزعيق والدراع وبالنسبة للسواقه أنا سافرت بالعربية كذا دوله وكان الموضوع قمه السلاسة والجمال بالgps تكتب الجهة وتعيش على الطريق السواقه متعه هناك مناظر طبيعية وكده وطبعآ مقوله ( لو انت تعرف تسوق فى مصر تعرف تسوق فى أى حته ) كلام صح 100% مش عايز أحبط حد بس الفرق رهيب وأساسه الأخلاق هى المفتاح للى هما فية وإحنا عمرنا ماهنكون كده أبدا إلآ بتعاليم الإسلام اللى هما بيطبقوها كاملة فى معاملاتهم وإحنا نحفظها من وإحنا صغيرين ولا نطبقها

آسف للإطالة وحبيت انقل لكم تجربتى ووجهة نظرى وشكرآ

ما تعملش كده تانى بجد

عشان انت احبطنى بجد

المشاركة الأصلية كتبت بواسطة lanos2004

دبى
ههههههههههههههههههه
قال دبى قال
شويه اعمدة حديد مغلفه بزجاج وبتلمع -وبيقولك ابراج
دبى دى من اكتر البلاد الموحشه والمقرفه فى العالم
يا فرحتى بشويه شوارع بتلمع وشويه مبانى بتبرق -وما فيش روح--ما فيش مذاق للحياه-
دة حتى البحر فيها بحر ميت لاموج ولا حياه ولا نسمه هوا
فى دبى فينك يا صحبى و ياصديقى
فى دبى فين لمتنا وعيلتنا واخواتنا
فى دبى
انت وحدك وسط الزجاج والبلور
فى دبى انت عريب حتى عن فراشك وبيتك
طب دة كوبايه شاى على شط النيل الساعه 3 الفجر مع الاصحاب
بمليون مدينه وبمليو ن حياه فى دبى
بحبك يا بلدى وبحب ناسك

انا مش حاسس بالكلام اللى بتقوله ده

ده كلام اللى نناسى عجرم فى الاغنية

بس الحقيقة غير كده خاص

انا بكتب الكلام ده والحزن بيعصرنى على الحياة الجافة جدا اللى احنا عايشنها

من الشغل للبيت ومن البيت للشغل

ولو رجعت بدرى ما اصدق اريح من شكل الاسفلت

او من طلبات البيت اللى ما بتخلصش

هو فيه وقت تروح البحر

طب قولى هتركن فين ؟
بلاش هتركب ايه يوصلك
ميكروباص بيسوقه سواق متخلف

ولا تاكسى يقولك عايز 50 جنيه يا استاذ انت الشايف الدنيا زحمه ازاى ( وطبعا بصوت اجش يخليك تشترى نفسك )

تدفع 50 حنيه عشان تشرب كباية شاى 50 قرش

للاسف زمن الصفا والوفاء والرومانسية والمشاعر النبيلة والصداقة الحقيقية والاحساس بالآخرين

للاسف مش موجود دلوقتى .

ولو حد عنده حاجة من ده يبقى يعزمنى يوم عشان اتفرج بس مش هادوق هتفرج بس

المشاركة الأصلية كتبت بواسطة shaddadfalcon1

في دبي برده مش هتعمل اي حاجه لان مفيش اي مكان ممكن تروحه غير شوية مولات هتشوفها مره وتزهق وخلاص علي كده

مش مهم

المهم هاحس ان انا بنى ادم ليا حقوق وعليا واجبات

فى تعليم محترم لولادى

فى وقت بعد الشغل اقعده مع ولادى حتى لو نخرج نتفسح مش مهم نعقد على البحر

المهم ما حسش بكل هموم الدنيا

ده انت حتى لما تجب تروح تتفسح بتحمل هم زحمة الشارع وعدم الانضباط

نفسك بتتسد

تقولى شوية مولات

انا موافق بس النظام والنضافة

يخلى الواحد يفكر الف مرة قبل ما يسيبهم ويدخل جوا صفيحة الزبالة

المشاركة الأصلية كتبت بواسطة lanos2004

فى مصر لو معاك فلوس تعيش ملك الملوك دبى ايه وكلام فاضى ايه
دة انا ليا اصحابى مريشين انسه العيشه والدنيا
هوة الفقر بس فى مصر هوة الى وحش صراحه

لأ مش الفقر بس

لأنك لو عشت فى دبى او السعودية او الكويت او اوروبا مش كل اللى عايشين هناك متريشين

لكن كل اللى عايشين هناك حاسين بالنظام العام فى الدولة ومتمتعين بيه سواء معاهم كتير او قليل

وخدماتك الحكومية بتحصل عليها بكل سهوبة وبدون رشاوى

وحدث ولا حرج واقعد عد الفروق من هنا لغاية الصبح

مش ابقى مالتى مليونير عشان اعيش فى بلدى مستريح

فى مدرسة او قول مدارس قريبة منى بيدفعوا فى السنة 40000 جنيه للطالب

يعنى عايزة اب بيقبض فى السنة 400000 جنيه

لأن فى مصاريف تانية وفيه ابناء تانية وفى وفى وفى

كام واحد بيقبض مرتب 400000 جنيه فى السنة

مائة الف مواطن بلاش نصف مليون طب والباقى ياكلوا ( ..........)

المشاركة الأصلية كتبت بواسطة alexaway

احسن تعليق عجبني
اللي عايز يعيش فى مدينة بلاستك يسافر بره
انما اللي عايز روح يخليه فى مصر

روح شريرة و لا مؤاخذة هههههههههه

لسه حالا واحد صحبى كان بيحب مصرى اوى اوى بجد وعمل عشنها ايام الثورة عايش دلوقتى فى دبى بقاله سنه بقوله مش هتنزل ؟ قالى لا مش هنزل انزل ليه ؟ قولتله عشان نشوفك ياعم ؟ قالى لا تعالى انت اسهل ! ولما تيجى انت كمان مش هتنزل ؟؟ هههههههههههههههه